Just In
- 6 min ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 44 min ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
- 1 hr ago ഇനി പപ്പടമല്ല, നല്ല ഒന്നാന്തരം ഉരുക്കാണ്... ഇടിപ്പരീക്ഷയിൽ 4 സ്റ്റാർ-റേറ്റിംഗുമായി പുത്തൻ സ്വിഫ്റ്റ്
- 2 hrs ago വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു
Don't Miss
- Lifestyle നാല്പ്പതുകളിലെ ഗര്ഭധാരണം: സ്ത്രീകളറിയേണ്ട അപകടങ്ങള്
- Movies സലിം കുമാര് പറ്റില്ലെന്ന് മുഖത്തടിച്ച പോലെ പറഞ്ഞു; സങ്കടമായി, പിന്നെ സംഭവിച്ചത്; കുളപ്പുള്ളി ലീല
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- News തിരുവനന്തപുരത്ത് വോട്ടിംഗ് മെഷീനുകളിൽ തകരാർ എന്ന് വ്യാജവാർത്ത: ജില്ലാ കളക്ടർക്ക് പരാതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
- Sports IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
കഴിഞ്ഞ വര്ഷം ടാറ്റ വിറ്റത് രണ്ട് ലക്ഷം കാറുകള്, താരമായത് ടിയാഗൊ
കഴിഞ്ഞ കുറെ വര്ഷങ്ങളായി ടാറ്റ വാഹനങ്ങളിലുണ്ടാവുന്ന മാറ്റങ്ങള്ക്ക് വാഹനലോകം സാക്ഷ്യം വഹിച്ചതാണ്. സുരക്ഷ, ഡിസൈന്, നിലവാരം, കംഫര്ട്ട് തുടങ്ങിയ എല്ലാ മേഖലകളിലും മികവുറ്റ കാറുകളാണിപ്പോള് ടാറ്റ മോട്ടോര്സ് വിപണിയിലെത്തിക്കുന്നത്. ഈ മാറ്റങ്ങളൊക്കെയും ടാറ്റ കാറുകള്ക്ക് വിപണിയില് മികച്ച പ്രകടനം കാഴ്ചവെയ്ക്കാന് സഹായമാവുകയും ചെയ്തിരിക്കുകയാണിപ്പോള്.
2018-19 സാമ്പത്തിക വര്ഷം അവസാനിച്ചപ്പോള് പോയ സാമ്പത്തിക വര്ഷത്തെയപേക്ഷിച്ച് 12.18 ശതമാനം വളര്ച്ച കൈവരിച്ചിരിക്കുകയാണ് കമ്പനി. മികച്ച വില്പ്പനയുള്ളൊരു വര്ഷമാണ് കടന്ന് പോയതെന്നാണ് കമ്പനിയുടെ വാദം.
വിപണിയില് ടാറ്റ മോട്ടോര്സ് വാഹനങ്ങള്ക്ക് ആവശ്യക്കാറേറി വരികയാണ്. 2018-19 കാലയളവില് മാത്രം 2,10,143 കാറുകളാണ് ഈ ഇന്ത്യന് വാഹന നിര്മ്മാതാക്കള് വിറ്റഴിച്ചത്. 2017-18 കാലയളവിലിത് 1,87,321 യൂണിറ്റായിരുന്നു.
വാഹന കമ്പനികള്ക്കിടയില് ഉയര്ന്ന വളര്ച്ച നിരക്കാണിത്. എങ്കിലും വിപണിയില് ടാറ്റയുടെ പ്രധാന എതിരാളിയായ മാരുതിയുടെ വില്പ്പനയ്ക്കൊപ്പം എത്തണമെങ്കില് ടാറ്റയ്ക്ക് ഇനിയും അധ്വാനിക്കേണ്ടിയിരിക്കുന്നു. കൂടുതല് പരുക്കനായ രീതിയിലായിരുന്നു ടാറ്റ കാറുകള് ആദ്യമെത്തിയിരുന്നത്.
Most Read:പ്രചാരമൊട്ടും കുറയാതെ മാരുതി വാഗണ്ആര്, വില്പ്പന വെച്ചടി മുന്നോട്ട്
എന്നാല് വിപണിയില് മറ്റ് വാഹന നിര്മ്മാതാക്കളുടെ കാറുകളുമായി മാത്സരിക്കുമ്പോള് പലപ്പോഴും ടാറ്റ കാറുകള് പിന്നിലായിപ്പോയിരുന്നു. പുറംമോടിയിലെ വ്യത്യാസങ്ങളാണ് തങ്ങളെ പിന്നിലാക്കുന്നതെന്ന മനസിലാക്കിയ കമ്പനി പിന്നീട് പുതിയ ഡിസൈന് ശൈലി ആവിഷ്ക്കരിക്കുകയായിരുന്നു.
നിരയിലെ എല്ലാ കാറുകളുടെയും ഡിസൈന് മാറ്റിയ ടാറ്റ പുത്തന് ഭാവത്തിലാണിപ്പോള് വിപണിയില് അണിനിരക്കുന്നത്. ഈ സാമ്പത്തിക വര്ഷത്തില് ടാറ്റ വിറ്റ 2,10,143 കാറുകളില് ഭൂരിഭാഗവും ടിയാഗൊ, നെക്സണ്, ഹാരിയര് എന്നീ മോഡലുകളാണ്.
ടാറ്റയുടെ ഇംപാക്റ്റ് ഡിസൈന് ഭാഷയില് ഒരുങ്ങിയ ടിയൊഗൊയുടെ അടുത്ത തലമുറ മോഡല് പുറത്തിറക്കാനുള്ള തിരക്കിലാണ് കമ്പനിയിപ്പോള്. ടാറ്റയുടെ ഏറ്റവും പുതിയ പ്ലാറ്റഫോമായ ആല്ഫയെ അടിസ്ഥാനമാക്കിയാണ് പുത്തന് ടിയാഗൊ ഒരുങ്ങുന്നത്.
കോമ്പാക്റ്റ് എസ്യുവിയായ നെക്സണ് ആണ് ഏറ്റവും വില്പ്പനയുള്ള ടാറ്റ കാറുകളില് രണ്ടാമത്. പോയ വര്ഷം വിപണിയില് മികച്ച പ്രകടനമാണ് നെക്സണ് കാഴ്ചവെച്ചത്.
Most Read:ഹാര്ദിക് പാണ്ഡ്യയ്ക്ക് ബെന്സ് എസ്യുവിയുടെ കൂട്ട്
മാരുതിയുടെ വിറ്റാര ബ്രെസ്സയും മഹീന്ദ്ര XUV300 -യും നെക്സണിന് വെല്ലുവുളി ഉയര്ത്തുന്നുണ്ടങ്കെിലും സ്ഥിരതയാര്ന്ന പ്രകടനം നെക്സണ് കാഴ്ചവെയ്ക്കുന്നുണ്ട്. പുതിയ ആല്ഫ പ്ലാറ്റ്ഫോമില് നെക്സണിനെ ടാറ്റ ഒരുക്കുന്നുണ്ടെന്നാണ് റിപ്പോര്ട്ടുകള്.
അടുത്തിടെ വിപണിയിലെത്തിയ ടാറ്റ ഹാരിയര് പ്രതീക്ഷയ്ക്കൊത്ത പ്രകടനം തന്നെയാണ് കാഴ്ചവെയ്ക്കുന്നത്. വിപണിയില് ജീപ്പ് കോമ്പസാണ് ഹാരിയറിന്റെ മുഖ്യ എതിരാളി. പ്രീമിയം ഫീച്ചറുകളിലെത്തിയ ടാറ്റ ഹാരിയര് വാഹനപ്രേമികളെ ആകര്ഷിക്കുന്നതില് വളരെ മുന്നിലാണ്. വിപണിയില് ടാറ്റയ്ക്കുണ്ടായിരിക്കുന്ന ആ നേട്ടം ഇതേ അവസ്ഥയില് തുടരുമെന്നാണ് കമ്പനി പ്രതീക്ഷിക്കുന്നത്.