Click it and Unblock the Notifications
Just In
-
-
-
-
Don't Miss
-
92 കാരി വോട്ട് ചെയ്യുന്നതിനിടെ ഇടപെട്ടു; സിപിഎം ബ്രാഞ്ച് സെക്രട്ടറിക്കെതിര കള്ളവോട്ട് പരാതി -
വീണ്ടും വിളിച്ചാല് വരില്ലേ? അന്ന് ലാല് ചോദിച്ചു, വര്ഷങ്ങള്ക്ക് ശേഷം ശോഭനയെത്തുന്നു ലാലിനൊപ്പം -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
മാരുതി ബലെനോയെ പുതിയ ഗ്ലാന്‍സയാക്കി ടൊയോട്ട, ഉത്പാദനം തുടങ്ങി
മാരുതി ബലെനോയെ അടിസ്ഥാനപ്പെടുത്തി ടൊയോട്ട പുറത്തിറക്കാനിരിക്കുന്ന പുതിയ പ്രീമിയം കാര്‍. 'ടൊയോട്ട ബലെനോയെ' ഒരുനോക്കു കാണാന്‍ ഇന്ത്യന്‍ വാഹന ലോകം ആകാംക്ഷയിലാണ്. ജൂണില്‍ കാര്‍ വില്‍പ്പനയ്‌ക്കെത്തും. അവതരണ വേളയില്‍ ബലെനോ എന്നായിരിക്കില്ല ഹാച്ച്ബാക്കിന് പേര്. പുറത്തുവരുന്ന റിപ്പോര്‍ട്ടുകള്‍ പ്രകാരം ഗ്ലാന്‍സയായി (GLANZA) ടൊയോട്ടയുടെ ബലെനോ പതിപ്പ് അവതരിക്കും.
ടൊയോട്ട ഗ്ലാന്‍സയുടെ ഉത്പാദനം ശാലയില്‍ തുടങ്ങിയതായാണ് വിവരം. ഈ മാസാവസാനം അല്ലെങ്കില്‍ അടുത്തമാസം ഗ്ലാന്‍സയെ കമ്പനി പ്രദര്‍ശിപ്പിക്കും. ആദ്യ ഘട്ടത്തില്‍ മാരുതി സുസുക്കിയുടെ ഗുജറാത്ത് ശാലയില്‍ നിന്ന് ഗ്ലാന്‍സ യൂണിറ്റുകള്‍ പുറത്തിറക്കാനാണ് ഇരു കമ്പനികളും തമ്മിലുള്ള ധാരണ.
പിന്നീട് ടൊയോട്ട കിര്‍ലോസ്‌കര്‍ മോട്ടോര്‍സിന്റെ ബിഡാദി ശാലയിലേക്ക് ഹാച്ച്ബാക്കിന്റെ ഉത്പാദനം ചുവടുമാറും. നിലവില്‍ ഗ്ലാന്‍സയ്ക്കായുള്ള പ്രാദേശിക സമാഹരണം ഉറപ്പുവരുത്താനുള്ള തിരക്കിലാണ് ബിഡാദി ശാല. ബലെനോയും ഗ്ലാന്‍സയും തമ്മിലുള്ള സാമ്യത കുറയ്ക്കാന്‍ കമ്പനി പരമാവധി ശ്രമിച്ചെന്നാണ് സൂചന. പുതിയ ഗ്രില്ലും പരിഷ്‌കരിച്ച മുന്‍ ബമ്പറും ഗ്ലാന്‍സയ്ക്ക് വേറിട്ട വ്യക്തിത്വം സമര്‍പ്പിക്കും.
പിന്‍ ബമ്പറിലും അലോയ് വീലുകളിലും മാറ്റങ്ങള്‍ പ്രതീക്ഷിക്കാം. ഇതേസമയം, ക്യാബിന്‍ ഏറെക്കുറെ ബലെനോയുടെ തനിമയാകും പിന്തുടരുക. എന്നാല്‍, സീറ്റ് അപ്‌ഹോള്‍സ്റ്ററിയും ടൊയോട്ടയുടെ കൈയ്യൊപ്പുള്ള ഫീച്ചറുകളും ഗ്ലാന്‍സയുടെ പ്രീമിയം പകിട്ടുയര്‍ത്തും. പുതിയ സുരക്ഷാ ചട്ടങ്ങള്‍ പ്രകാരം ആന്റി - ലോക്ക് ബ്രേക്കിങ് സംവിധാനം, ഇലക്ട്രോണിക് ബ്രേക്ക്‌ഫോഴ്‌സ് ഡിസ്ട്രിബ്യൂഷന്‍, ഇരട്ട മുന്‍ എയര്‍ബാഗുകള്‍, പിന്‍ പാര്‍ക്കിങ് സെന്‍സറുകള്‍ മുതലായ ക്രമീകരണങ്ങള്‍ ഹാച്ച്ബാക്കില്‍ നിര്‍ബന്ധമായും ഒരുങ്ങേണ്ടതുണ്ട്.
ബലെനോയുടെ സീറ്റ, ആല്‍ഫ വകഭേദങ്ങള്‍ അടിസ്ഥാനപ്പെടുത്തിയാണ് ടൊയോട്ട ഗ്ലാന്‍സ അണിയറയില്‍ ഒരുങ്ങുന്നത്. ടൊയോട്ട നിരയില്‍ അവതരിക്കുമ്പോള്‍ വകഭേദങ്ങളുടെ പേരുമാറാം. 1.2 ലിറ്റര്‍ K12B എഞ്ചിന്‍ യൂണിറ്റ് മാത്രമേ ഗ്ലാന്‍സയിലുണ്ടാവുകയുള്ളൂ. ബലെനോയെ പോലെ പെട്രോള്‍ പതിപ്പില്‍ അഞ്ചു സ്പീഡ് മാനുവല്‍, സിവിടി ഗിയര്‍ബോക്‌സ് ഓപ്ഷനുകള്‍ ഗ്ലാന്‍സയില്‍ പ്രതീക്ഷിക്കാം.
Most Read: പുതിയ ആള്‍ട്രോസുമായി ടാറ്റ നിരത്തില്‍, ഭീഷണി മാരുതി ബലെനോയ്ക്ക്
ഭാരത് സ്റ്റേജ് VI നിലവാരം എഞ്ചിന്‍ പുലര്‍ത്തും. 82 bhp കരുത്തും 115 Nm torque -മായിരിക്കും ഗ്ലാന്‍സയില്‍ സമന്വയിക്കുക. കഴിഞ്ഞ ദിവസമാണ് ബലെനോ ശ്രേണിയെ മാരുതി പുതുക്കിയത്. ഇപ്പോള്‍ പുതിയ ബലെനോ ഹൈബ്രിഡ് പതിപ്പും മാരുതി നിരയിലുണ്ട്. എന്നാല്‍, 1.2 ലിറ്റര്‍ ഡ്യൂവല്‍ജെറ്റ് എഞ്ചിന്‍ യൂണിറ്റിനൊപ്പമുള്ള പുതിയ സ്മാര്‍ട്ട് ഹൈബ്രിഡ് സംവിധാനം ടൊയോട്ട ഗ്ലാന്‍സയ്ക്ക് ലഭിക്കുമോയെന്ന കാര്യം കണ്ടറിയണം.
90 bhp കരുത്തും 120 Nm torque ഉം സൃഷ്ടിക്കാന്‍ ബലെനോ സ്മാര്‍ട്ട് ഹൈബ്രിഡ് പതിപ്പ് പ്രാപ്തമാണ്. വിപണിയില്‍ ഹ്യുണ്ടായി എലൈറ്റ് i20, ഹോണ്ട ജാസ്സ്, മാരുതി ബലെനോ മോഡലുകളോട് ടൊയോട്ട ഗ്ലാന്‍സ മത്സരിക്കും. ബലെനോയെക്കാള്‍ ഉയര്‍ന്ന വിലയിലായിരിക്കും ഗ്ലാന്‍സയെ ടൊയോട്ട അവതരിപ്പിക്കുക.
Source: Autocar India
