Just In
- 34 min ago 'കുടുംബം' നോക്കാന് ഏഥര്! രാജ്യം കാത്തിരുന്ന ഫാമിലി സ്കൂട്ടറിനായുള്ള ബുക്കിംഗ് തുടങ്ങി
- 1 hr ago ഒരു ഇന്നോവയ്ക്കും തരാൻ പറ്റാത്ത യാത്രാസുഖം, പ്രേമലു നായകന്റെ 'സൂപ്പർബ് കാർ' തിരിച്ചുവരുന്നു
- 2 hrs ago 20 വര്ഷത്തിന് ശേഷം ലംബോര്ഗിനി മാറ്റിയ ലോഗോ കണ്ടോ? ഒരമ്മ പെറ്റ അളിയന്മാരെന്നേ പറയൂ...
- 3 hrs ago പുതിയത് അങ്ങനെയാരും വാങ്ങുന്നില്ല, പക്ഷേ സെക്കൻഡ് ഹാൻഡ് വിപണിയിൽ ഈ കാർ വാങ്ങാൻ ലേഡീസിന്റെ കൂട്ടിയിടി
Don't Miss
- Technology വേറൊന്നും ചിന്തിക്കാനില്ല, തട്ടി പോക്കറ്റിൽ കേറ്റ്! എസ് 24 സ്മാർട്ട്ഫോണുമായി ഐടെൽ
- Movies നിങ്ങളുടെ കാമുകനെക്കാള് 4 വയസ് കൂടുതലുണ്ടെനിക്ക്, സര് എന്ന് വിളിക്കരുത്, കത്രീനയോട് കബീര് ഖാന്
- Sports IPL 2024: രണ്ട് വര്ഷത്തിനുള്ളില് ഈ 22 കാരന് ഇന്ത്യന് ടീമിലെത്തും; യുവതാരത്തെക്കുറിച്ച് ഇര്ഫാന് പഠാന്
- Lifestyle നിങ്ങള് എപ്പോള് മരിക്കും, മരണം പ്രവചിക്കുന്ന എഐ അല്ഗോരിതവുമായി ഡാനിഷ് ഗവേഷകര്, പ്രവര്ത്തനം ഇങ്ങനെ
- Finance ഇതിലും മികച്ച പലിശ സ്വപ്നങ്ങളിൽ മാത്രം, പോസ്റ്റ് ഓഫീസ് നിക്ഷേപങ്ങളുടെ പലിശ നിരക്കറിയാം, ഇപ്പോൾ തന്നെ തുടങ്ങൂ
- News ആദ്യമായി വോട്ട് ചെയ്യുകയാണോ? രീതികൾ അറിയില്ലേ, ആശങ്കവേണ്ട; അറിയേണ്ടതെല്ലാം ഇതാ
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
കാറുകള്ക്ക് വമ്പന് വിലക്കിഴിവ് പ്രഖ്യാപിച്ച് നിസാന് — അറിയേണ്ടതെല്ലാം
കാറുകള്ക്ക് വന്വിലക്കിഴിവ് പ്രഖ്യാപിച്ച് നിസാന് ഇന്ത്യ. മൈക്ര, സണ്ണി, ടെറാനോ ഉള്പ്പെടെ മുഴുവന് നിസാന് മോഡലുകളിലും 50,000 രൂപയ്ക്ക് മേലെ ഡിസ്കൗണ്ട് നേടാന് ഉപഭോക്താക്കള്ക്ക് അവസരം. ഇന്ത്യയില് നിസാന് കാറുകളുടെ പ്രചാരം കൂട്ടാന് പുതിയ ഓഫര് ആനുകൂല്യങ്ങള്ക്ക് കഴിയുമെന്ന പ്രതീക്ഷയിലാണ് കമ്പനി.
പ്രാരംഭ ഹാച്ച്ബാക്ക് മൈക്ര ആക്ടിവില് 20,000 രൂപയുടെ സൗജന്യ ഇന്ഷുറന്സും 10,000 രൂപയുടെ വിലക്കിഴിവുമാണ് കമ്പനി ലഭ്യമാക്കുന്നത്. സര്ക്കാര് ജീവനക്കാര്ക്ക് പ്രത്യേക 7.99 ശതമാനം പലിശ നിരക്കില് കാര് ലോണും നിസാന് നല്കും.
ഏകദേശം 15,000 രൂപയോളം ഇത്തരത്തില് ആനുകൂല്യം നേടാന് സര്ക്കാര് ജീവനക്കാര്ക്ക് അവസരമുണ്ട്. വിപണിയില് 5.03 ലക്ഷം മുതല് 5.98 ലക്ഷം രൂപ വരെയാണ് നിസാന് മൈക്ര ആക്ടിവിന് വില.
സാധാരണ മൈക്ര ഹാച്ച്ബാക്കിലും ഇതേ ഓഫര് ആനുകൂല്യങ്ങളാണ് നിസാന് പ്രഖ്യാപിച്ചിരിക്കുന്നത്. എന്നാല് വിലക്കിഴിവ് 12,000 രൂപയായിരിക്കുമെന്നു മാത്രം. സി സെഗ്മന് സെഡാന് സണ്ണിയില് 35,000 രൂപയുടെ സൗജന്യ ഇന്ഷുറന്സാണ് കമ്പനി നല്കുക.
ഇതുകൂടാതെ സര്ക്കാര് ജീവനക്കാര്ക്ക് 7,000 രൂപ അധിക വിലക്കിഴിവും പ്രത്യേക 7.99 ശതമാനം പലിശ നിരക്കില് വായ്പയും നേടാന് അവസരമുണ്ട്. 45,000 രൂപയുടെ സൗജന്യ ഇന്ഷുറന്സാണ് ടെറാനോ എസ്യുവിയില് കമ്പനി നല്കുക. വിലക്കിഴിവ് 30,000 രൂപയും.
സര്ക്കാര് ജീവനക്കാര്ക്ക് 7.99 ശതമാനം പലിശ നിരക്കില് വായ്പയും 10,000 രൂപയുടെ അധിക ഡിസ്കൗണ്ടും നേടാം. വില്പനയില് നിസാന് ഇതുവരെയും കാര്യങ്ങള് ഭദ്രമാക്കാന് കഴിഞ്ഞിട്ടില്ല. ശ്രേണിയിലെ മത്സരം വിലയിരുത്തിയാല് മോഡലുകളുടെ കാലപ്പഴക്കം തന്നെയാണ് പലപ്പോഴും നിസാന് വിനയാകുന്നത്.
എന്നാല് വരാനിരിക്കുന്ന ഉത്സവ കാലവും വമ്പന് വിലക്കിഴിവും വില്പനയ്ക്ക് പുത്തനുണര്വേകുമെന്ന് കമ്പനി കരുതുന്നു. അതേസമയം അടുത്തവര്ഷം തുടക്കത്തില് തന്നെ നിരയില് പുതുമ കൊണ്ടുവരാനുള്ള തയ്യാറെടുപ്പുകള് നിസാന് നടത്തി വരികയാണ്.
പുതിയ കിക്സ് എസ്യുവിയിലൂടെ 2019 വര്ഷം തുടങ്ങാനാണ് നിസാന്റെ പദ്ധതി. ടെറാനോയുടെ B0 അടിത്തറയില് നിന്നുമൊരുങ്ങുന്ന കിക്സ് എസ്യുവി, ടെറാനോയില് നിന്നുതന്നെ എഞ്ചിനും ഘടകങ്ങളും പങ്കിടും.
യൂറോപ്യന് ശൈലിക്ക് പ്രധാന്യം കല്പിച്ചുള്ള രൂപഭാവമാണ് നിസാന് കിക്സിന്. ഹ്യുണ്ടായി ക്രെറ്റയോടാണ് നിസാന് കിക്സ് വിപണിയില് മത്സരിക്കുക. 1.5 ലിറ്റര് പെട്രോള് ടര്ബ്ബോചാര്ജ്ഡ് ഡീസല് എഞ്ചിനുകള് എസ്യുവിയില് പ്രതീക്ഷിക്കാം.
മത്സരം കണക്കിലെടുത്ത് പത്തുലക്ഷം രൂപ നിലവാരത്തില് കിക്സിനെ ഇന്ത്യയില് അവതരിപ്പിക്കാനായിരിക്കും നിസാന്റെ ഉദ്ദേശം.
Source: CarDekho