പുതിയ നഴികക്കല്ല്; അഞ്ച് ലക്ഷം യൂണിറ്റ് വിൽപ്പന പിന്നിട്ട് മാരുതി എർട്ടിഗ

ഒന്നാം തലമുറ എർട്ടിഗയുടെ 4,18,128 യൂണിറ്റുകൾ ഏഴുവർഷത്തിനുള്ളിൽ കമ്പനി വിറ്റഴിച്ചു, നിലവിലെ പുതുതലമുറ മോഡലുകൾ പുറത്തിറക്കിയതിന് ശേഷം 13 മാസത്തിനുള്ളിൽ ഒരു ലക്ഷം യൂണിറ്റിന്റെ വിൽപ്പനയാണ് വാഹനം നേടിയത്.

എർട്ടിഗയുടെ വിൽപ്പന രാജ്യത്തെ എം‌പി‌വി വിഭാഗത്തിന്റെ 50.3 ശതമാനം നേടാൻ മാരുതിയെ സഹായിച്ചു. ഈ വിഭാഗത്തിലെ മാരുതിയുടെ ശക്തികേന്ദ്രത്തിൽ 25.3 ശതമാനം വർധനവാണ് ഇത് വിവർത്തനം ചെയ്യുന്നത്.

എർട്ടിഗ സുഖപ്രദമായ എംപിവി എന്ന നിലയിൽ ഉപഭോക്താക്കളുടെ മനസ്സിൽ ഒരു ഇടം നേടിയതായി മാരുതി സുസുക്കി ഇന്ത്യ ലിമിറ്റഡിലെ മാർക്കറ്റിംഗ് & സെയിൽസ് എക്സിക്യൂട്ടീവ് ഡയറക്ടർ ശശാങ്ക് ശ്രീവാസ്തവ പറഞ്ഞു.

അതിന്റെ വിജയം എംപിവി വിപണിയിൽ സാന്നിധ്യം ശക്തിപ്പെടുത്താൻ തങ്ങളെ സഹായിച്ചു എന്നും അദ്ദേഹം കൂട്ടിച്ചേർത്തു. എം‌പി‌വികൾക്കിടയിൽ 36 ശതമാനം വിപണി വിഹിതമുള്ള ഒരു മാർക്കറ്റ് ലീഡറാണ് എർട്ടിഗ, അതിന്റെ നേതൃത്വം ഉപഭോക്താക്കളുടെ പിന്തുണയോടെ തുടരുന്നു.

2018 നവംബറിലാണ് മാരുതി നിലവിലെ തലമുറ എർട്ടിഗയെ അവതരിപ്പിച്ചത്. പുതുതലമുറ എം‌പി‌വിയിൽ പുതിയ ഡിസൈൻ ശൈലി, ഇന്റീരിയറുകൾ, പുതിയ എഞ്ചിൻ ഓപ്ഷനുകൾ എന്നിവ ഉൾപ്പെടുന്നു.

എർട്ടിഗ സുസുക്കിയുടെ അഞ്ചാം തലമുറ ഹാർ‌ടെക്റ്റ് പ്ലാറ്റ്‌ഫോമിലാണ് നിർമ്മിച്ചിരിക്കുന്നത്. കൂടാതെ മുന്നിൽ ഡ്യുവൽ എയർബാഗുകൾ, ABS + EBD, പിൻ പാർക്കിംഗ് സെൻസർ എന്നീ സുരക്ഷാ സവിശേഷതകൾ എല്ലാ പതിപ്പുകളിലും സ്റ്റാൻഡേർഡായി ലഭിക്കുന്നു.

നിലവിലെ 1.5 ലിറ്റർ പെട്രോൾ എഞ്ചിൻ 103 bhp കരുത്തും 138 nm torque ഉം ഉത്പാദിപ്പിക്കുന്നു. അഞ്ച് സ്പീഡ് മാനുവൽ, നാല് ഗിയർ ഓട്ടോമാറ്റിക് ഗിയർബോക്സ് ഓപ്ഷനുകളാണ് മാരുതി വാഹനത്തിൽ വാഗ്ദാനം ചെയ്യുന്നത്.

94 bhp കരുത്തും 225 Nm torque ഉം ഉത്പാദിപ്പിക്കുന്ന 1.5 ലിറ്റർ ഡീസൽ എഞ്ചിനും എർട്ടിഗയിൽ ലഭ്യമാണ്. ആറ് സ്പീഡ് മാനുവൽ ഗിയർബോക്സുമായിട്ടാണ് എഞ്ചിൻ ഘടിപ്പിച്ചിരിക്കുന്നത്.

91 bhp കരുത്തും 122 Nm torque ഉം പുറപ്പെടുവിക്കുന്ന 1.5 ലിറ്റർ സിഎൻജി എഞ്ചിനും എംപിവി ലഭ്യമാണ്. അഞ്ച് സ്പീഡ് മാനുവൽ ഗിയർബോക്സാണ് സിഎൻജി പതിപ്പിൽ വരുന്നത്. 7.55 ലക്ഷം മുതൽ 11.21 ലക്ഷം രൂപ വരെയാണ് നിലവിലെ തലമുറ മാരുതി സുസുക്കി എർട്ടിഗയുടെ എക്സ്-ഷോറൂം.