Just In
- 5 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 7 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 8 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 8 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
Don't Miss
- Movies ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ
- News കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില്
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Sports IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ?
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഫോക്സ്വാഗണ് അമിയോ പേസ് എഡിഷന് വിപണിയില്; വില 6.10 ലക്ഷം രൂപ
പോളോ പേസ്, വെന്റോ സ്പോര്ട് എഡിഷനുകള്ക്ക് പിന്നാലെ അമിയോയ്ക്ക് പ്രത്യേക പതിപ്പുമായി ജര്മ്മന് നിര്മ്മാതാക്കള്. ഫോക്സ്വാഗണ് അമിയോ പേസ് എഡിഷന് ഇന്ത്യയില് പുറത്തിറങ്ങി.
6.10 ലക്ഷം രൂപയാണ് പുതിയ അമിയോ പേസ് എഡിഷന്റെ എക്സ്ഷോറൂം വില (ദില്ലി). പോളോ പേസിലുള്ള 999 സിസി എഞ്ചിന് തന്നെയാണ് അമിയോ പേസിലും. അടുത്തിടെയാണ് 1.0 ലിറ്റര് എഞ്ചിനെ പോളോ നിരയില് ഫോക്സ്വാഗണ് കാഴ്ചവെച്ചത്.
74 bhp കരുത്തേകുന്ന 1.2 ലിറ്റര് എഞ്ചിന് പകരക്കാരനാണ് പുതിയ 1.0 ലിറ്റര് എഞ്ചിന്. 75 bhp കരുത്തും 95 Nm torque ഉം 1.0 ലിറ്റര് എഞ്ചിന് പരമാവധി ഉത്പാദിപ്പിക്കും. ആറു സ്പീഡാണ് അമിയോ പെട്രോളിലെ മാനുവല് ഗിയര്ബോക്സ്.
ഓട്ടോമാറ്റിക് ഗിയര്ബോക്സിനെ ഓപ്ഷനലായി പോലും നിര്മ്മാതാക്കള് ലഭ്യമാക്കിയിട്ടില്ല. 1.5 ലിറ്റര് TDI ഡീസല് എഞ്ചിനും അമിയോ പേസ് എഡിഷനിലുണ്ട്. എഞ്ചിന് പരമാവധി 108 bhp കരുത്തും 250 Nm torque ഉം ഉത്പാദിപ്പിക്കാന് സാധിക്കും.
ആറു സ്പീഡ് മാനുവല്, ഏഴു സ്പീഡ് ഡിഎസ്ജി ഗിയര്ബോക്സ് ഓപ്ഷനുകളാണ് അമിയോ പേസ് എഡിഷന് ഡീസല് പതിപ്പില്. നാലു വകഭേദങ്ങളിലാണ് അമിയോ ലഭ്യമാകുന്നതെങ്കിലും ഇടത്തരം കംഫോര്ട്ട്ലൈന് വകഭേദത്തെ അടിസ്ഥാനപ്പെടുത്തി മാത്രമാണ് പുതിയ അമിയോ പേസ് എഡിഷന് ഒരുങ്ങുന്നത്.
കറുത്ത മിററുകള്, കാര്ബണ് ഫൈബര് ട്രങ്ക് ലിപ് സ്പോയിലര്, അലോയ് വീലുകള്, ക്രൂയിസ് കണ്ട്രോള് എന്നിങ്ങനെ നീളും പുതിയ അമിയോ പേസ് എഡിഷന്റെ പ്രത്യേകതകള്.
അമിയോയുടെ ഗ്രില്ലിലും ബമ്പറിലും കണ്ടുവരുന്ന ക്രോം വരകളെ പുതിയ പേസ് എഡിഷനില് കാണാനില്ലെന്നത് ശ്രദ്ധേയം. മിറര്ലിങ്ക്, ആപ്പിള് കാര്പ്ലേ, ആന്ഡ്രോയ്ഡ് ഓട്ടോ കണക്ടിവിറ്റിയുള്ള ടച്ച്സക്രീന് ഇന്ഫോടെയന്മെന്റ് സംവിധാനവും അമിയോ പേസ് എഡിഷനിലില്ല.
പകരം ബ്ലുടൂത്ത്, AUX, യുഎസ്ബി കണക്ടിവിറ്റിയുള്ള സ്റ്റാന്ഡേര്ഡ് ഓഡിയോ സംവിധാനമാണ് കാറില്. റിവേഴ്സ് പാര്ക്കിംഗ് ക്യാമറ, റെയിന് സെന്സിംഗ് വൈപറുകള് എന്നിവയും അമിയോ പേസ് എഡിഷന് നഷ്ടപ്പെട്ടിട്ടുണ്ട്.
ഡ്യൂവല് എയര്ബാഗുകളും എബിഎസും പുതിയ പതിപ്പില് സ്റ്റാന്ഡേര്ഡ് ഫീച്ചറായാണ് തുടരുന്നത്. മാരുതി സുസൂക്കി ഡിസൈര്, ഹോണ്ട അമേസ്, ടാറ്റ ടിഗോര്, ഫോര്ഡ് ആസ്പൈര് എന്നിവരാണ് ഫോക്സ്വാഗണ് അമിയോയുടെ പ്രധാന എതിരാളികള്.
അതേസമയം 1.2 ലിറ്റര് നാച്ചുറലി ആസ്പിരേറ്റഡ് എഞ്ചിനെ നിരയില് നിന്നും നീക്കം ചെയ്ത ഫോക്സ്വാഗണ് നടപടിയില് പുതിയ ഉപഭോക്താക്കള് കടുത്ത അമര്ഷമുണ്ട്.
ഇന്ധനക്ഷമതയ്ക്ക് ഊന്നല് നല്കിയാണ് 1.0 ലിറ്റര് എഞ്ചിനിലേക്കുള്ള ജര്മ്മന് നിര്മ്മാതാക്കളുടെ ചുവടുമാറ്റം.