Just In
- 5 hrs ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- 6 hrs ago അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി
- 6 hrs ago അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ്
- 7 hrs ago വ്ലോഗിംഗും തുണിക്കടയും ഹിറ്റ്, 48 ലക്ഷത്തിന്റെ പുത്തൻ ഇലക്ട്രിക് കാർ സ്വന്തമാക്കിയ ഈ നടിയെ അറിയുമോ?
Don't Miss
- Sports IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ്
- Lifestyle സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി
- News പ്രമേഹ രോഗി, ഇന്സുലിന് ആവശ്യപ്പെട്ടിട്ടും നല്കിയില്ല; കെജ്രിവാളിനെ കൊല്ലാന് ഗൂഢാലോചനയെന്ന് എഎപി
- Movies അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
പുതിയ ഹോണ്ട അമേസ് എത്തുക നാലു വകഭേദങ്ങളില് — അറിയേണ്ടതെല്ലാം
ഒരുക്കങ്ങളൊക്കെ നേരത്തെ കഴിഞ്ഞു. അടിമുടി മാറിയ ഹോണ്ട അമേസ് മെയ് 16 -ന് വിപണിയില് എത്തും. 2018 ഓട്ടോ എക്സ്പോയില് വെച്ചു തന്നെ പുതിയ അമേസുമായി വിപണി പ്രണയത്തിലായി. വില പ്രഖ്യാപിച്ചിട്ടില്ലെങ്കിലും ബുക്കിംഗുകളുടെ ബാഹുല്യമാണ് ഡീലര്ഷിപ്പുകളില്. എന്നാല് ഔദ്യോഗിക വരവിന് മുമ്പെ അമേസ് വകഭേദങ്ങളുടെ വിവരങ്ങള് പുറത്തുവന്നു.
E, S, V, VX എന്നിങ്ങനെ നാലു വകഭേദങ്ങളാണ് പുതുതലമുറ അമേസില്. ഇരട്ട എയര്ബാഗുകള്, എബിഎസ്, ഇബിഡി, ബ്രേക്ക് അസിസ്റ്റ്, ISOFIX ചൈല്ഡ് സേഫ്റ്റി സീറ്റ് ആങ്കര് പോയിന്റുകള്, റിവേഴ്സ് പാര്ക്കിംഗ് സെന്സറുകള് എന്നിവ വകഭേദങ്ങളില് ഉടനീളം സ്റ്റാന്ഡേര്ഡ് ഫീച്ചറാണ്.
ക്രോം ഗ്രില്ലില്ലാണ് ബേസ് വകഭേദം അമേസ് E വരിക. ഇരട്ടനിറമുള്ള അകത്തളം, പിയാനൊ ബ്ലാക് കണ്സോള്, എയര് കണ്ടീഷണിംഗ്, ഡ്രൈവറുടെ വശത്തുള്ള ഓട്ടോ ഡൗണ് വിന്ഡോ എന്നിവ E വകഭേദത്തില് എടുത്തുപറയാം. ആഢംബര ഫീച്ചറുകളുടെ മേമ്പൊടി തെല്ലുമില്ലാതെയാണ് അമേസ് E -യുടെ ഒരുക്കം.
വൈദ്യുത പിന്തുണയാല് ക്രമീകരിക്കാവുന്ന മിററുകള്, ഷാര്ക്ക് ഫിന് ആന്റീന, ബോഡി നിറത്തിലുള്ള ഡോര് ഹാന്ഡിലുകള് എന്നിവ പുതിയ അമേസ് S വകഭേദത്തിന്െ പ്രത്യേകതകളാണ്.
കീലെസ് എന്ട്രി, ചെരിവ് ക്രമീകരിക്കാവുന്ന സ്റ്റീയറിംഗ് വീല്, 2-DIN ഓഡിയോ സംവിധാനം (നാലു സ്പീക്കറുകള്), ഉയരം ക്രമീകരിക്കാവുന്ന ഡ്രൈവര് സീറ്റ് എന്നിങ്ങനെ നീളും S വകേഭദത്തിന്റെ പൊതുവിശേഷങ്ങള്.
എല്ഇഡി പൊസിഷന് ലാമ്പുകളാണ് പുതിയ ഹോണ്ട അമേസ് V, V CVT വകഭേദങ്ങളില് ആദ്യം ചൂണ്ടിക്കാട്ടേണ്ടത്. ഓട്ടോമാറ്റിക് ക്ലൈമറ്റ് കണ്ട്രോള്, ഫോഗ്ലാമ്പുകള്, എഞ്ചിന് സ്റ്റാര്ട്ട്/സ്റ്റോപ് ബട്ടണ്, 15 ഇഞ്ച് അലോയ് വീലുകള്, ഇലക്ട്രോ മാഗ്നറ്റിക് ട്രങ്ക് ഓപണിംഗ് പോലുള്ള ഫീച്ചറുകളാണ് ഈ വകഭേദങ്ങളില് മുഖ്യം. സിവിടി മോഡലില് പാഡില് ഷിഫ്റ്ററുകളും ഒരുങ്ങുന്നുണ്ട്.
ഏറ്റവും ഉയര്ന്ന VX വകഭേദത്തില് തിങ്ങി നിറഞ്ഞാണ് ഫീച്ചറുകളുടെ കിടപ്പ്. ആന്ഡ്രോയ്ഡ് ഓട്ടോ ആപ്പിള് കാര്പ്ലേ കണക്ടിവിറ്റിയുള്ള ടച്ച്സ്ക്രീന് ഇന്ഫോടെയ്ന്മെന്റ് സംവിധാനം, ക്രൂയിസ് കണ്ട്രോള്, വോയിസ് റെക്കഗ്നീഷന് എന്നിങ്ങനെ നീളുന്ന അത്യാധുനിക ഫീച്ചറുകളാണ് VX വകഭേദത്തില്.
മാരുതി സുസൂക്കി ഡിസൈര്, ഹ്യുണ്ടായി എക്സെന്റ്, ടാറ്റ ടിഗോര്, ഫോര്ഡ് ഫിഗൊ ആസ്പൈര് എന്നിവര്ക്കിടയിലേക്കാണ് പുതിയ അമേസ് കടന്നുവരിക. നിലവിലുള്ള അമേസിന്റെ രണ്ടാം തലമുറയാണ് പുതിയ അവതാരം.
പുതിയ അടിത്തറയും രൂപകല്പനയും, ശ്രേണിയിലെ ആദ്യ ഫീച്ചറുകള്, പിന്നെ പ്രീമിയം പരിവേഷവും; നിലവിലുള്ള അമേസിനെക്കാളും വളര്ന്നു വലുതായാണ് പുതിയ സെഡാന്റെ വരവ്. രാജസ്ഥാനിലുള്ള ഹോണ്ടയുടെ തപുക്കാര പ്ലാന്റില് നിന്നുമാണ് അമേസിന്റെ ഉത്പാദനം. ഇവിടെ നിന്നുമാണ് WR-V, സിറ്റി, ജാസ്, BR-V മോഡലുകളും വിപണിയില് എത്തുന്നത്.
1.2 ലിറ്റര് പെട്രോള്, 1.5 ലിറ്റര് ഡീസല് എഞ്ചിനുകളാണ് പുതിയ അമേസില്. പെട്രോള് എഞ്ചിന് പരമാവധി 88 bhp കരുത്തും 109 Nm torque ഉം സൃഷ്ടിക്കാനാവും. 100 bhp കരുത്തും 200 Nm torque ഉം ഉത്പാദിപ്പിക്കുന്നതാണ് ഡീസല് എഞ്ചിന്.
അഞ്ചു സ്പീഡ് മാനുവല്, ആറു സ്പീഡ് മാനുവല്, സിവിടി ഗിയര്ബോക്സ് ഓപ്ഷനുകള് അമേസില് ഉപഭോക്താക്കള്ക്ക് തെരഞ്ഞെടുക്കാം. ഇക്കുറി ഡീസല് പതിപ്പില് സിവിടി ഒരുങ്ങുന്നുണ്ട്. മത്സരം കണക്കിലെടുത്ത് ഏകദേശം അഞ്ചര ലക്ഷം രൂപ മുതല് ഒമ്പതു ലക്ഷം രൂപ വരെ പുതിയ അമേസില് ഹോണ്ട വില നിശ്ചയിക്കുമെന്നാണ് പ്രതീക്ഷ.
Source: TeamBHP