Just In
- 31 min ago ബജറ്റ് ഇവി പ്ലാനുകൾക്ക് തുടക്കം കുറിച്ച് ഹ്യുണ്ടായി; മെയ്ഡ് ഇൻ ഇന്ത്യ ക്രെറ്റ ഇവി ഉടൻ
- 1 hr ago ആവേശമുയർത്തി 2024 സ്വിഫ്റ്റിൻ്റെ പുത്തൻ പരസ്യവീഡിയോ, വാങ്ങാൻ ഉണ്ട് ഒരുപാട് കാരണങ്ങൾ
- 1 hr ago ലോകം ഇനി ബജാജിനെ ഉറ്റുനോക്കും! ഇതുപോലൊരു ടൂവീലര് ഇതുവരെ ആരും പുറത്തിറക്കിയിട്ടില്ല
- 2 hrs ago ഥാറിന്റെ 'അപ്പൻ തമ്പുരാൻ'; മുഖംമിനുക്കി ജീപ്പ് റാങ്ലറിന്റെ എഴുന്നള്ളത്ത്; വില കേട്ടാൽ ഞെട്ടും
Don't Miss
- Movies 'നിർഭാഗ്യം കൊണ്ട് ഇതെല്ലാം സംഭവിച്ചു... എനിക്ക് പ്രധാനം നിന്റെ ആരോഗ്യമാണ്, നീ ഇതിനോടകം വിജയിയായി കഴിഞ്ഞു'
- News 'തൃശൂരിൽ ബിജെപി 28000ത്തിലധികം കള്ളവോട്ടുകൾ ചേർത്തു, പട്ടികയിൽ സുരേഷ് ഗോപിയുടെ ജീവനക്കാരും'; ടിഎൻ പ്രതാപൻ
- Sports T20 World Cup 2024: ഹാര്ദിക് വേണ്ട! പകരം ദുബെ, സഞ്ജു ടീമില്; ഇതാ ഭാജിയുടെ 15 അംഗ സ്ക്വാഡ്
- Technology മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ
- Lifestyle പഞ്ചസാര വില്ലനല്ല, അമിതവണ്ണമുണ്ടാകുന്നത് പഞ്ചസാര ഇങ്ങനെ ഉപയോഗിക്കുമ്പോഴാണ്
- Finance കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഇതിഹാസം തിരിച്ചത്തി, സിവിക്കിന്റെ പരസ്യചിത്രം പുറത്തിറക്കി ഹോണ്ട
രൂപത്തിലും ഭാവത്തിലും അടിമുടി മാറ്റങ്ങളുമായി പത്താം തലമുറ ഹോണ്ട സിവിക് രംഗത്തെത്തിയിരിക്കുകയാണ്. അടുത്തിടെ ഇന്ത്യയില് ലോഞ്ച് ചെയ്ത സിവിക്കിന്റെ വില വെളിപ്പെടുത്തുന്നതിന് മുമ്പ് തന്നെ 1,100 -ല്പ്പരം ബുക്കിംഗുകള് ലഭിച്ചത് ശുഭസൂചനയായാണ് കമ്പനി കരുതുന്നത്. ഇപ്പോള് സിവിക്കിന്റെ പരസ്യചിത്രവും ഹോണ്ട പുറത്തിറക്കിയിരിക്കുകയാണ്.
ഇതിഹാസം തിരിച്ചെത്തി (Epic Is Back) എന്ന് പേരുള്ള പരസ്യചിത്രം സിവിക് ആരാധകര്ക്ക് ആവേശം പകരുന്നതാണ്. ഹോണ്ട അവതരിപ്പിച്ചതില് വച്ച് ഏറ്റവും കൂടുതല് കാലം വിപണി വാണിരുന്ന ചുരുക്കം ചില കാറുകളിലൊന്നാണ് സിവിക്.
ലോകത്ത് തന്നെ 25 മില്യണ് യൂണിറ്റിലധികം വില്പ്പന നടന്ന സിവിക്, കമ്പനിയുടെ എക്കാലത്തെയും മികച്ച സെഡാനാണ്. സ്പോര്ടി ലുക്കിലെത്തുന്ന പുതിയ ഹോണ്ട സിവിക്കില് മികച്ച സുരക്ഷ സജ്ജീകരണങ്ങളും ആധുനിക സാങ്കേതികതയുമെല്ലാം കമ്പനി ഒരുക്കിയിട്ടുണ്ട്.
പ്ലാറ്റിനം വൈറ്റ് പേള്, റേഡിയന്റ് റെഡ് മെറ്റാലിക്, മോഡേണ് സ്റ്റീല് മെറ്റാലിക്, ലൂണാര് സില്വര് മെറ്റാലിക്, ഗോള്ഡന് ബ്രൗണ് മെറ്റാലിക് എന്നീ അഞ്ച് നിറപ്പതിപ്പുകളിലായിരിക്കും പുത്തന് ഹോണ്ട സിവിക് ലഭിക്കുക.
Most Read:13 ലക്ഷം രൂപയ്ക്കൊരു ബുള്ളറ്റ് മോഡിഫിക്കേഷന് - വീഡിയോ
മുന്നിലെ ക്രോം ഗ്രില്ല് പരിഷ്ക്കരിച്ചിട്ടുണ്ട്. ഹോണ്ടയുടെ വിഖ്യാതമായ സിഗ്നേച്ചര് ഹെഡ്ലാമ്പുകളിലും എല്ഇഡി ഡിആര്എല്ലുകളോട് കൂടിയ 'C' ആകൃതിയിലുള്ള ടെയില്, ബ്രേക്ക് ലാമ്പുകളിലും കമ്പനി മാറ്റം വരുത്തിയിട്ടുണ്ട്.
17 ഇഞ്ച് വലുപ്പമുള്ള ഡയമണ്ട് കട്ട് അലോയ് വീലുകളാണ് പത്താം തലമുറ ഹോണ്ട സിവിക്കിനുള്ളത്. ശ്രേണിയിലെ ഏറ്റവും വിലയേറിയ കാര് കൂടിയാണ് ഹോണ്ട സിവിക്.
വിപണിയില് സ്കോഡ ഒക്ടാവിയ, ടൊയോട്ട കൊറോള, ഹ്യണ്ടായി എലാന്ട്രോ എന്നിവയാണ് സിവിക്കിന്റെ പ്രധാന എതിരാളികള്. സിവിക്കിന്റെ പെട്രോള് വകഭേദങ്ങള്ക്ക് 17.69 ലക്ഷം രൂപ മുതല് 20.99 ലക്ഷം രൂപ വരെയും ഡീസല് വകഭേദങ്ങള്ക്ക് 20.49 ലക്ഷം രൂപ മുതല് 22.29 ലക്ഷം രൂപ വരെയുമാണ് വില വരുന്നത്.
1.8 ലിറ്റര് ശേഷിയുള്ള നാല് സിലിണ്ടര് i-VTEC എഞ്ചിനാണ് പെട്രോള് പതിപ്പിലുള്ളത്. ഇത് പരമാവധി 139 bhp കരുത്തും 174 Nm torque ഉം സൃഷ്ടിക്കും. സിവിടി ഗിയര്ബോക്സാണ് പെട്രോള് പതിപ്പിലുള്ളത്.
Most Read:നിയന്ത്രണം വിട്ട ഹാരിയര് മരത്തിൽ ഇടിച്ചുകയറി, മുന്ഭാഗം തരിപ്പണം - വീഡിയോ
മറുഭാഗത്ത് 1.6 ലിറ്റര് i-DTEC ഡീസല് എഞ്ചിന് 128 bhp കരുത്തും 300 Nm torque ഉം പരമാവധി കുറിക്കുന്നതാണ്. ആറ് സ്പീഡാണ് മാനുവല് ഗിയര്ബോക്സ്. ഡീസല് പതിപ്പില് ഓട്ടോമാറ്റിക്ക് ഗിയര്ബോക്സ് വരുമോയെന്നുള്ള കാര്യത്തില് കമ്പനി ഇതുവരെ പ്രതികരിച്ചിട്ടില്ല.