Just In
- 32 min ago 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- 1 hr ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 1 hr ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 1 hr ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
Don't Miss
- News 89 സീറ്റുകള്, 55ലും ബിജെപി, രണ്ടാം ഘട്ടത്തില് പോരാട്ടം ഈ സീറ്റുകളില്; കേസ് കൂടുതല് കേരളത്തില്
- Lifestyle പ്രശ്നം നിങ്ങളുടേതായിരിക്കില്ല, പക്ഷേ പങ്കാളി എത്ര പ്രകോപിപ്പിച്ചാലും ഈ ഒരു കാര്യം ചെയ്യരുത്
- Movies ഞാനും അണ്ഡം ശീതികരിച്ച് വെക്കുകയാണ്! പിന്നീട് കുഞ്ഞിന് ജന്മം കൊടുക്കാൻ ഉദ്ദേശിക്കുന്നതിനെ പറ്റി മൃണാൽ താക്കൂർ
- Sports T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത്
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Technology ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
എത്തുന്നു പുതിയ ഹോണ്ട അമേസ് — കാറില് ഫീച്ചറുകളുടെ നീണ്ട നിര!
പുതിയ ഹോണ്ട അമേസ് വരവറിയിച്ചു. മെയ് 16 ന് രണ്ടാം തലമുറ അമേസ് സെഡാന് വിപണിയില് അവതരിക്കും. അമേസിന്റെ ബുക്കിംഗ് ഹോണ്ട തുടങ്ങി. 21,000 രൂപയാണ് ബുക്കിംഗ് തുക. എഞ്ചിനുകള് ഒഴികെ ബാക്കിയെല്ലാം അടിമുടി പുത്തനാണ് അമേസില്.
പുതിയ അടിത്തറയും രൂപകല്പനയും, ശ്രേണിയിലെ ആദ്യ ഫീച്ചറുകള്, പിന്നെ പ്രീമിയം പരിവേഷവും; നിലവിലുള്ള അമേസിനെക്കാളും വളര്ന്നു വലുതായാണ് പുതിയ സെഡാന്റെ വരവ്. ഹോണ്ട പുറത്തുവിട്ട അമേസിന്റെ ഔദ്യോഗിക വീഡിയോയും ഇതുപറഞ്ഞു വെയ്ക്കുന്നു.
കോമ്പാക്ട് സെഡാന് ശ്രേണിയിലെ സമവാക്യങ്ങള് പുതിയ അമേസിന്റെ വരവോട് കൂടി തകിടം മറിയും. എഞ്ചിന് സ്റ്റാര്ട്ട്/സ്റ്റോപ് ബട്ടണും, ഷാര്ക്ക് ഫിന് ആന്റീനയും അമേസിന്റെ ഫീച്ചറുകളില് ഉള്പ്പെടും.
ഡീസല് സെഡാനില് സിവിടി ഓട്ടോമാറ്റിക് ഗിയര്ബോക്സ് ഒരുങ്ങുന്നത് ഇതാദ്യം. പാഡില് ഷിഫ്റ്ററുകളുമുണ്ട് അമേസില്. പഴയ ചെരിഞ്ഞിറങ്ങുന്ന ബോണറ്റിനെ കമ്പനി പൂര്ണമായും ഉപേക്ഷിച്ചു.
പകരം വെട്ടിവെടിപ്പാക്കിയ മസിലന് ബോണറ്റാണ് കാറില്. കട്ടിയേറിയ ക്രോം അലങ്കാരം ഗ്രില്ലില് കാണാം. ഹോണ്ടാ ലോഗോയും ക്രോമില് തന്നെ. പരിഷ്കരിച്ച ഹെഡ്ലാമ്പുകളാണ് ഗ്രില്ലിന് ഇരുവശത്തും. എല്ഇഡി ഡെയ്ടൈം റണ്ണിംഗ് ലൈറ്റുകളും ഹെഡ്ലാമ്പുകളിലാണ്.
പുതിയ അടിത്തറയുടെ പശ്ചാത്തലത്തില് അമേസിന്റെ വീതി കാര്യമായി കൂടിയിട്ടുണ്ട്. അതുകൊണ്ടു അകത്തളം വിശാലമായിരിക്കും എന്നര്ത്ഥം. പുതിയ എല്ഇഡി ടെയില്ലാമ്പ് ക്ലസ്റ്ററോടെയുള്ള പരിഷ്കരിച് ബൂട്ട് ലിഡും അമേസില് എടുത്തുപറയണം.
അകത്തളത്തിലേക്കും ഹോണ്ട പുറത്തുവിട്ട അമേസ് വീഡിയോ വെളിച്ചം വീശുന്നുണ്ട്. ബീജും കറുപ്പും നിറഞ്ഞ ഇരട്ടനിറമാണ് ഡാഷ്ബോര്ഡിന്.
7.0 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സംവിധാനം, ക്ലൈമറ്റ് കണ്ട്രോളിനുള്ള ടച്ച് ബട്ടണുകള്, സ്റ്റീയറിംഗിലുള്ള കണ്ട്രോളുകള് എന്നിങ്ങനെ നീളും അകത്തളത്ത പ്രധാന വിശേഷങ്ങള്.
ക്രൂയിസ് കണ്ട്രോള്, ഓട്ടോമാറ്റിക് ക്ലൈമറ്റ് കണ്ട്രോള്, കീലെസ് എന്ട്രി, സെന്സറുകളോടുള്ള റിവേഴ്സ് പാര്ക്കിംഗ് ക്യാമറ എന്നിവ അമേസിന്റെ ഫീച്ചറുകളില് ഉള്പ്പെടും.
വലിയ 15 ഇഞ്ച് അലോയ് വീലുകളിലാണ് രണ്ടാം തലമുറ സെഡാന്റെ ഒരുക്കം. നിലവിലുള്ള അമേസില് 14 ഇഞ്ചാണ് അലോയ് വീലുകള്. ഇതൊക്കെയാണെങ്കിലും എഞ്ചിനില് മാറ്റങ്ങള് വരുത്താന് മാത്രം ജാപ്പനീസ് നിര്മ്മാതാക്കള് തയ്യാറായിട്ടില്ല.
1.2 ലിറ്റര് പെട്രോള്, 1.5 ലിറ്റര് ഡീസല് എഞ്ചിനുകളാണ് പുതിയ അമേസില്. പെട്രോള് എഞ്ചിന് പരമാവധി 88 bhp കരുത്തും 109 Nm torque ഉം സൃഷ്ടിക്കാനാവും. 100 bhp കരുത്തും 200 Nm torque ഉം ഉത്പാദിപ്പിക്കുന്നതാണ് ഡീസല് എഞ്ചിന്.
അഞ്ചു സ്പീഡ് മാനുവല്, ആറു സ്പീഡ് മാനുവല്, സിവിടി ഗിയര്ബോക്സ് ഓപ്ഷനുകള് അമേസില് ഉപഭോക്താക്കള്ക്ക് തെരഞ്ഞെടുക്കാം. ഇക്കുറി ഡീസല് പതിപ്പില് സിവിടി ഒരുങ്ങുന്നുണ്ട്.
വിപണിയിലെ ഏറ്റവും തിരക്കേറിയ ശ്രേണിയിലേക്കാണ് 2018 ഹോണ്ട അമേസിന്റെ ചുവടുവെയ്പ്. എതിരാളികള് മാരുതി ഡിസൈര്, ഹ്യുണ്ടായി എക്സെന്റ്, ഫോക്സ്വാഗണ് അമിയോ, ഫോര്ഡ് ആസ്പൈര്, ടാറ്റ സെസ്റ്റ്, ടാറ്റ ടിഗോര് എന്നിവര്.
കാറിന്റെ പ്രീമിയം പരിവേഷം മത്സരത്തില് ഹോണ്ടയ്ക്ക് അനുകൂലമായി ഭവിക്കുമെന്നാണ് വിലയിരുത്തല്.