Click it and Unblock the Notifications
ഇ വിഷന് സെഡാന് കോണ്സെപ്റ്റ്, ഇതാണ് ടാറ്റ കാഴ്ചവെച്ച പുതിയ അവതാരം
ഇ വിഷന് സെഡാന് കോണ്സെപ്റ്റ്, ടാറ്റ കാഴ്ചവെച്ച പുതിയ അവതാരമാണിത്. 2018 ഓട്ടോ എക്സ്പോയില് H5X, 45X കോണ്സെപ്റ്റ് മോഡലുകളെയാണ് ടാറ്റ അവതരിപ്പിച്ചതെങ്കില് നടന്നു കൊണ്ടിരിക്കുന്ന 2018 ജനീവ മോട്ടോര് ഷോയില് പുതിയ ഇ വിഷന് സെഡാന് കോണ്സെപ്റ്റിനെയാണ് ഇന്ത്യന് നിര്മ്മാതാക്കള് കാഴ്ചവെച്ചത്.
വൈദ്യുത വാഹനങ്ങള്ക്കായുള്ള ടാറ്റയുടെ ഒമേഗ പ്ലാറ്റ്ഫോമിലാണ് ഇ വിഷന് സെഡാന് കോണ്സെപ്റ്റിന്റെ ഒരുക്കം. അതേസമയം ആല്ഫ അല്ലെങ്കില് എഎംപി പ്ലാറ്റ്ഫോമിലാണ് ടാറ്റ മോട്ടോര്സില് നിന്നുള്ള ഭാവി ഹാച്ച്ബാക്കുകളും സെഡാനുകളും ചെറു എസ്യുവികളും അണിനിരക്കാനിരിക്കുന്നത്.
ടാറ്റയുടെ ഏറ്റവും പുതിയ ഇംപാക്ട് ഡിസൈന് 2.0 ശൈലിയെ അടിസ്ഥാനപ്പെടുത്തിയാണ് ഇ വിഷന് സെഡാന്റെ വരവ്. ഫ്യൂച്ചറിസ്റ്റിക് ഡിസൈനാണ് ഇ വിഷന് സൊഡന് കോണ്സെപ്റ്റിന്.
45X പ്രീമിയം ഹാച്ച്ബാക്ക് കോണ്സെപ്റ്റിന് സമാനമായ മുഖരൂപമാണ് ഇ വിഷന് സെഡാന് കോണ്സെപ്റ്റിനും. എന്നാല് ഹാച്ച്ബാക്കിനെക്കാളും വലുപ്പമേറിയ മുന് ഗ്രില്ലാണ് കോണ്സെപ്റ്റ് സെഡാനില് ഒരുങ്ങിയിട്ടുള്ളത്.
Recommended Video
21 ഇഞ്ച് അലോയ് വീലുകള്, ഫ്ളഷ് ഫിറ്റിംഗ് ഡോര് ഹാൻഡിലുകള്, ചെത്തി മിനുക്കിയ മിററുകള് എന്നിങ്ങനെ നീളുന്നതാണ് പുതിയ ഇ വിഷന് സെഡാന് കോണ്സെപ്റ്റിന്റെ ഡിസൈന് വിശേഷങ്ങള്.
സെഡാന് കോണ്സെപ്റ്റിനെ തുറന്നു കാണിക്കാന് ടാറ്റ തയ്യാറായില്ലെങ്കിലും കാറില് ആഢംബരം നിറഞ്ഞ അകത്തളമാണെന്ന സൂചന കമ്പനി നല്കി കഴിഞ്ഞു.
പ്രീമിയം ഘടകങ്ങള് കൊണ്ടു നിര്മ്മിച്ച ഡാഷ്ബോര്ഡും സെന്റര് കണ്സോളുമാണ് ഇന്റീരിയറില്. അതേസമയം ഇ വിഷന് സെഡാന് കോണ്സെപ്റ്റിലുള്ള ഇലക്ട്രിക് മോട്ടോര് സംബന്ധിച്ച വിവരങ്ങള് ടാറ്റ ലഭ്യമാക്കിയിട്ടില്ല.
Continue with Google