Just In
- 37 min ago മകൾക്ക് 3 കോടിയുടെ പോർഷ കാർ സമ്മാനിച്ച് മലയാളി വ്യവസായി; ഹൈലൈറ്റായ അച്ഛനെയും മകളെയും മനസിലായോ
- 1 hr ago ബൈക്കുകള്ക്ക് വില കൂട്ടി എന്ഫീല്ഡ് എതിരാളികള്; പേടിക്കണ്ട, ഒരു ഷര്ട്ട് വാങ്ങുന്ന പൈസയേ കൂടിയിട്ടുള്ളൂ...
- 1 hr ago സംസ്ഥാന സർക്കാർ കൂടുതൽ ഇടപെടേണ്ടെന്ന് ഹൈകോടതി, ഭാരത് രജിസ്ട്രേഷനിൽ കോടതി വിധി
- 2 hrs ago പുത്തൻ ഇലക്ട്രിക് തമ്പ്രാക്കന്മാരുടെ ആപ്പീസ് പൂട്ടും; ആക്ടിവ ഇവിയുടെ വരവിന് കുറിമാനമിട്ട് ഹോണ്ട
Don't Miss
- Lifestyle ജീവിതത്തില് സന്തോഷവും ഐശ്വര്യവും, വാസ്തുദോഷങ്ങള് നീക്കും വെള്ളി മയില് വീട്ടില് ഈ ദിശയില്
- Movies ഐശ്വര്യ റായി മകള് ആരാധ്യയെ ബോളിവുഡ് പാര്ട്ടികളില് നിന്നും മാറ്റി നിര്ത്തുകയാണ്! കാരണമിത്
- News മുതിർന്ന പൗരന്മാരുടെ നിക്ഷേപത്തിന് 8.2 ശതമാനം വരെ പലിശ; പോസ്റ്റ് ഓഫീസിന്റെ ഈ തകർപ്പൻ സ്കീം അറിയാമോ?
- Sports T20 World Cup 2024: റിഷഭും സഞ്ജുവുമല്ല; ധോണി വിക്കറ്റ് കീപ്പറാവണം! കാരണം വീരു പറയുന്നു
- Finance ആദ്യ സെഷനിൽ നേട്ടം കൊയ്ത രണ്ട് കമ്പനികൾ, മുന്നേറ്റം 5 ശതമാനം വരെ, വിപണിയിലും ഉണർവ്വ്
- Technology തലച്ചോറുള്ളവർ ഇത് വാങ്ങും, അല്ലാത്തവർ പുച്ഛിക്കും! ഹോണറിന്റെ ഈ 5ജി ഫോണിന് ഞെട്ടിക്കുന്ന വിലക്കുറവ്
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ഏപ്രില് മുതല് ടാറ്റ കാറുകള്ക്ക് വില കൂടും
ഏപ്രില് മുതല് കാര് വില കൂട്ടുമെന്ന് ടാറ്റ മോട്ടോര്സ്. ഏപ്രില് ഒന്നു മുതല് പാസഞ്ചര് വാഹന നിരയിലെ മുഴുവന് മോഡലുകള്ക്കും 25,000 രൂപ വരെ വില വര്ധിക്കുമെന്ന് ടാറ്റ മോട്ടോര്സ് വ്യക്തമാക്കി. വാഹന നിര്മ്മാണ ഘടകങ്ങളുടെ വില ഉയര്ന്നതും സമ്പദ് വ്യവസ്ഥയില് സംഭവിച്ചിട്ടുള്ള മാറ്റങ്ങളും വാഹന വില വര്ധിക്കാനുള്ള കാരണങ്ങളായി കമ്പനി ചൂണ്ടിക്കാട്ടി.
അതേസമയം വാണിജ്യ വാഹനങ്ങളുടെ വിലയില് മാറ്റങ്ങളില്ല. നിലവില് ടിയാഗൊ, ടിഗോര്, നെക്സോണ്, ഹാരിയര്, ഹെക്സ എന്നീ മോഡലുകള് ടാറ്റയുടെ പാസഞ്ചര് വാഹന നിരയിലുണ്ട്. ഏപ്രില് മുതല് ഇവയ്ക്കെല്ലാം വില കൂടും. ഈ വര്ഷമിത് രണ്ടാംതവണയാണ് കാറുകളുടെ വില കൂട്ടാന് ടാറ്റ ഒരുങ്ങുന്നത്.
നേരത്തെ ജനുവരിയില് കാറുകള്ക്ക് 40,000 രൂപ വരെ കമ്പനി വില കൂട്ടിയിരുന്നു. ഈ വര്ഷം വമ്പന് പദ്ധതികളാണ് ടാറ്റ ആവിഷ്കരിച്ചിരിക്കുന്നത്. ഹാരിയറിനെ വില്പ്പനയ്ക്ക് കൊണ്ടുവന്നതിന് പിന്നാലെ അഞ്ചു പുത്തന് കാറുകളെ ജനീവ മോട്ടോര് ഷോയില് കമ്പനി കാഴ്ച്ചവെക്കുകയുണ്ടായി.
ആള്ട്രോസ്, ആള്ട്രോസ് ഇവി, ബസെഡ്, ബസെഡ് സ്പോര്ട്, H2X കോണ്സെപ്റ്റ്. ഇതില് ആള്ട്രോസ് ഹാച്ച്ബാക്കിനെ ഈ വര്ഷം രണ്ടാംപാദം ടാറ്റ ഇന്ത്യയില് അണിനിരത്തും. ഏഴു സീറ്റര് ബസെഡ് എസ്യുവിയെ കസീനിയായി രാജ്യത്തെത്തിക്കാനാണ് ടാറ്റയുടെ നീക്കം. ഈ വര്ഷാവസാനം ടാറ്റ കസീനി വില്പ്പനയ്ക്ക് വരുമെന്നാണ് വിവരം.
പുതിയ ആള്ട്രോസ്, കസീനി മോഡലുകളെ പൂനെയിലെ പ്രിംപ്രി ശാലയില് നിന്ന് ടാറ്റ നിര്മ്മിക്കും. ഗുജറാത്തിലെ സാനന്ദ് ശാല H2X കോണ്സെപ്റ്റിന്റെ പ്രൊഡക്ഷന് അവതാരത്തിന് ജന്മം നല്കും. ആകര്ഷകമായ രൂപം. ഉയര്ന്ന പ്രകടനക്ഷമത. അണുവിട വിട്ടുവീഴ്ച്ചയില്ലാത്ത സുരക്ഷ. പുതുതലമുറ ടാറ്റ കാറുകളുടെ പാരമ്പര്യം പുത്തന് അവതാരങ്ങളും കാത്തുസൂക്ഷിക്കുമെന്നാണ് വിപണിയുടെ പ്രതീക്ഷ.
പുതിയ മോഡലുകളില് H2X കോണ്സെപ്റ്റ്എസ്യുവിയായിരിക്കുംഏറ്റവും വില കുറഞ്ഞ മോഡല്. പുതിയ മൈക്രോ എസ്യുവിയുടെ ആദ്യ മാതൃക മാത്രമാണ് H2X. 2020 ഓട്ടോ എക്സ്പോയില് ഹോണ്ബില്ലെന്ന പേരില് പ്രൊഡക്ഷന് പതിപ്പിനെ പ്രതീക്ഷിക്കാം. മാരുതി സുസുക്കി ഇഗ്നിസ്, മഹീന്ദ്ര KUV100 മോഡലുകള്ക്ക് ടാറ്റ കാത്തുവെച്ചിട്ടുള്ള മറുപടിയാണ് H2X കോണ്സെപ്റ്റ്. കമ്പനിയുടെ ALFA (അജൈല് ലൈറ്റ് ഫ്ളെക്സിബിള് അഡ്വാന്സ്ഡ്) ആര്ക്കിടെക്ച്ചര് H2X ഉപയോഗിക്കും.
നിരയില് നെക്സോണിന് താഴെയാകും പുതിയ മൈക്രോ എസ്യുവിയെ ടാറ്റ പ്രതിഷ്ടിക്കുക. ആള്ട്രോസ് ഹാച്ച്ബാക്കും ALFA അടിത്തറയാണ് പങ്കിടുന്നത്. ഹാരിയര് പുറത്തുവരുന്ന OMEGA പ്ലാറ്റ്ഫോം കസീനിക്കും ആധാരമാവും. നെക്സോണിലെ 1.2 ലിറ്റര് ടര്ബ്ബോ പെട്രോള് എഞ്ചിനാകും ടാറ്റ ആള്ട്രോസില് തുടിക്കുക. മാനുവല്, ഓട്ടോമാറ്റിക് ഗിയര്ബോക്സ് ഓപ്ഷനുകള് കാറില് പ്രതീക്ഷിക്കാം.
കസീനിയില് ഹാരിയറിലെ 2.0 ലിറ്റര് ക്രൈയോട്ടെക്ക് ഡീസല് എഞ്ചിന് നിലകൊള്ളുമെങ്കിലും കരുത്തുത്പാദനം വ്യത്യാസപ്പെടും. 170 bhp വരെ കരുത്തു കുറിക്കാന് പാകത്തിലായിരിക്കും 2.0 ലിറ്റര് ക്രൈയോട്ടെക്ക് എഞ്ചിനെ കമ്പനി റീട്യൂണ് ചെയ്യുക. ആറു സ്പീഡ് മാനുവല്, ആറു സ്പീഡ് ടോര്ഖ് കണ്വേര്ട്ടര് ഓട്ടോമാറ്റിക് ഗിയര്ബോക്സ് ഓപ്ഷനുകള് കസീനിയില് അണിനിരക്കും.