Just In
- 12 min ago ഒറ്റയടിക്ക് കിട്ടിയത് 4,000 ഓർഡറുകൾ, സിട്രൺ ഇലക്ട്രിക് കാർ ഇനി നിരത്തുകളിൽ നിറയും
- 51 min ago കശ്മീർ-ടു-കന്യാകുമാരി സർട്ടിഫൈഡ്! ഏഥറിനേയും ഓലയേയും സൈഡാക്കാൻ ആംപിയർ നെക്സസ് തയ്യാർ
- 1 hr ago തകർന്നു തരിപ്പണമായാലും തിരിച്ചു വരും, മഹീന്ദ്ര ബൊലെറോയുടെ കിടിലൻ മോഡിഫിക്കേഷൻ വീഡിയോ വൈറൽ
- 3 hrs ago ഇന്ത്യ കാത്തിരുന്ന 4.10 ലക്ഷത്തിന്റെ സൂപ്പബൈക്ക്, അപ്രീലിയ RS 457 അടുത്ത മാസം നിരത്തിലേക്ക്
Don't Miss
- Movies 'ജയറാമിന് തുളസീദാസുമായി സിനിമ ചെയ്യാന് താത്പര്യമില്ല', പക്ഷെ പടം ഹിറ്റ്, പിന്നെ സംഭവച്ചത്!
- News 'ഞാൻ പഴയ എസ്എഫ്ഐക്കാരൻ, ഇക്കാര്യം എംഎ ബേബിയോട് ചോദിക്കൂ'; വിവാദങ്ങളിൽ പ്രതികരിച്ച് സുരേഷ് ഗോപി
- Lifestyle തെക്കിന്റെ താജ്മഹല്, സ്വര്ണ്ണ താമരക്കുളം; ചരിത്രപ്രസിദ്ധം മധുര മീനാക്ഷി ക്ഷേത്രം
- Sports സ്മൃതിയുടെ കാമുകനാണോ? തോളില് കൈയിട്ട് നില്ക്കുന്നത് ആരാണ്? എല്ലാം അറിയാം
- Finance ചാഞ്ചാട്ടത്തിന് നടുവിലും ബ്രേക്കൗട്ടുമായി 5 ഓഹരികൾ, ഏതൊക്കെയെന്ന് വിശദമായി അറിയാം
- Technology ആൻഡ്രോയിഡ് ഫോൺ കാർ കീ ആക്കാം, ഡിജിറ്റൽ കാർ കീയുടെ പ്രത്യേകതകൾ അറിയൂ
- Travel തേക്കടിയിലെ ബോട്ടിങ്; ആനകളെയും മാൻകൂട്ടങ്ങളെയും കണ്ട് ഒരു യാത്ര, ഓൺലൈൻ ബുക്ക് ചെയ്യാം
മാരുതി ബലെനോയെ പിടിക്കാന് പുതിയ ടാറ്റ 45X — സമവാക്യങ്ങള് തിരുത്തപ്പെടുമോ?
പ്രീമിയം ഹാച്ച്ബാക്ക് ശ്രേണിയില് മാരുതി ബലെനോയുടെ അപ്രമാദിത്വം തകര്ക്കാനുള്ള പടപുറപ്പാടിലാണ് ടാറ്റ. 45X ഹാച്ച്ബാക്കിനെയാണ് കമ്പനി ഇതിനുവേണ്ടി കരുതിവെച്ചിട്ടുള്ളത്. അടുത്ത വര്ഷം രണ്ടാംപാദം 45X ഹാച്ച്ബാക്ക് വിപണിയില് യാഥാര്ത്ഥ്യമാകും. കൃത്യമായി പറഞ്ഞാല് 2019 ഉത്സവകാലത്തിന് മുമ്പെ പുതിയ പ്രീമിയം ടാറ്റ ഹാച്ച്ബാക്ക് ഇങ്ങെത്തും.
H5X കോണ്സെപ്റ്റ് എസ്യുവി ഹാരിയറായതു പോലെ 45X -നും വരവില് പുതിയ പേരു ലഭിക്കും. 2018 ഓട്ടോ എക്സ്പോയില് H5X, 45X കോണ്സെപ്റ്റ് മോഡലുകളെ ഒരുമിച്ചാണ് ടാറ്റ പ്രദര്ശിപ്പിച്ചത്. ഇതില് ഹാരിയര് എസ്യുവി (H5X) അടുത്ത വര്ഷം ആദ്യംപാദം ഇന്ത്യയില് വില്പനയ്ക്കെത്തും.
ഹാരിയറിന് ശേഷം കമ്പനിയുടെ പുതിയ ഇംപാക്ട് ഡിസൈന് 2.0 ശൈലി പിന്തുടരുന്ന രണ്ടാമത്തെ മോഡലായിരിക്കും 45X. ഭാവികാല ഡിസൈനാണ് ഹാച്ച്ബാക്കിന്. എന്നാല് പ്രീമിയം വേഷത്തിന് കുറവൊട്ടുമില്ലാതാനും.
മാരുതി ബലെനോയ്ക്കും ഹ്യുണ്ടായി i20 -യ്ക്കും ശക്തമായ ഭീഷണി മുഴക്കാന് 45X -ന് കഴിയുമെന്ന കാര്യം ഏറെക്കുറെ ഉറപ്പാണ്. പ്രീമിയം ലുക്കും കുറഞ്ഞ വിലയും മോഡലിന് മുതല്ക്കൂട്ടായി മാറും. ആല്ഫ എന്നറിയപ്പെടുന്ന കമ്പനിയുടെ അഡ്വാന്സ്ഡ് മൊഡ്യുലാര് പ്ലാറ്റ്ഫോമില് (AMP) നിന്നാണ് 45X പുറത്തുവരിക.
ഹാച്ച്ബാക്കിന്റെ ചെലവു ചുരുക്കുന്നതില് ആല്ഫ അടിത്തറ നിര്ണായക പങ്കുവഹിക്കും. ടാറ്റ നെക്സോണില് നന്നുള്ള ടര്ബ്ബോചാര്ജ്ഡ് പെട്രോള്, ഡീസല് എഞ്ചിനുകളെ വരാന് പോകുന്ന 45X -ല് പ്രതീക്ഷിക്കാം.
1.2 ലിറ്റര് ടര്ബ്ബോചാര്ജ്ഡ് പെട്രോള് എഞ്ചിന് 108 bhp കരുത്തും 170 Nm torque ഉം പരമാവധി സൃഷ്ടിക്കും. 108 bhp കരുത്തും 260 Nm torque ഉം 1.5 ലിറ്റര് ടര്ബ്ബോചാര്ജ്ഡ് ഡീസല് എഞ്ചിന് അവകാശപ്പെടും. രാജ്യത്തെ ഏറ്റവും കരുത്തേറിയ പ്രീമിയം ഹാച്ച്ബാക്കെന്ന വിശേഷണം ഈ എഞ്ചിന് പതിപ്പുകള് 45X -ന് ചാര്ത്തി നല്കും.
ആറു സ്പീഡായിരിക്കും സ്റ്റാന്ഡേര്ഡ് മാനുവല് ഗിയര്ബോക്സ്. അതേസമയം 45X -ന് വേണ്ടി പ്രത്യേക ഇരട്ട ക്ലച്ച് ഓട്ടോമാറ്റിക് ഗിയര്ബോക്സിനെ ടാറ്റ മോട്ടോര്സ് വികസിപ്പിക്കാന് ടാറ്റ മോട്ടോര്സിന് പദ്ധതിയുണ്ട്.
ഓട്ടോമേറ്റഡ് മാനുവല് ട്രാന്സ്മിഷന് ടെക്നോളജിയെ അടിസ്ഥാനമാക്കിയാകും ഓട്ടോമാറ്റിക് ഗിയര്ബോക്സ് ഒരുങ്ങുക. അതേസമയം ആദ്യവരവില് പുതിയ ഗിയര്ബോക്സ് സംവിധാമുണ്ടാകുമോയെന്ന കാര്യം സംശയമാണ്.
മുന്നില് നിന്നും ചാഞ്ഞൊഴുകുന്ന ആകാരമാണ് 45X ഹാച്ച്ബാക്കിന്. ഹെഡ്ലാമ്പുകളുടെയും ടെയില്ലാമ്പുകളുടെയും ശൈലിയില് മൂര്ച്ച അനുഭവപ്പെടും. നെക്സോണിലെ ഹ്യുമാനിറ്റി ലൈനിനെ പ്രീമിയം ഹാച്ച്ബാക്കിലും ടാറ്റ പ്രതിഷ്ടിച്ചിട്ടുണ്ട്.
ഗ്രില്ലിനെയും ഹെഡ്ലാമ്പുകളെയും ഹ്യുമാനിറ്റി ലൈന് ബന്ധിപ്പിക്കും. ഒരുപരിധി വരെ ടിയാഗൊ, ടിഗോര് മോഡലുകളെ ഓര്മ്മപ്പെടുത്താന് ബോണറ്റിന് കഴിയും. A പില്ലറില് നിന്നും പിന്നിലേക്ക് ഒഴുകിയിറങ്ങുന്ന ഷൗള്ഡര് ലൈന് ഹാച്ച്ബാക്കിന്റെ ഡിസൈന് സവിശേഷതയാണ്.
കറുപ്പ് പശ്ചാത്തലം ഒരുങ്ങുന്ന മേല്ക്കൂര 45X -ന്റെ രൂപഭാവത്തെ കാര്യമായി സ്വാധീനിക്കും. ചാഞ്ഞുയര്ന്നു നില്ക്കുന്ന വിന്ഡ്ഷീല്ഡും മേല്ക്കൂരയില് നിന്നും നീളുന്ന സ്പോയിലറും പിറകില് എടുത്തുപറയണം.
പ്രീമിയം പരിവേഷമുള്ളതിനാല് വലിയ ടച്ച്സ്ക്രീന് ഇന്ഫോടെയ്ന്മെന്റ് സംവിധാനം, ഓട്ടോമാറ്റിക് ക്ലൈമറ്റ് കണ്ട്രോള്, മുന്തിയ സീറ്റ് അപ്ഹോള്സ്റ്ററി തുടങ്ങിയ ഘടകങ്ങള് 45X -ന്റെ അകത്തളത്തില് പ്രതീക്ഷിക്കാം.
വിപണി മാനദണ്ഡങ്ങള് മുന്നിര്ത്തി നാലു മീറ്ററില് താഴെയായി ഹാച്ച്ബാക്കിന്റെ നീളം നിജപ്പെടുത്താന് ടാറ്റ പരമാവധി ശ്രമിക്കും. ഇന്ത്യന് നിരത്തില് ഇതിനകം മോഡല് പരീക്ഷണയോട്ടത്തിന് ഇറങ്ങി കഴിഞ്ഞു.
ടാറ്റ 45X -ന്റെ വരവ് സമവാക്യങ്ങള് തിരുത്തിക്കുറിക്കുമെന്ന പ്രതീക്ഷയിലാണ് കാർ പ്രേമികൾ.
Source: The Economic Times