Click it and Unblock the Notifications
Just In
-
-
-
-
Don't Miss
-
IPL 2024: സിഎസ്കെയുടെ വില്ലന് ജഡേജയല്ല, അത് ധോണി! കളി തോല്പ്പിച്ച മണ്ടന് തീരുമാനം ഇതാ -
ലോക്സഭ തിരഞ്ഞെടുപ്പ് പോര്; ഇന്ന് കൊട്ടിക്കലാശം, വെള്ളിയാഴ്ച വോട്ടെടുപ്പ് -
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ഈ വര്‍ഷം ഇന്ത്യയില്‍ എത്താനിരിക്കുന്ന നാല് പുതിയ എഎംടി കാറുകള്‍
എഎംടി കാറുകള്‍ക്ക് ഇന്ത്യയില്‍ പൊടുന്നനെയാണ് പ്രചാരം വര്‍ധിച്ചത്. ഇന്ത്യയില്‍ ആദ്യ എഎംടി കാറിനെ അവതരിപ്പിച്ച ബഹുമതി ഇന്ത്യന്‍ നിര്‍മ്മാതാക്കളായ മാരുതിയ്ക്കാണ്. നാല് വര്‍ഷം മുമ്പെത്തിയ സെലറിയോയാണ് ഇന്ത്യ കണ്ട ആദ്യ എഎംടി കാര്‍.
ആദ്യ കാലത്ത് എഎംടി എന്നാല്‍ എന്തോ കുറഞ്ഞ സംഭവമാണെന്ന ചിന്താഗതി വിപണിയില്‍ പിടിമുറുക്കിയിരുന്നു. പക്ഷെ 2018 ല്‍ എത്തിനില്‍ക്കുമ്പോള്‍ കാറില്‍ എഎംടി പതിപ്പുണ്ടോ എന്നാണ് ഉപഭോക്താക്കള്‍ ആദ്യം അന്വേഷിക്കുന്നത്.
ഒരുപിടി എഎംടി കാറുകള്‍ ഇന്ന് വിപണിയിലുണ്ട്. ഇനി വരാനുമുണ്ട് പുതിയ അവതാരങ്ങള്‍ എഎംടി നിരയിലേക്ക്. വിപണിയില്‍ എത്താനിരിക്കുന്ന എഎംടി കാറുകള്‍ —
ടാറ്റ നെക്‌സോണ്‍ എഎംടി
പുതിയ ടാറ്റ നെക്‌സോണ്‍ എഎംടിയ്ക്ക് ഇനി ഏറെ കാത്തിരിപ്പില്ല. നെക്‌സോണ്‍ എഎംടിയുടെ ബുക്കിംഗ് ഡീലര്‍ഷിപ്പ് തലത്തില്‍ ആരംഭിച്ചതായാണ് വിവരം.
Recommended Video
പെട്രോള്‍, ഡീസല്‍ പതിപ്പുകളില്‍ നെക്‌സോണ്‍ എഎംടിയെ ടാറ്റ ലഭ്യമാക്കും. ശ്രേണിയില്‍ ഇരു എഞ്ചിന്‍ പതിപ്പുകളിലും എഎംടി ലഭ്യമാകുന്ന ആദ്യ മോഡല്‍ കൂടിയാകും നെക്‌സോണ്‍.
ക്രീപ് ഫംങ്ഷനും ഹില്‍ ഹോള്‍ഡ് ഫീച്ചറുമുള്ള ആറു സ്പീഡ് ഓട്ടോമേറ്റഡ് മാനുവല്‍ ട്രാന്‍സ്മിഷനാണ് നെക്‌സോണില്‍ ഇടംപിടിക്കുക. ഏഴു ലക്ഷം രൂപ മുതല്‍ നെക്‌സോണ്‍ എഎംടിയുടെ വില പ്രതീക്ഷിക്കാം.
മഹീന്ദ്ര KUV100 എഎംടി
എഎംടി നിരയിലേക്ക് കടന്നു വരാന്‍ കാത്തുനില്‍ക്കുന്ന രണ്ടാമത്തെ കോമ്പാക്ട് എസ്‌യുവി. ഈ വര്‍ഷം രണ്ടാം പാദത്തോടെ തന്നെ മഹീന്ദ്ര KUV100 എഎംടി വിപണിയില്‍ എത്തും.
ഓട്ടോമാറ്റിക് ഗിയര്‍ഷിഫ്റ്റ് ടെക്‌നോളജി ലഭ്യമാക്കുന്ന ഏറ്റവും ചെലവ് കുറഞ്ഞ മഹീന്ദ്ര കാറാകും വരവില്‍ KUV100 എഎംടി. അഞ്ചു സ്പീഡ് എഎംടി ഗിയര്‍ബോക്‌സിലാണ് എസ്‌യുവി വരിക.
KUV100 യുടെ പെട്രോള്‍, ഡീസല്‍ പതിപ്പുകളില്‍ എഎംടി ഓപ്ഷനെ മഹീന്ദ്ര ലഭ്യമാക്കും. അഞ്ചു ലക്ഷം രൂപ മുതല്‍ മഹീന്ദ്ര KUV100 എഎംടിയുടെ വില പ്രതീക്ഷിക്കാം.
ഫോര്‍ഡ് ഫിഗൊ എഎംടി
ഫിഗൊയെ അടിസ്ഥാനപ്പെടുത്തിയുള്ള ഫ്രീസ്റ്റൈല്‍ ക്രോസ്ഓവറില്‍ ഫോര്‍ഡിന്റെ പുതിയ 1.2 ലിറ്റര്‍ മൂന്ന് സിലിണ്ടര്‍ ഡ്രാഗണ്‍ സീരീസ് പെട്രോള്‍ എഞ്ചിനെ വിപണി കണ്ടു.
ഇതേ എഞ്ചിനില്‍ തന്നെയാണ് ഫിഗൊ ഫെയ്‌സ്‌ലിഫ്റ്റും അണിനിരക്കുക. 95 bhp കരുത്തും 115 Nm torque ഉം ഉത്പാദിപ്പിക്കുന്ന 1.2 ലിറ്റര്‍ നാച്ചുറലി ആസ്പിരേറ്റഡ് എഞ്ചിന്‍ ശ്രേണിയിലെ ഏറ്റവും കരുത്തുറ്റതാണ്.
അഞ്ചു സ്പീഡ് മാനുവല്‍, അഞ്ചു സ്പീഡ് എഎംടി ഗിയര്‍ബോക്‌സ് ഓപ്ഷനുകള്‍ പുതിയ ഫിഗൊയില്‍ ഇടംപിടിക്കും. ആറു ലക്ഷം രൂപ മുതലാകും ഫിഗൊ എഎംടിയുടെ പ്രൈസ് ടാഗ്.
ഫോര്‍ഡ് ആസ്‌പൈര്‍ എഎംടി
പുതിയ ഫിഗൊയ്ക്ക് കാത്തു വെച്ച 1.2 ലിറ്റര്‍ ഡ്രാഗണ്‍ സീരീസ് എഞ്ചിനും, അഞ്ചു സ്പീഡ് എഎംടി ഗിയര്‍ബോക്‌സും ആസ്‌പൈര്‍ ഫെയ്‌സ്‌ലിഫ്റ്റിലും ഫോര്‍ഡ് നല്‍കും. പുതിയ ആസ്‌പൈര്‍ ഫെയ്‌സ്‌ലിഫ്റ്റിന്റെ വരവ് സംബന്ധിച്ച വ്യക്തമായ ചിത്രം കമ്പനി പുറത്തുവിട്ടിട്ടില്ല. ഈ വര്‍ഷം അവസാനത്തോടെ ആസ്‌പൈര്‍ വിപണിയില്‍ എത്തുമെന്നാണ് പ്രതീക്ഷ.
