Just In
- 40 min ago മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി
- 3 hrs ago ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ
- 4 hrs ago ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി
- 6 hrs ago കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
Don't Miss
- Movies വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ്
- Sports IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര
- News പത്തനംതിട്ടയിലും മോക് പോളില് പിഴവ്, പരാതിയുമായി യുഡിഎഫ്: വിശദീകരണം നല്കി കളക്ടർ
- Technology റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം
- Lifestyle ചാണക്യനീതി: എല്ലാവര്ക്കുമുണ്ട് ഒരു കഷ്ടകാലം, ജീവിതം നശിക്കാതിരിക്കാന് 7 കാര്യം
- Finance സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ
- Travel പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
ഫോര്ഡ് എന്ഡവറിനോടല്ല, ഇന്ത്യയ്ക്ക് കൂടുതല് പ്രിയം ടൊയോട്ട ഫോര്ച്യൂണറിനോട് — കാരണമിതാണ്
ഇന്നോവയുടെ കാര്യം പറഞ്ഞതുപോലെയാണ് ടൊയോട്ട ഫോര്ച്യൂണറിന്റെയും. വില മോഡലുകളുടെ തലവര കുറിക്കുന്ന ഇന്ത്യന് വിപണിയില് പ്രതിമാസം 2,000 ഫോര്ച്യൂണറുകളെ മുടക്കംകൂടാതെ വിറ്റുവരികയാണ് ടൊയോട്ട.
മുഖ്യ എതിരാളി എന്ഡവറിന്റെ കാര്യമെടുത്താലോ, മോഡലില് പ്രതിമാസം 500 യൂണിറ്റ് വില്പന മറികടക്കാന് പാടുപെടുകയാണ് ഫോര്ഡ്. ഇന്ത്യയില് ടൊയോട്ട ഫോർച്യൂണറുകൾ ഇത്രയധികം വിറ്റുപോകാന് എന്താണ് കാരണം? പരിശോധിക്കാം —
ടൊയോട്ട എന്ന പേര്
ടൊയോട്ടയ്ക്കുള്ള സല്പ്പേര് ഫോര്ച്യൂണറിന്റെ തേരോട്ടത്തില് നിര്ണായക പങ്കാണ് വഹിക്കുന്നതെന്ന് പ്രത്യേകം പറയേണ്ടതില്ല. 2009 -ല് ആദ്യതലമുറ ഫോര്ച്യൂണര് ഇന്ത്യയില് വന്നതു മുതല് വില്പനയില് തലയുയര്ത്തി നില്ക്കുകയാണ് ഈ ടൊയോട്ട എസ്യുവി.
കഴിഞ്ഞ പത്തുവര്ഷം കൊണ്ടു ഇന്ത്യന് മനസില് ആഴത്തില് പതിയാന് ടൊയോട്ട ഫോര്ച്യൂണറിന് കഴിഞ്ഞു. ടൊയോട്ട ഫോര്ച്യൂണറില് പണം മുടക്കിയാല് പാഴായി പോകില്ലെന്ന വിശ്വാസം വിപണിയില് ശക്തമാണ്. എന്തിനേറെ പറയുന്നു, പ്രധാനമന്ത്രി നരേന്ദ്ര മോദിയ്ക്ക് അകമ്പടി സുരക്ഷ ഒരുക്കുന്നത് പോലും ഫോര്ച്യൂണര് എസ്യുവികളാണ്.
റീസെയില് മൂല്യം
റീസെയില് മൂല്യമാണ് ടൊയോട്ട ഫോര്ച്യൂണറിന് ഇത്രയേറെ പ്രചാരം ലഭിക്കാനുള്ള മറ്റൊരു പ്രധാന കാരണം. ഉയര്ന്ന റീസെയില് മൂല്യമാണ് വിപണിയില് ടൊയോട്ട ഫോര്ച്യൂണറുകള് ആസ്വദിക്കുന്നത്. വില്പനയ്ക്ക് എത്താന് തുടങ്ങിയിട്ട് വര്ഷങ്ങളേറെയായെങ്കിലും ഫോര്ച്യൂണറിന്റെ റീസെയില് മൂല്യം ഇന്നുവരെ ഇടിഞ്ഞിട്ടില്ല.
26 ലക്ഷം മുതല് 31 ലക്ഷം രൂപ വരെ നീളും പുതിയ ഫോര്ച്യൂണറുകള്ക്ക് വിപണിയില് വില. വാങ്ങി മൂന്നുവര്ഷം കഴിഞ്ഞാലും ടൊയോട്ട ഫോര്ച്യൂണറിന് യഥാര്ത്ഥ വിലയുടെ 85 ശതമാനം റീസെയില് മൂല്യം ലഭിക്കുമെന്നു CarWale പുറത്തുവിട്ട റിപ്പോര്ട്ടില് പറയുന്നുണ്ട്.
വിശ്വാസ്യതയേറിയ വിപണന ശൃഖല
രാജ്യത്തുടനീളം ടൊയോട്ട സ്ഥാപിച്ച വിപണന ശൃഖല ഫോര്ച്യൂണറിന് മുതല്ക്കൂട്ടായി മാറുന്നു. ഫോര്ച്യൂണറില് ടൊയോട്ട നല്കുന്ന മൂന്നുവര്ഷ പൂര്ണ്ണ വാറന്റിയും എസ്യുവിയിലേക്ക് ആളുകളുടെ ശ്രദ്ധയെത്താനുള്ള കാരണമാണ്.
ആവശ്യമെങ്കില് അധിക വാറന്റിയും ഫോര്ച്യൂണറില് ടൊയോട്ട ലഭ്യമാക്കുന്നുണ്ട്. പ്രകടനക്ഷമതയേറിയ എഞ്ചിന്റെ പശ്ചാത്തലത്തില് പ്രശന്ങ്ങള് കൂടാതെ ലക്ഷം കിലോമീറ്ററുകള് താണ്ടാന് ഫോര്ച്യൂണറിന് കഴിയും. 24 മണിക്കൂറും ലഭ്യമായ റോഡ്സൈഡ് അസിസ്റ്ററന്സും ഫോര്ച്യൂണര് വാങ്ങാനുള്ള കാരണമായി ഉപഭോക്താക്കള് ചൂണ്ടിക്കാട്ടുന്നു.
കുറഞ്ഞ പരിപാലന ചിലവുകള്
ടൊയോട്ട മോഡലുകള്ക്ക് പൊതുവെ പരിപാലന ചിലവുകള് കുറവാണ്. പ്രീമിയം എസ്യുവി ഫോര്ച്യൂണറിന്റെ കാര്യത്തിലും ഈ പതിവു കമ്പനി തെറ്റിക്കുന്നില്ല. വലിയ ചിലവുകള് കൂടാതെ ഫോര്ച്യൂണറിനെ കൊണ്ടുനടക്കാമെന്നു സാരം.
അപ്രതീക്ഷിത ബ്രേക്ക് ഡൗണുകള് ഫോര്ച്യൂണറില് അപൂര്വം മാത്രമാണ്. സര്വീസ് സമയാസമയമെങ്കില് ഫോര്ച്യൂണറില് ആശങ്കപ്പെടേണ്ടതായി ഒന്നുമില്ലെന്നു ടൊയോട്ട തന്നെ ഉറപ്പുപറയുന്നു.
എണ്ണമറ്റ വകഭേദങ്ങള്
എഞ്ചിന് പതിപ്പുകളിലും വകഭേദങ്ങളിലും തെരഞ്ഞെടുക്കാന് ഒത്തിരി മോഡലുകളുണ്ടെന്നതും ഫോര്ച്യൂണറിന്റെ പ്രത്യേകതയാണ്. നിലവില് ആറു വകഭേദങ്ങളാണ് ഫോര്ച്യൂണറിലുള്ളത്.
മാനുവല്, ഓട്ടോമാറ്റിക് പതിപ്പുകള് ഇതില്പ്പെടും. പെട്രോള്, ഡീസല് എഞ്ചിനുകളും എസ്യുവിയില് തെരഞ്ഞെടുക്കാം. 4X2 സംവിധാനത്തില് മാത്രമെ പെട്രോള് മോഡലുകള് ലഭ്യമാവുകയുള്ളു.
അതേസമയം മാനുവല്, ഓട്ടോമാറ്റിക് ഓപ്ഷനുകള് ഫോര്ച്യൂണര് പെട്രോളിലുണ്ട്. ഡീസല് മോഡലിലാണ് വൈവിധ്യത കൂടുതല്. 4X2, 4X4 ഓപ്ഷനുകള് ഫോര്ച്യൂണര് ഡീസലില് ഒരുങ്ങുന്നുണ്ട്. ഇരു ഡ്രൈവ് ഘടനകളിലും മാനുവല്, ഓട്ടോമാറ്റിക് ഓപ്ഷനുകള് ലഭ്യമാണ്.
കണ്ണുമടച്ചു വിശ്വസിക്കാം ഡീസല് എഞ്ചിനെ
ടൊയോട്ടയുടെ പ്രശസ്ത GD സീരീസ് ഡീസല് എഞ്ചിനാണ് ഫോര്ച്യൂണറില്. ലോകത്തിലെ അത്യാധുനിക ഡീസല് എഞ്ചിനുകളില് ഒന്നാണിത്. 2015 മുതല് GD സീരീസ് ഡീസല് എഞ്ചിന് ടൊയോട്ട ഫോര്ച്യൂണറില് തുടിക്കുന്നുണ്ട്.
അസോസിയേറ്റഡ് ESTEC (ഇക്കോണമി വിത്ത് സുപീരിയര് തെര്മല് എഫിഷ്യന്സി കമ്പസ്റ്റ്യന്) ടെക്നോളജി ഉപയോഗിക്കുന്ന എഞ്ചിന് ഭേദപ്പെട്ട ഇന്ധനക്ഷമത കാഴ്ച്ചവെക്കുന്നു. അതേസമയം ആക്സിലറേഷന് കുറയുന്നെന്ന പരാതിയും ഫോര്ച്യൂണറിലില്ല.
ടൊയോട്ട നിര്മ്മിച്ചിട്ടുള്ളതില് വെച്ചു ഏറ്റവും പ്രകടനക്ഷമതയേറിയ എഞ്ചിനാണ് GD സീരീസില് നിന്നുള്ള 2.8 ലിറ്റര് യൂണിറ്റ്. എഞ്ചിന് 174.5 bhp കരുത്തും 420 Nm torque ഉം പരമാവധി സൃഷ്ടിക്കാനാവും.