Just In
- 7 min ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 57 min ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 1 hr ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
- 2 hrs ago വെറും 2.99 ലക്ഷം മാത്രം! വർക്കിലും ലുക്കിലും നിഞ്ചയെ തൂക്കും മാക് 2 പതിപ്പുമായി അൾട്രാവയലറ്റ്
Don't Miss
- Movies അവളെ എനിക്ക് മടുക്കില്ല, അവളെ ആശ്രയിച്ചാണ് ഞാനുള്ളത്; ഭാര്യയെക്കുറിച്ച് ധ്യാന് പറഞ്ഞത്
- News കേരളത്തില് ആവേശക്കടലായി കൊട്ടിക്കലാശം, പരസ്യപ്രചാരണം അവസാനിച്ചു; ചെണ്ടകൊട്ടി ധര്മജന്
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Sports IPL 2024: മുംബൈയും ചെന്നൈയുമല്ല; വസീം അക്രമിന്റെ ഇഷ്ട ഐപിഎല് ടീം മറ്റൊന്ന്
- Lifestyle ദാമ്പത്യത്തിന്റെ ഒന്നാമത്തെ നിയമം: വിവാഹജീവിതത്തിലേക്ക് കുടുംബക്കാരെ പ്രവേശിപ്പിക്കാതിരിക്കുക
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
മികച്ച മൈലേജുള്ള അഞ്ചു എഎംടി കാറുകള്
Recommended Video
ഓരോ ദിവസം ചെല്ലുന്തോറും വാഹനങ്ങള് പെരുകുകയാണ് റോഡില്. തിക്കും തിരക്കുമേറിയ റോഡില് ഡ്രൈവിംഗ് പലര്ക്കും ഒരു ദു:സ്വപ്നമായി മാറിക്കഴിഞ്ഞു. ഈ പ്രശ്നത്തിനുള്ള ഉത്തരമാണ് രാജ്യത്ത് പ്രചാരം നേടുന്ന എഎംടി കാറുകള്.
മുമ്പത്തെ പോലെ ഓട്ടോമാറ്റിക് കാറുകള് ഇപ്പോള് കരുത്തില് ഒട്ടും പിന്നോക്കവുമല്ല, ഇന്ധനം കുടിച്ചുവറ്റിക്കാറുമില്ല. ഒരു കാലത്ത് ഇന്ധനക്ഷമത ഭയന്ന് ഓട്ടോമാറ്റിക് കാറുകളെ തെരഞ്ഞെടുക്കാന് ഉപഭോക്താക്കള് മടിച്ചു നിന്നിരുന്നു. പക്ഷെ കാലം മാറി.
ബജറ്റ് വിലയില് ഓട്ടോമാറ്റിക് സവിശേഷതകളുമായുള്ള എഎംടി കാറുകള്ക്കാണ് ഇന്ന് പ്രചാരം. ഇന്ത്യയില് ഏറ്റവും കൂടുതല് ഇന്ധനക്ഷമതയുള്ള അഞ്ചു എഎംടി കാറുകളെ പരിശോധിക്കാം —
മാരുതി ഡിസൈര് 1.3 DDiS എഎംടി - 28.4 കിലോമീറ്റര്
നിലവില് ഇന്ത്യയില് ഏറ്റവും കൂടുതല് വിറ്റഴിക്കപ്പെടുന്ന കാര്; ഇന്ധനക്ഷമതയുടെ കാര്യത്തിലും മാരുതി ഡിസൈര് തന്നെയാണ് ഇന്ത്യയില് മുന്നില്.
ഫിയറ്റില് നിന്നുള്ള 74 bhp കരുത്തേകുന്ന 1.3 ലിറ്റര് എഞ്ചിനും, ഭാരം കുറഞ്ഞ അടിത്തറയുമാണ് പുതുതലമുറ ഡിസൈറിന്റെ ഇന്ധനക്ഷമതയ്ക്ക് മുതല്ക്കൂട്ട്. 28.4 കിലോമീറ്ററാണ് ARAI പരിശോധനയില് ഡിസൈര് കാഴ്ചവെക്കുന്ന മൈലേജ്.
7.75 ലക്ഷം രൂപ മുതലാണ് പുതിയ ഡിസൈറിന്റെ ഓണ്റോഡ് വില (ദില്ലി). ഒഴുകിയിറങ്ങുന്ന ആകാരം, വിശാലമായ അകത്തളം, ഫീച്ചറുകളുടെ ബാഹുല്യം, പിന്നെ മാരുതിയുടെ പ്രസിദ്ധ വില്പനാനന്തര ശൃഖല; ഡിസൈര് ഒന്നാമാനായില്ലെങ്കിലേ അത്ഭുതമുള്ളു.
മാരുതി സുസൂക്കി ആള്ട്ടോ K10 എഎംടി - 24.07 കിലോമീറ്റര്
മാരുതി ആള്ട്ടോ K10 എഎംടിയാണ് ഇന്ധനക്ഷമതയുടെ കാര്യത്തില് ഇന്ത്യയില് രണ്ടാമന്. 67 bhp കരുത്തേകുന്ന 1.0 ലിറ്റര് K10B പെട്രോള് എഞ്ചിനില് ഒരുങ്ങുന്ന ആള്ട്ടോ K10 എഎംടി 24.07 കിലോമീറ്റര് ഇന്ധനക്ഷമതയാണ് കാഴ്ചവെക്കുന്നത്.
സിറ്റി ഡ്രൈവുകള്ക്ക് മാരുതിയുടെ ആള്ട്ടോ K10 എഎംടി ഏറെ പ്രശസ്തമാണ്. 4.09 ലക്ഷം രൂപ മുതലാണ് മോഡലിന്റെ ഓണ്റോഡ് വില (ദില്ലി).
റെനോ ക്വിഡ് 1.0 ലിറ്റര് എഎംടി - 24.04 കിലോമീറ്റര്
ഫ്രഞ്ച് നിര്മ്മാതാക്കളായ റെനോയ്ക്ക് ഇന്ത്യയില് മേല്വിലാസം നേടിക്കൊടുത്ത അവതാരങ്ങളില് ഒന്നാണ് ക്വിഡ്. എന്ട്രി ലെവല് ഹാച്ച്ബാക്ക് നിരയിലെ മുഖ്യനാണ് ക്വിഡ്.
മോഡലിന്റെ പ്രചാരം വര്ധിപ്പിക്കുക ലക്ഷ്യമിട്ടാണ് ക്വിഡില് എഎംടി പതിപ്പിനെ റെനോ നല്കിയത്. പ്രതീക്ഷിച്ച പോലെ തന്നെ 67 bhp കരുത്തേകുന്ന 1.0 ലിറ്റര് എഎംടി പതിപ്പ് വിപണിയില് ഹിറ്റായി.
24.04 കിലോമീറ്ററാണ് മോഡല് കാഴ്ചവെക്കുന്ന ഇന്ധനക്ഷമത. പ്രായോഗികത, വിശാലത, ഇന്ധനക്ഷമത എന്നീ ഘടകങ്ങളുടെ മികവുറ്റ സമന്വയമാണ് കിഡ് 1.0 ലിറ്റര് എഎംടിയിലുള്ളത്. 3.78 ലക്ഷം രൂപ മുതലാണ് മോഡലിന്റെ ഓണ്റോഡ് വില (ദില്ലി).
ടാറ്റ ടിയാഗൊ എഎംടി - 23.84 കിലോമീറ്റര്
ടാറ്റയുടെ വിപ്ലവത്തിന് തിരികൊളുത്തിയ ആദ്യ അവതാരമാണ് ടിയാഗൊ. ആകര്ഷകമായ രൂപം, വിശാലമായ ആകത്തളം, കീശ കാലിയാക്കാത്ത പ്രൈസ്ടാഗ്; വരവിന് പിന്നാലെ ടിയാഗൊ എഎംടി സൂപ്പർഹിറ്റ്!
ഇന്ധനക്ഷമതയേറിയ എഎംടി കാറുകളില് ടാറ്റ ടിയാഗൊ എഎംടി നാലാമനാണ്. 23.84 കിലോമീറ്ററാണ് മോഡലിന്റെ മൈലേജ്. 5.33 ലക്ഷം രൂപ മുതലാണ് ടിയാഗൊ എഎംടിയെ ടാറ്റ അവതരിപ്പിക്കുന്നത് (ദില്ലി ഓണ്റോഡ് വില).
മാരുതി സുസൂക്കി സെലറിയോ എഎംടി - 23.1 കിലോമീറ്റര്
ഇന്ത്യയില് ഏറ്റവും കൂടുതല് വിറ്റഴിക്കപ്പെടുന്ന കാറുകളുടെ പട്ടികയിലെ നിറസാന്നിധ്യമാണ് സെലറിയോ. എ സ്റ്റാറിനും എസ്റ്റിലോയ്ക്കും പകരക്കാരനായെത്തിയ സെലറിയോ ഈ ഗണത്തില് ഓട്ടോമാറ്റിക് ട്രാന്സ്മിഷനില് എത്തിയ ആദ്യ കാറാണ്.
അടുത്തിടെയാണ് സെലറിയോയുടെ പരിഷ്കരിച്ച പതിപ്പിനെ വിപണിയില് മാരുതി സമര്പ്പിച്ചത്. ആള്ട്ടോ K10 ന്റെ എഞ്ചിനില് തന്നെയാണ് സെലറിയോ എഎംടിയുടെയും ഒരുക്കം. 4.91 ലക്ഷം രൂപ മുതലാണ് സെലറിയോ എഎംടിയുടെ ഓണ്റോഡ് വില (ദില്ലി).