Just In
- 2 hrs ago 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- 3 hrs ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 3 hrs ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 3 hrs ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
Don't Miss
- Sports IPL 2024: അന്ന് എന്നെ ചതിച്ചത് സംഗക്കാര! പഴി കേട്ടത് യുവതാരം; രാജസ്ഥാന് കോച്ചിനെതിരെ സെവാഗ്
- Movies 'വിന്നർ ലാലേട്ടൻ തന്നെ, ജിന്റോ ഭയങ്കര സംഭവമാണെന്ന് തോന്നിയില്ല, എല്ലാത്തിനും കാരണം ജാസ്മിന്റെ കയ്യിലിരുപ്പ്'
- News ഇന്ദിരയുടെ സ്വത്തുക്കള് നഷ്ടമാവാതിരിക്കാന് രാജീവ് ആ നിയമം ഇല്ലാതാക്കി; പുതിയ ആരോപണവുമായി മോദി
- Lifestyle നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം
- Technology ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഇന്ത്യയില് വില്പ്പനയിലുള്ള ഏറ്റവും ഭാരം കുറഞ്ഞ കാറുകള്
അന്നും ഇന്നും മൈലേജിന്റെ കാര്യത്തില് മാരുതി കാറുകളാണ് ഇന്ത്യയില് രാജാക്കന്മാര്. സുസുക്കിയുടെ HEARTECT അടിത്തറ പങ്കിടാന് തുടങ്ങിയതോടെ പുതുതലമുറ മാരുതി കാറുകള് ഇന്ധനക്ഷമതയ്ക്ക് പുതിയ അളവുകോലുകള് കുറിക്കാന് തുടങ്ങി. ഭാരക്കുറവാണ് HEARTECT അടിത്തറയുടെ പ്രധാന വിശേഷം.
ദൃഢതയില് വിട്ടുവീഴ്ച്ച ചെയ്യാതെ കാറുകളുടെ ഭാരം കുറയ്ക്കാന് HEARTECT അടിത്തറ കമ്പനിയെ സഹായിക്കുന്നു. ഫലമോ, ഏറ്റവും ഭാരം കുറഞ്ഞ ഇന്ത്യന് കാറുകളുടെ പട്ടികയില് മാരുതി മോഡലുകള് നിറഞ്ഞുനില്ക്കുന്നത് കാണാം. ഈ അവസരത്തില് ഇന്ത്യയില് വില്പ്പനയിലുള്ള ഏറ്റവും ഭാരം കുറഞ്ഞ കാറുകള് പരിശോധിക്കാം.
10. മാരുതി സ്വിഫ്റ്റ് — 855 കിലോ
ഇന്ത്യയിലെ ജനപ്രിയ ഹാച്ച്ബാക്കാണ് സ്വിഫ്റ്റ്. ഒന്നര പതിറ്റാണ്ടിലേറെയുള്ള നീളുന്ന ചരിത്രമുണ്ട് കാറിന് പറയാന്. 2018 ഓട്ടോ എക്സ്പോയില് വെച്ചാണ് HEARTECT അടിത്തറ ഉപയോഗിക്കുന്ന പുതുതലമുറ സ്വിഫ്റ്റിനെ മാരുതി അവതരിപ്പിച്ചത്.
ഇക്കാരണത്താല് പുതിയ സ്വിഫ്റ്റിന് മുന്തലമുറകളെ അപേക്ഷിച്ച് ഭാരം ഗണ്യമായി കുറഞ്ഞു. പ്രാരംഭ സ്വിഫ്റ്റ് മോഡല് 855 കിലോ മാത്രമെ ഭാരം കുറിക്കുന്നുള്ളൂ. വിപണിയില് 4.99 ലക്ഷം രൂപ മുതലാണ് സ്വിഫ്റ്റ് മോഡലുകള്ക്ക് വില.
09. മാരുതി ഇഗ്നിസ് — 825 കിലോ
ഇഗ്നിസ്, പ്രീമിയം ഹാച്ച്ബാക്ക് ബലെനോയ്ക്ക് ശേഷം മാരുതി കൊണ്ടുവന്ന രണ്ടാമത്തെ HEARTECT കാര്. ഇഗ്നിസ് വില്പ്പനയ്ക്ക് വന്നിട്ട് കാലം കുറച്ചായി. മോഡലിന് പ്രചാരം കുറയുന്നത് കണ്ട് വിപണിയില് പുത്തന് ഇഗ്നിസ് ഫെയ്സ്ലിഫ്റ്റിനെ അവതരിപ്പിക്കാനുള്ള തയ്യാറെടുപ്പിലാണ് കമ്പനി.
നിലവില് 825 കിലോയാണ് പ്രാരംഭ ഇഗ്നിസ് വകഭേദത്തിന് ഭാരം. എന്നാല് പുതിയ ഫെയ്സ്ലിഫ്റ്റ് പതിപ്പിന് ഭാരം കൂടിയേക്കും. നടപ്പിലാവുന്ന സുരക്ഷ ചട്ടങ്ങള് മാനിച്ച് കൂടുതല് സുരക്ഷാ സജ്ജീകരണങ്ങള് മോഡലില് കമ്പനിക്ക് ഉറപ്പുവരുത്തേണ്ടതായുണ്ട്. 4.66 ലക്ഷം രൂപയില് തുടങ്ങും ഇഗ്നിസിന് വിപണിയില് വില.
Most Read: അംബാസഡര് ആഢംബര കാറാവുമ്പോള്
08. ഡാറ്റ്സന് ഗോ — 819 കിലോ
അടുത്തിടെയാണ് ഗോ ഹാച്ച്ബാക്കിനെ ഡാറ്റ്സന് പുതുക്കിയത്. ഫലമോ, 20 കിലോ ഭാരം ഹാച്ച്ബാക്കിന് കൂടി; പട്ടികയില് എട്ടാമനായി തുടരേണ്ട സ്ഥിതി വിശേഷവും. നിലവില് 819 കിലോ ഭാരം കുറിക്കും ഹാച്ച്ബാക്ക്. പുതിയ ക്രാഷ് ടെസ്റ്റ് നിര്ദ്ദേശങ്ങള് മുന്നിര്ത്തി കൂടുതല് സുരക്ഷാ സജ്ജീകരണങ്ങള് ഇടംപിടിച്ചതോടെയാണ് ഡാറ്റ്സന് ഗോയ്ക്ക് ഭാരം കൂടിയത്.
എബിഎസ്, ഇബിഡി, ഇരട്ട എയര്ബാഗ് സംവിധാനങ്ങള് കാറില് അടിസ്ഥാന ഫീച്ചറുകളായി ഒരുങ്ങുന്നു. 68 bhp കരുത്തും 104 Nm torque ഉം 1.2 ലിറ്റര് മൂന്നു സിലിണ്ടര് പെട്രോള് എഞ്ചിന് സൃഷ്ടിക്കും. 19.83 കിലോമീറ്റര് ഇന്ധനക്ഷമതയാണ് ഡാറ്റ്സന് ഗോ കുറിക്കുന്നത്. 3.29 ലക്ഷം രൂപ മുതല് കാറിന് വില ആരംഭിക്കുന്നു.
07. മാരുതി സെലറിയോ — 815 കിലോ
കഴിഞ്ഞവര്ഷമാണ് അഞ്ചു സീറ്റര് സെലറിയോ ഹാച്ച്ബാക്കിനെ മാരുതി പുതുക്കിയത്. പുതിയ സുരക്ഷാ നിര്ദ്ദേശങ്ങള് പാലിക്കുന്ന ഒമ്പതു മാരുതി കാറുകളില് ഒന്ന് കൂടിയാണ് സെലറിയോ. ഹാച്ച്ബാക്കിന് ഭാരം 815 കിലോ.
സെലറിയോയിലെ 999 സിസി മൂന്നു സിലിണ്ടര് K10 എഞ്ചിന് 68 bhp കരുത്തും 90 Nm torque ഉം അവകാശപ്പെടും. പൂജ്യത്തില് നിന്നും നൂറു കിലോമീറ്റര് വേഗം തൊടാന് 14.24 സെക്കന്ഡുകളാണ് സെലറിയോയ്ക്ക് വേണ്ടത്. മൈലേജ് 23.1 കിലോമീറ്റര്. 4.21 ലക്ഷം രൂപ മുതല് കാറിന് വില തുടങ്ങും.
06. മാരുതി വാഗണ്ആര് — 805 കിലോ
ജനുവരിയില് വില്പ്പനയ്ക്ക് വന്ന മാരുതി വാഗണ്ആറും സുസുക്കി ആവിഷ്കരിച്ച HEARTECT അടിത്തറയാണ് പങ്കിടുന്നത്. ഇക്കാരണത്താല് മുന്തലമുറയെ അപേക്ഷിച്ച് മോഡലിന് ഭാരം 65 കിലോ കുറഞ്ഞു. 805 കിലോ മാത്രമെയുള്ള പ്രാരംഭ വാഗണ്ആര് വകഭേദത്തിന് ഭാരം.
Most Read: അര്ബന് കാറുകള്ക്ക് പുതിയ നിര്വചനം കുറിക്കാന് ടാറ്റ ആള്ട്രോസ്
നിലവില് പെട്രോള് എഞ്ചിന് മാത്രമാണ് വാഗണ്ആറില് തുടിക്കുന്നത്. ഹാച്ച്ബാക്കിന്റെ എല്പിജി, സിഎന്ജി പതിപ്പുകളെ കൊണ്ടുവരാന് കമ്പനിക്ക് പദ്ധതിയുണ്ട്. 4.19 ലക്ഷം രൂപ മുതല് പുതുതലമുറ വാഗണ്ആര് ഷോറൂമുകളില് അണിനിരക്കുന്നു.
05. മാരുതി ഒമ്നി — 785 കിലോ
അഞ്ച്, ഏഴ്, എട്ട് സീറ്റര് പതിപ്പുകള് ഒരുങ്ങുന്ന മാരുതി ഒമ്നിക്ക് 785 കിലോ മുതല് 800 കിലോ വരെയാണ് ഭാരം. എന്നാല് പുതിയ സുരക്ഷ ചട്ടങ്ങള് മാനിച്ച് ഒമ്നിയെ പിന്വലിക്കാനുള്ള തയ്യാറെടുപ്പിലാണ് കമ്പനി. മോഡലിന് ദൃഢത കുറവാണെന്നതുതന്നെ കാരണം.
BNVSAP ക്രാഷ് ടെസ്റ്റ് നിബന്ധനകള് മറികടക്കാന് ഒമ്നിക്ക് കഴിയില്ല. നിലവില് മോഡലില് തുടിക്കുന്ന 0.8 ലിറ്റര് മൂന്നു സിലിണ്ടര് പെട്രോള് എഞ്ചിന് 35 bhp കരുത്തും 59 Nm torque -മാണ് പരമാവധി കുറിക്കുന്നത്.
04. മാരുതി ആള്ട്ടോ K10 — 740 കിലോ
2020 ഒക്ടോബര് മുതല് കര്ശനമാവുന്ന സുരക്ഷ ചട്ടങ്ങള് മാനിച്ച് ആള്ട്ടോ K10 -ന് പകരക്കാരനെ ഒരുക്കാനുള്ള ധൃതിയും മാരുതിക്കുണ്ട്. 750 കിലോ ഭാരം അവകാശപ്പെടുന്ന നിലവിലെ ആള്ട്ടോ K10 പുതിയ സുരക്ഷാ കടമ്പകള് പിന്നിടില്ല. എന്നാല് ആവശ്യമായ പരിഷ്കാരങ്ങള് വരുത്തി ആള്ട്ടോ K10 -ന്റെ പുതിയ പതിപ്പിനെ ക്രാഷ് ടെസ്റ്റിനായി കമ്പനി സജ്ജമാക്കും.
68 bhp കരുത്ത് സൃഷ്ടിക്കുന്ന 1.0 ലിറ്റര് എഞ്ചിനാണ് ആള്ട്ടോ K10 -ന്റെ ഹൃദയം. 15.87 സെക്കന്ഡുകള് കൊണ്ട് നൂറു കിലോമീറ്റര് വേഗം ഹാച്ച്ബാക്ക് പിന്നിടും. മൈലേജ് 24.07 കിലോമീറ്റര്. 3.42 ലക്ഷം മുതല് കാറിന് വില ആരംഭിക്കുന്നു.
03. റെനോ ക്വിഡ് — 699 കിലോ
ഒരുകാലത്ത് റെനോ ക്വിഡായിരുന്നു ഇന്ത്യയിലെ ഏറ്റവും ഇന്ധനക്ഷമതയേറിയ കാര്. ARAI ടെസ്റ്റില് 25.17 കിലോമീറ്റര് മൈലേജ് കുറിച്ച ചരിത്രം ഹാച്ച്ബാക്കിനുണ്ട്. പക്ഷെ 28.4 കിലോമീറ്റര് മൈലേജുമായി ഡാറ്റ്സന് റെഡി-ഗോ കടന്നുവന്നതോടെ ക്വിഡിന് സ്ഥാനം നഷ്ടമായി. ഭാരം കുറഞ്ഞ കാറുകളുടെ പട്ടികയില് മൂന്നാമനാണ് ക്വിഡ്.
800 സിസി, 1.0 ലിറ്റര് എഞ്ചിന് പതിപ്പുകള് റെനോ ക്വിഡില് ഒരുങ്ങുന്നു. 13.85 സെക്കന്ഡുകള് കൊണ്ട് നൂറു കിലോമീറ്റര് വേഗം 1.0 ലിറ്റര് പതിപ്പ് പിന്നിടുമ്പോള്, 800 സിസി മോഡല് 17.94 സെക്കന്ഡ് കുറിക്കും ഇതേ വേഗം കൈവരിക്കാന്. 2.67 ലക്ഷം രൂപ മുതല് ആരംഭിക്കും റെനോ ക്വിഡിന് വിപണിയില് വില.
02. മാരുതി ആള്ട്ടോ 800 — 695 കിലോ
HEARTECT അടിത്തറയല്ലെങ്കിലും ആള്ട്ടോ 800 -ന്റെ ഭാരം കുറച്ചുനിര്ത്താന് മാരുതിക്ക് തുടക്കം മുതലെ അറിയാം. അതേസമയം സുരക്ഷയുടെ കാര്യത്തില് ആള്ട്ടോ 800 ആശാവഹമായ ചിത്രമല്ല വിപണിക്ക് നല്കുന്നത്. നേരത്തെ ഗ്ലോബല് NCAP ക്രാഷ് ടെസ്റ്റില് കാര് അമ്പെ പരാജയപ്പെട്ടിരുന്നു.
എന്തായാലും മാരുതി പിന്നണിയില് ഒരുക്കുന്ന പുതുതലമുറ ആള്ട്ടോ, മോഡലിന്റെ പേരുദോഷം മാറ്റുമെന്ന് പ്രതീക്ഷിക്കാം. നിലവില് 695 കിലോയാണ് പ്രാരംഭ ആള്ട്ടോ 800 മോഡലിന് ഭാരം. 2.66 ലക്ഷം മുതല് കാറിന് വില ആരംഭിക്കുന്നു.
01. റെഡി-ഗോ — 670 കിലോ
ഡാറ്റ്സന് റെഡി-ഗോയാണ് ഇന്ത്യയില് വില്പ്പനയ്ക്ക് വരുന്ന ഏറ്റവും ഭാരം കുറഞ്ഞ കാര്. നിലവില് പ്രാബല്യത്തിലുള്ള സുരക്ഷാ പരിശോധനകള് കാര് വിജയകരമായി പിന്നിട്ടുണ്ടെന്ന് കമ്പനി പറയുന്നു. 0.8 ലിറ്റര്, 1.0 ലിറ്റര് എഞ്ചിന് യൂണിറ്റുകള് ഡാറ്റ്സന് റെഡി-ഗോയിലുണ്ട്. 670 കിലോ മാത്രമെ പ്രാരംഭ റെഡി-ഗോ മോഡല് ഭാരം കുറിക്കുകയുള്ളൂ 2.56 ലക്ഷം രൂപ മുതലാണ് ഡാറ്റ്സന് റെഡി-ഗോയ്ക്ക് വിപണിയില് വില.