കാറുകൾ വാങ്ങാൻ ഏറ്റവും ബെസ്റ്റ് ഉത്സവ സീസൺ തന്നെ

രാജ്യത്ത് ആഘോഷിക്കുന്ന ഉത്സവങ്ങളുടെ നീണ്ട പട്ടികയിൽ വിളക്കുകളുടെ ഉത്സവമായി ദീപാവലി ഏറ്റവും പ്രധാനപ്പെട്ട ഒന്നായി കണക്കാക്കപ്പെടുന്നു. ആളുകൾ ഈ അവസരത്തിൽ നിരവധി പുതിയ പർച്ചേസുകൾ നടത്തുന്നു, ചെറിയ വ്യക്തിഗത ഇനങ്ങൾ മുതൽ പുതിയ വാഹനങ്ങൾ വരെ ഇതിൽ ഉൾപ്പെടുന്നു.

എന്നാൽ വർഷത്തിലെ ഈ കാലയളവ് പർച്ചേസിംഗിനായുള്ള നല്ല സമയമായി കണക്കാക്കുന്നത് എന്തുകൊണ്ടാണ്? ഇതിന് തികഞ്ഞ അർത്ഥമുണ്ടാക്കുന്ന അഞ്ച് കാരണങ്ങൾ ഇതാ.

ശുഭ സമയം

ഉത്സവകാലം ഒരു നല്ല സമയമായി കണക്കാക്കപ്പെടുന്നു, ഇത് ആളുകൾക്കിടയിൽ ശുഭ ചിന്തകളും വികാരങ്ങളും ഉളവാക്കുന്നു. പുതിയ തുടക്കങ്ങൾ പർച്ചേസുകൾ നിക്ഷേപങ്ങൾ എന്നിവ നടത്താൻ ആളുകളെ ഇക് പ്രേരിപ്പിക്കുന്നു.

ഇന്ത്യയിൽ പുതിയ വാഹനങ്ങൾ വാങ്ങുന്നത് ഇപ്പോഴും ഒരു ആഢംബരമായി കണക്കാക്കപ്പെടുന്നു, അതിനാൽ നിരവധി ഉപയോക്താക്കൾ, പ്രത്യേകിച്ച് ആദ്യമായി വാഹനം വാങ്ങുന്നവർ ഉത്സവ സീസണിൽ ഇവ വാങ്ങാനായി കാത്തിരിക്കുന്നു.

എക്സ്ക്ലൂസീവ് ബെനിഫിറ്റുകളും ഡിസ്കൗണ്ടുകളും

വാഹന നിർമാതാക്കൾ ഇന്ത്യയിലെ ഉത്സവകാലത്തേയും അതിന്റെ പോസിറ്റീവ് കാർ പർച്ചേസ് വികാരത്തേയും പിന്തുണയ്ക്കുന്നു. ഒരു പുതിയ വാഹനം വാങ്ങാൻ ആഗ്രഹിക്കുന്ന ഉപയോക്താക്കൾക്കായി വിവിധ ബ്രാൻഡുകൾ എക്‌സ്‌ക്ലൂസീവ് ആനുകൂല്യങ്ങളും കിഴിവുകളും പ്രത്യേക ഓഫറുകളും വാഗ്ദാനം ചെയ്യുന്നു.

ഉത്സവ സീസണിൽ മാത്രമായി കാർ നിർമ്മാതാക്കൾ ഉയർന്ന ക്യാഷ് ഡിസ്കൗണ്ട്, എളുപ്പമുള്ള ഫിനാൻസ് ഓപ്ഷനുകൾ, മറ്റ് ആനുകൂല്യങ്ങൾ എന്നിവ വാഗ്ദാനം ചെയ്യുന്നു. ഈ കനത്ത കിഴിവുകളും ആനുകൂല്യങ്ങളും, കാർ‌ വാങ്ങുന്നവർ‌ക്കായി ധാരാളം സേവിംഗ്സ്‌ നൽ‌കുന്നു.

പുതിയ കാർ ലോഞ്ചുകൾ

വലിയ ഡിസ്കൗണ്ടുകളും ആനുകൂല്യങ്ങളും വാഗ്ദാനം ചെയ്യുന്നതിനു പുറമേ, ഇന്ത്യൻ വിപണിയിൽ പുതിയ മോഡലുകൾ അവതരിപ്പിക്കാൻ കാർ നിർമ്മാതാക്കൾ ഉത്സവ സീസൺ തിരഞ്ഞെടുക്കുന്നു.

ഉത്സവ സീസണിൽ ലോഞ്ച് ചെയ്ത കാറുകൾ, പ്രത്യേകിച്ച് ദീപാവലിക്ക് സമയത്ത് വിൽപ്പനയിൽ മികച്ച പ്രകടനം കാഴ്ചവയ്ക്കുന്നു, ഒരു പുതിയ ഉൽപ്പന്നം പഴയ മോഡലിനെക്കാൾ വിപണിയിൽ ആകർഷകമായി തോന്നുന്നതിനാലാണിത്.

ഈ ഉത്സവ സീസണിലും ബ്രാൻഡുകൾ നിരവധി പുതിയ മോഡലുകൾ അണിനിരത്തിയിട്ടുണ്ട്, ഇവ അടുത്ത ഒരു മാസത്തിനുള്ളിൽ വിപണിയിലെത്തുമെന്ന് പ്രതീക്ഷിക്കുന്നു. മാരുതി സെലെറിയോ ഫെയ്‌സ്‌ലിഫ്റ്റ്, ബിഎംഡബ്ല്യു 2 സീരീസ് ഗ്രാൻ കൂപ്പെ, ലാൻഡ് റോവർ ഡിഫെൻഡർ, നിസ്സാൻ മാഗ്നൈറ്റ്, റെനോ കൈഗർ എന്നിവ ഉടൻ വിപണിയിൽ എത്തും.

കാത്തിരിപ്പ് കാലയളവ്

ഈ സമയത്ത് കൂടുതൽ ഉപയോക്താക്കൾ വാഹനം വാങ്ങുന്നതിനാൽ, അതത് ബ്രാൻഡിന്റെ ഫാക്ടറികളിലെ വാഹന ഉത്പാദനം സാധാരണയായി പൂർണ്ണമായ സ്ഥിതിയിലായിരിക്കും.

ഉത്സവ സീസണിൽ വാഹനം വാങ്ങുന്ന ആളുകൾ, പുതുതായി വാങ്ങിയ വാഹനങ്ങൾ ശുഭ സമയത്ത് ഡെലിവറി ചെയ്യുമെന്ന് പ്രതീക്ഷിക്കുന്നു. അതിനാൽ, ഉത്സവ വേളകളിലെ കാത്തിരിപ്പ് കാലയളവ് ബാക്കി വർഷത്തേക്കാൾ താരതമ്യേന കുറവാണ്.

കൂടാതെ, ഈ വർഷം കൊവിഡ്-19 മഹാമാരി വിൽപ്പനയിൽ വലിയ തടസ്സമുണ്ടാക്കുന്നു, അടുത്ത രണ്ട് മാസങ്ങളിൽ ഇതുവരെ നഷ്ടപ്പെട്ട വിൽപ്പന വീണ്ടെടുക്കാൻ ഉത്സവ സീസൺ സഹായിക്കുമെന്ന് കാർ നിർമ്മാതാക്കൾ പ്രതീക്ഷിക്കുന്നു.

എക്സ്ചേഞ്ച് ഓഫറുകളും ഫിനാൻസ് ഓപ്ഷനുകളും

ഒരു പുതിയ കാർ പർച്ചേസിനു പുറമേ, വാഹന നിർമ്മാതാക്കൾ വാഹന എക്സ്ചേഞ്ചിലും മികച്ച ഡീലുകൾ വാഗ്ദാനം ചെയ്യുന്നു, ഒപ്പം ക്യാഷ്ബാക്കും ലോയൽറ്റി ആനുകൂല്യങ്ങളും വാഗ്ദാനം ചെയ്യുന്നു. കുറഞ്ഞ പലിശനിരക്ക്, EMI സ്കീമുകൾ, മറ്റ് ആനുകൂല്യങ്ങൾ എന്നിവയാൽ എളുപ്പത്തിൽ വാഹനം കൈവശമാക്കാനുള്ള ഫിനാൻസ് ഓപ്ഷനുകളും ബ്രാൻഡുകൾ നൽകുന്നു.