Just In
- 35 min ago ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ
- 11 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 13 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 14 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
Don't Miss
- Finance കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം
- News രാമക്ഷേത്ര പരാമർശം; നരേന്ദ്ര മോദിക്ക് ഇലക്ഷൻ കമ്മീഷന്റെ ക്ലീൻ ചിറ്റ്, ചട്ടലംഘനമില്ലെന്ന് കണ്ടെത്തൽ
- Sports IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി?
- Technology സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ
- Movies ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
- Travel ഇന്ത്യയിലെ ഏറ്റവും മികച്ച സൂര്യോദ കാഴ്ചകൾ.. ഇതിലൊന്ന് ഏറ്റവും കൂടുതൽ കണ്ടത് മലയാളികളായിരിക്കും
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
ഭാരം കുറഞ്ഞു, സൗകര്യങ്ങള് കൂടി — മഹീന്ദ്ര ഫ്യൂരിയൊ ട്രക്കുകള് വിപണിയില്
പുതിയ മഹീന്ദ്ര ഫ്യൂരിയൊ ട്രക്കുകള് വിപണിയില്. ഇന്റര്മീഡിയേറ്റ് കൊമേഴ്സ്യല് വാഹനങ്ങളുടെ (ICV) ഗണത്തില്പ്പെടുന്ന ഫ്യൂരിയൊ ട്രക്ക് നിരയെ വാണിജ്യ വാഹന നിര്മ്മാതാക്കളായ മഹീന്ദ്ര ട്രക്ക് ആന്ഡ് ബസ്സ് ഡിവിഷന് ഇന്ത്യയില് പുറത്തിറക്കി. 17.45 ലക്ഷം രൂപ വിലയിലാണ് പ്രാരംഭ 12 ടണ് ഫ്യൂരിയൊ വകഭേദം വില്പ്പനയ്ക്ക് എത്തുക. ഏറ്റവും ഉയര്ന്ന 14 ടണ് വകഭേദം 18.10 ലക്ഷം രൂപയ്ക്ക് ലഭ്യമാവും.
പുതുതലമുറ രൂപകല്പനയാണ് ഫ്യൂരിയൊ ട്രക്കുകളുടെ മുഖ്യാകര്ഷണം. മഹീന്ദ്രയുടെ ഉടമസ്ഥതയിലുള്ള ഇറ്റാലിയന് ഡിസൈന് കമ്പനി പിനിന്ഫറീന, ഫ്യൂരിയൊ ട്രക്കുകളുടെ രൂപകല്പനയില് നിര്ണായക ഇടപെടലുകള് നടത്തി. ഫ്യൂരിയൊ പദ്ധതിയ്ക്കായി 600 കോടി രൂപയോളമാണ് കമ്പനി ചിലവഴിച്ചത്.
പൂനെ ചകാന് ശാലയില് നിന്നും പുതിയ മഹീന്ദ്ര ഫ്യൂരിയൊ ട്രക്കുകള് പുറത്തിറങ്ങും. മോഡല് നിരയില് ബ്ലേസ് ട്രക്കുകള്ക്ക് താഴെയാണ് ഫ്യൂരിയൊ ട്രാക്കുകള്ക്കുള്ള ഇടം. 2014 മുതല് ഫ്യൂരിയൊ ട്രക്കുകള് വികസിപ്പിക്കുന്നതില് കമ്പനി മുഴുകിയിരുന്നു.
500 എഞ്ചിനീയര്മാരെയും 180 വിതരണക്കാരെയും പദ്ധതിയ്ക്കായി മഹീന്ദ്ര നിയോഗിച്ചു. അഞ്ചുവര്ഷങ്ങള്ക്കിപ്പുറം ഇന്ത്യന് നിര്മ്മാതാക്കളുടെ പ്രയത്നം ഫലം കാണുകയാണ്. സുരക്ഷയ്ക്കും സുഖസൗകര്യങ്ങള്ക്കും യാതൊരു കുറവുമില്ലാത്ത ക്യാബിനാണ് മഹീന്ദ്ര ഫ്യൂരിയൊയില്.
ഡ്രൈവര്ക്കും സഹഡ്രൈവര്ക്കും കിടക്കാന് പ്രത്യേകം ബെര്ത്തുകള് ക്യാബിനിലുണ്ട്. എയര് ഫ്ളോ ഔട്ട്ലെറ്റുകള് ഉള്ളിലെ ചൂട് കുറയ്ക്കും. പുറമെ നിന്നുള്ള ശബ്ദം അറുപതു ശതമാനത്തോളം പ്രതിരോധിക്കുംവിധമാണ് ക്യാബിന്റെ ആവിഷ്കാരം.
മറ്റു ട്രക്കുകളെ അപേക്ഷിച്ച് ഫ്യൂരിയൊ മോഡലുകള്ക്ക് നാല്പ്പതു ശതമാനം വൈബ്രേഷന് കുറവായിരിക്കുമെന്നും മഹീന്ദ്ര പറയുന്നു. ശ്രേണിയില്തന്നെ ആദ്യമായ ഫോഗ്ലാമ്പുകളും കോര്ണറിംഗ് ലൈറ്റുകളും മഹീന്ദ്ര ഫ്യൂരിയൊ ട്രക്കുകളുടെ മാറ്റുകൂട്ടും.
പുതിയ mDi ടെക്ക് ഡീസല് എഞ്ചിനാണ് ഫ്യൂരിയൊ നിരയിലെ മോഡലുകള്ക്ക് മുഴുവന്. എഞ്ചിന് 2,400 rpm -ല് 138 bhp കരുത്തും 500 Nm torque ഉം പരമാവധി കുറിക്കും. ഇന്ധനക്ഷമത മുന്നിര്ത്തി മഹീന്ദ്രയുടെ ഫ്യൂവല്സ്മാര്ട്ട് സാങ്കേതികവിദ്യയുടെ പിന്തുണയും എഞ്ചിനുണ്ട്.
കുറഞ്ഞഭാരവും ഫ്യൂരിയൊ ട്രക്കുകളുടെ സവിശേഷതയാണ്. നിലവില് ഭാരത് സ്റ്റേജ് IV നിര്ദ്ദേശങ്ങളാണ് എഞ്ചിന് പാലിക്കുന്നത്. എന്നാല് മോഡലുകളുടെ ബിഎസ് VI പതിപ്പുകള് വിപണിയില് ഏറെ വൈകാതെയെത്തും. അഞ്ചുവര്ഷം / അഞ്ചുലക്ഷം കിലോമീറ്റര് അല്ലെങ്കില് അഞ്ചുലക്ഷം കിലോമീറ്റര് ആനുവല് മെയിന്റനന്സ് കോണ്ട്രാക്ട് പാക്കേജ് സ്റ്റാന്ഡേര്ഡ് വാറന്റിയായി മോഡലില് തിരഞ്ഞെടുക്കാം.