Just In
- 52 min ago മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി
- 3 hrs ago ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ
- 4 hrs ago ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി
- 7 hrs ago കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
Don't Miss
- Lifestyle ശ്വാസകോശത്തിന്റെ ആയുസ്സിന് ഭീഷണി: ഈ അപകട സൂചന അവഗണിക്കരുത്
- Movies വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ്
- Sports IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര
- News പത്തനംതിട്ടയിലും മോക് പോളില് പിഴവ്, പരാതിയുമായി യുഡിഎഫ്: വിശദീകരണം നല്കി കളക്ടർ
- Technology റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം
- Finance സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ
- Travel പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
റെനോ ക്വിഡ് എംപിവിയാകുമ്പോള്, പുതിയ ട്രൈബറിന്റെ ചിത്രങ്ങള് പുറത്ത്
ക്വിഡ് ഹാച്ച്ബാക്കിനെ അടിസ്ഥാനപ്പെടുത്തി പുതിയൊരു എംപിവി. ട്രൈബറിനെ ഇന്ത്യന് വിപണിയില് എത്തിക്കാനുള്ള തയ്യാറെടുപ്പിലാണ് റെനോ. ക്വിഡ് പുറത്തിറങ്ങുന്ന CMF-A പ്ലാറ്റ്ഫോമില് ട്രൈബര് എംപിവി ഒരുങ്ങുമ്പോള് വിപണി ആകാംക്ഷ പൂണ്ടുനില്ക്കുന്നു. പരീക്ഷണയോട്ടം തുടരുന്നുണ്ടെങ്കിലും മോഡല് ഏറെക്കുറെ ഉത്പാദനസജ്ജമാണ്.
മാരുതി ഈക്കോ, ഡാറ്റ്സന് ഗോ പ്ലസ് എന്നിവരുടെ വിപണിയില് നോട്ടമിട്ട് റെനോ ട്രൈബര് ഇങ്ങെത്തും. പ്ലാറ്റ്ഫോമും എഞ്ചിനും ഗിയര്ബോക്സും പങ്കിടുമെങ്കിലും ക്വിഡിനെക്കാള് ഉയര്ന്ന വിലനിലവാരം ട്രൈബര് പുലര്ത്തുമെന്നാണ് സൂചന. കഴിഞ്ഞ ദിവസം ക്യാമറയ്ക്ക് മുന്നില്പ്പെട്ട മോഡല് വരാനിരിക്കുന്ന ട്രൈബറിനെ കുറിച്ച് കൂടുതല് വിവരങ്ങള് വെളിപ്പെടുത്തിക്കഴിഞ്ഞു.
ടോള് ബോയ് ഡിസൈനാണ് എംപിവിക്ക്. നികുതിയാനുകൂല്യങ്ങള്ക്കായി നാലു മീറ്ററില് താഴെ ട്രൈബറിന്റെ നീളം റെനോ പരിമിതപ്പെടുത്തി. ഇന്ത്യന് സാഹചര്യങ്ങള് മുന്നിര്ത്തി കൂടുതല് പ്രായോഗികമായ ഡിസൈന് ഭാഷ്യമാണ് ട്രൈബര് പിന്തുടരുന്നത്. ക്വിഡിന്റെ നിഴലാട്ടങ്ങള് എംപിവിയില് പ്രതീക്ഷിക്കാം.
ക്വിഡ് ഹാച്ച്ബാക്കിലെ 1.0 ലിറ്റര് മൂന്നു സിലിണ്ടര് നാച്ചുറലി ആസ്പിരേറ്റഡ് പെട്രോള് എഞ്ചിന് ട്രൈബറിലും തുടിക്കും. 75 bhp കരുത്തും 100 Nm torque -മായിരിക്കും എഞ്ചിന് സൃഷ്ടിക്കുക. 67 bhp കരുത്തും 91 Nm torque -മാണ് ക്വിഡ് പരമാവധി കുറിക്കുന്നത്. മുന് വീല് ഡ്രൈവ് സംവിധാനം ട്രൈബറില് അടിസ്ഥാന വിശേഷമായി നിലകൊള്ളും.
അഞ്ചു സ്പീഡ് മാനുവല്, അഞ്ചു സ്പീഡ് എഎംടി ഗിയര്ബോക്സ് ഓപ്ഷനുകള് എംപിവിയില് പ്രതീക്ഷിക്കാം. ഏഴു പേര്ക്കിരിക്കാവുന്ന വിധമാണ് ട്രൈബറിലെ സീറ്റ് ഘടന. ഇതേസമയം, ആവശ്യമെങ്കില് മൂന്നാംനിര ഊരിമാറ്റാനുള്ള സൗകര്യം കമ്പനി ഉറപ്പുവരുത്തും. അതായത് കൂടുതല് ലഗ്ഗേജുള്ള അവസരങ്ങളില് മൂന്നാംനിര സീറ്റുകള് ഉടമകള്ക്ക് തന്നെ ഊരിമാറ്റാം.
ശ്രേണിയില് മറ്റൊരു എംപിവിയും പ്രായോഗികമായ ഇത്തരമൊരു സൗകര്യം അവകാശപ്പെടുന്നില്ല. റെനോയുടെ മീഡിയനാവ് ടച്ച്സ്ക്രീന് ഇന്ഫോടെയ്ന്മെന്റ് സംവിധാനമായിരിക്കും ട്രൈബറില് ഇടംപിടിക്കുക. മത്സരം കണക്കിലെടുത്ത് അകത്തളത്തില് കൂടുതല് സൗകര്യങ്ങള് നല്കാന് കമ്പനി പ്രത്യേകം ശ്രദ്ധിക്കും.
വൈവിധ്യമാര്ന്ന നിറപ്പകിട്ടില് അകത്തളം ഒരുങ്ങുമെന്ന് സൂചനയുണ്ട്. പ്രാബല്യത്തില് വരാനിരിക്കുന്ന ഭാരത് ന്യൂ വെഹിക്കിള് സേഫ്റ്റി അസെസ്മെന്റ് പ്രോഗ്രാം ചട്ടങ്ങള് പാലിച്ചാകും ട്രൈബര് വിപണിയിലെത്തുക. ഡ്രൈവര് എയര്ബാഗ്, എബിഎസ്, പിന് പാര്ക്കിങ് സെന്സറുകള്, വേഗ മുന്നറിയിപ്പ് സംവിധാനം, സീറ്റ് ബെല്റ്റ് റിമൈന്ഡര്, ISOFIX ചൈല്ഡ് സീറ്റ് മൗണ്ടുകള് എന്നിവ അടിസ്ഥാന ഫീച്ചറുകളായി വാഹനങ്ങളില് ഒരുങ്ങണമെന്നാണ് പുതിയ സുരക്ഷാ ചട്ടം.
ഒരുപക്ഷെ ഭാരത് സ്റ്റേജ് VI നിലവാരവും റെനോ ട്രൈബര് പുലര്ത്തും. ഇന്ത്യയില് റെനോയുടെ ഏറ്റവും വലിയ ഹിറ്റ് കാറാണ് ക്വിഡ്. ഇതേ വിജയം ക്വിഡിനെ അടിസ്ഥാനപ്പെടുത്തിയുള്ള ട്രൈബറും ആവര്ത്തിക്കുമെന്ന് കമ്പനി ഉറച്ചുവിശ്വസിക്കുന്നു. ട്രൈബറിന് പിന്നാലെ പുത്തന് ഡസ്റ്ററിനെ വിപണിയില് യാഥാര്ത്ഥ്യമാക്കാനും റെനോയ്ക്ക് പദ്ധതിയുണ്ട്.
Spy Image Source: Auto Punditz