Just In
- 3 hrs ago 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- 3 hrs ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 3 hrs ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 4 hrs ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
Don't Miss
- Sports IPL 2024: രോഹിത് ശര്മയും ഇഷാനും പുറത്ത്! ലേലത്തില് മുംബൈ നിലനിര്ത്തുക ഈ നാലു പേരെ
- Movies തമിഴിനെ തരംതാഴ്ത്തുന്നതെന്തിന്? മലയാളത്തില് മാത്രമാണോ നല്ല സിനിമകള്? എണ്ണിപ്പറഞ്ഞ് നടന്
- News ഇന്ദിരയുടെ സ്വത്തുക്കള് നഷ്ടമാവാതിരിക്കാന് രാജീവ് ആ നിയമം ഇല്ലാതാക്കി; പുതിയ ആരോപണവുമായി മോദി
- Lifestyle നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം
- Technology ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ചുവപ്പണിഞ്ഞ് ടാറ്റ സഫാരി
1998 മുതല് ടാറ്റ സഫാരി ഇന്ത്യയിലുണ്ട്. രണ്ടുപതിറ്റാണ്ടിനിടെ പരിണാമങ്ങള് പലത് എസ്യുവിക്ക് സംഭവിച്ചു. എതിരാളികള് പലരും മണ്മറഞ്ഞെങ്കിലും ഇന്ത്യന് നിരത്തില് സഫാരി മായാതെ തുടരുകയാണ്. നിലവില് സഫാരിയുടെ സ്റ്റോം മോഡലാണ് വില്പ്പനയ്ക്ക് വരുന്നത്. മുന്തലമുറയെക്കാള് കൂടുതല് വലുപ്പവും കരുത്തും സഫാരി സ്റ്റോമിനെ എസ്യുവി പ്രേമികള്ക്കിടയില് ജനപ്രിയനാക്കുന്നു.
ഇപ്പോള് രാജ്യത്തെ പ്രമുഖ വാഹന മോഡിഫിക്കേഷന് സ്ഥാപനമായ മോട്ടോര്മൈന്ഡ് ഓട്ടോമൊട്ടീവ് ടാറ്റ എസ്യുവിക്ക് പുതിയ അലങ്കാര ചമയങ്ങള് ഒരുക്കുകയാണ്. കസ്റ്റം കിറ്റ് മുഖേന സഫാരിയുടെ ക്ലാസിക് എസ്യുവി ശൈലിക്ക് പുതിയ നിര്വചനം ഇവര് കല്പ്പിക്കുന്നു. പുതുതലമുറയെ ആകര്ഷിക്കുന്ന 'ചെത്ത്' പരിവേഷമാണ് മോഡലിന്റെ പ്രധാനാകര്ഷണം.
തിളക്കമുള്ള ചുവപ്പ് നിറം കാഴ്ച്ചക്കാരുടെ ശ്രദ്ധ പിടിച്ചുപറ്റും. എസ്യുവിയുടെ ഗ്രൗണ്ട് ക്ലിയറന്സ് കുറഞ്ഞു. കസ്റ്റം നിര്മ്മിത ബമ്പര് അല്പ്പംകൂടി താഴേക്കിറങ്ങി. ബമ്പറിലെ എയര്ഡാമിന് ചുറ്റും പ്രത്യേക അലങ്കാരം കാണാം. എല്ഇഡി ഡെയ്ടൈം റണ്ണിംഗ് ലൈറ്റുകളും മുന് ബമ്പറില്ത്തന്നെ. ഇരുണ്ട 'സ്മോക്കി' ശൈലിയാണ് ഹെഡ്ലാമ്പുകള്ക്ക്.
ബോണറ്റില് സ്ഥാപിച്ച കറുത്ത ഷീറ്റ് ചുവന്ന സഫാരി സ്റ്റോമിന് കണ്ട്രാസ്റ്റ് ഭാവം നല്കുന്നതില് നിര്ണായകമാവുന്നു. മേല്ക്കൂരയില് ഒരുങ്ങുന്ന റിഫ്ളക്ടര് ലൈറ്റുകളും മോഡലിന്റെ സവിശേഷതയാണ്. കറുത്ത സൈഡ് സ്റ്റൈപ്പുകളും തൊട്ടുമുകളിലുള്ള ബോഡി പാനലുകളുമൊഴികെ വശങ്ങളില് കാര്യമായ പരിഷ്കാരങ്ങളില്ല. പിന് ഷൗള്ഡര് ലൈന് ആവരണം ചെയ്യുന്ന കറുത്ത ബാന്ഡ് ശ്രദ്ധയാകര്ഷിക്കും.
പിറകില് ടെയില്ലാമ്പുകള്ക്ക് മാറ്റമില്ല. അതേസമയം കറുപ്പണിഞ്ഞ ഡിഫ്യൂസര് എസ്യുവിക്ക് പതിവില്ലാത്ത സ്പോര്ടി പുതുമ സമര്പ്പിക്കുന്നുണ്ട്. കാഴ്ച്ചഭംഗി ലക്ഷ്യമിട്ട് ഇരട്ട പുകക്കുഴലുകള് ഡിഫ്യൂസറില് കാണാം. ഓഫ്റോഡ് ആവശ്യങ്ങള്ക്ക് വേണ്ടിയുള്ള വലിയ പരുക്കന് ടയറുകളാണ് എസ്യുവിക്ക് മോട്ടോര്മൈന്ഡ് നിശ്ചയിക്കുന്നത്.
കറുത്ത റിമ്മുകളില് ഘടിപ്പിച്ച ടയറുകള് സഫാരിക്ക് ഗൗരവമുള്ള വ്യക്തിത്വം സമര്പ്പിക്കുന്നു. അതേസമയം പരിഷ്കാരങ്ങള് ക്യാബിനിലേക്ക് കടന്നിട്ടുണ്ടോയെന്ന കാര്യം വ്യക്തമല്ല. എഞ്ചിനില് മാറ്റങ്ങളില്ലെന്നാണ് വിവരം. ഡീസല് എഞ്ചിന് പതിപ്പ് മാത്രമെ സഫാരി സ്റ്റോമിലുള്ളൂ. എസ്യുവിയിലെ 2.2 ലിറ്റര് VVT വരിക്കോര് എഞ്ചിന് 148 bhp കരുത്തും 320 Nm torque ഉം പരമാവധി കുറിക്കാനാവും. അഞ്ചു സ്പീഡാണ് മാനുവല് ഗിയര്ബോക്സ്.
Source: MotorMind