Just In
- 1 hr ago പാവങ്ങളുടെ ലംബോർഗിനി ആവാനുള്ള യുദ്ധം ടാറ്റയും സിട്രണും തമ്മിൽ; ഇതിൽ മിടുക്കൻ ആരെന്ന് അറിയാം
- 2 hrs ago 40 കിട്ടിയില്ലെങ്കിലും 30 കിലോമീറ്ററിനടുത്തുണ്ട്! യുകെയില് വില്ക്കുന്ന സ്വിഫ്റ്റിന്റെ മൈലേജ് അറിയാം
- 3 hrs ago റീൽ എടുക്കണം ഗമ കാണിക്കണം, സോഷ്യൽ മീഡിയയിൽ വൈറലാവാൻ നടുറോഡിൽ ഇസൂസുവുമായി അഭ്യാസം
- 4 hrs ago ഇന്ത്യയ്ക്ക് പപ്പടം പായസം, UK-യ്ക്ക് ബീഫ് സ്റ്റീക്കും; 2024 സ്വിഫ്റ്റിന്റെ കാര്യത്തിൽ സുസുക്കിയുടെ നയം ഇങ്ങനെ
Don't Miss
- News മാഹിക്കെതിരായ പരാമര്ശം; സിപിഎമ്മിന്റെ പരാതിയില് പിസി ജോര്ജിനെതിരെ കേസ്
- Movies 'ഗുണ്ടയെയും എന്നെയും ഒരുമിച്ചിരുത്തി, ഗുണ്ടയെ ചോദ്യം ചെയ്യുന്നത് പോലെ എന്നെയും; അമ്മ പറഞ്ഞത് വിഷമിപ്പിച്ചു'
- Lifestyle അധികം മിനക്കെടാതെ ഹോട്ടല് സ്റ്റൈല് മഷ്റൂം പെപ്പര് ഫ്രൈ
- Technology പുതുമോടിക്ക് ഇരട്ടി മധുരം, ലോഞ്ചിന് ശേഷം ആദ്യമായി വൺപ്ലസ് 12ന് വില കുറഞ്ഞ മഹത്തായ ദിനം!
- Sports IPL 2024: വാശി കേറാന് കോലിയ്ക്ക് കെകെആര് ഡഗ്ഗൗട്ടിലേക്ക് നോക്കിയാ മതി; ഗംഭീറിനെ കുത്തി മുന് കെകെആര് താരം
- Finance 1 വർഷം കൊണ്ട് 50% അധികം നേട്ടം, 10,000 രൂപയുടെ എസ്ഐപി 1.5 ലക്ഷം രൂപയായി, വിശദമായി അറിയാം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
കൊറോണ വൈറസ് ചെറുക്കാനും ചൈനീസ് കാര്; പരിചയപ്പെടാം ഗീലി ഐകോണ് എസ്യുവിയെ
രാജ്യമെങ്ങും ആശങ്ക പടര്ത്തി കൊറോണ വൈറസ് ബാധ പടര്ന്നുപിടിക്കുകയാണ്. എല്ലാ മേഖലയിലും അതിന്റെ പരിണിതഫലങ്ങള് പ്രകടമാകുകയും ചെയ്തു. വാഹന വിപണിയിലും കൊറോണ ആശങ്ക ഉണര്ത്തിയിരിക്കുകയാണ്.
പല നിര്മ്മാതാക്കളും വാഹനങ്ങളുടെ അരങ്ങേറ്റം തന്നെ മാറ്റി വെച്ചു എന്ന വാര്ത്തകള് പുറത്തുവന്നു. ഇതിന് എല്ലാം പിന്നാലെയാണ് ഇപ്പോള് ആശ്വാസകരമായ ഒരു വാര്ത്ത പുറത്തുവരുന്നത്. എന്താണെന്നല്ലേ!
കൊവിഡ് 19 വൈറസ് ബാധയെ ചെറുക്കാന് കെല്പ്പുള്ള ഒരു വാഹനമാണ് ഇപ്പോള് വാര്ത്തയില് നിറയുന്നത്. ചൈനീസ് വാഹന നിര്മ്മാതാക്കള് തന്നെയാണ് അത്തരത്തിലൊരു വാഹനവുമായി രംഗത്തെത്തിയിരിക്കുന്നത്. ഗീലി എന്ന നിര്മ്മാതാക്കളാണ് ഐകോണ് എന്ന വാഹനത്തെ അവതരിപ്പിച്ചിരിക്കുന്നത്.
സ്വീഡിഷ് കാര് നിര്മാതാക്കളായ വോള്വോയുടെയും ബ്രിട്ടീഷ് സ്പോര്ട്സ് കാര് നിര്മ്മാതാക്കളായ ലോട്ടസിന്റെയും ഉടമകളാണ് ഗീലി. അടുത്തിടെയാണ് ഗീലി ഐകോണ് എന്ന് എസ്യുവി വിപണിയില് അവതരിപ്പിച്ചത്. വാഹനത്തിന്റെ ഫീച്ചറുകളെക്കുറിച്ച് പറയുന്നതിന് മുമ്പ് എങ്ങനെയാണ് വാഹനം ഈ അപകടകാരിയായ വൈറസിനെ ചെറുക്കുന്നത് എന്ന് പറഞ്ഞു തരാം.
കൊറോണ വൈറസ് വ്യാപകമായതോടെ ഗീലി N95 സര്ട്ടിഫൈഡ് ആയ ഒരു പുതിയ ഇന്റലിജന്റ് എയര് പ്യൂരിഫിക്കേഷന് സിസ്റ്റം (IAPS) വികസിപ്പിച്ചു. ഈ വായു ശുദ്ധീകരണ സംവിധാനം ബാക്ടീരിയ, വൈറസ് എന്നിവയുള്പ്പെടെ ക്യാബിനിലിനെ വായുവിലുള്ള ദോഷകരമായ ഘടകങ്ങളെ വേര്തിരിച്ചെടുക്കുന്നതിനും ഇല്ലാതാക്കുന്നതിനും സഹായിക്കുമെന്നാണ് റിപ്പോര്ട്ടില് പറയുന്നത്.
ഇതോടെ ഹൈബ്രിഡ് എഞ്ചിനുമായെത്തിയ ഐകോണിന് ആശങ്ക പടര്ത്തുന്ന കൊറോണ വൈറസിനെ ഒരു പരിധി വരെ ചെറുക്കന് സാധിക്കുമെന്നാണ് കമ്പനി അവകാശപ്പെടുന്നത്. വൈറസ് ബാധയെ വാഹനം ചെറുത്തു നില്ക്കുമോ എന്നുള്ളകാര്യം ഇതുവരെ പരീക്ഷിച്ചു തെളിയിച്ചിട്ടില്ല.
എങ്കിലും തങ്ങളുടെ പുതിയ ഇന്റലിജന്റ് എയര് പ്യൂരിഫിക്കേഷന് സിസ്റ്റം കൊറോണ വൈറസ് ചെറുക്കും എന്നാണ് ഗീലിയുടെ അവകാശ വാദം. 2018 ബെയ്ജിങ് ഓട്ടോ എക്സ്പോയിലാണ് കണ്സെപ്റ്റ് മോഡലായി ഗീലി ഐക്കോണ് എസ്യുവിയെ അവതരിപ്പിക്കുന്നത്.
ഇതുവരെ 30,000 -ല് അധികം ബുക്കിങ്ങുകളും വാഹനത്തിന് ലഭിച്ചിട്ടുണ്ട്. 48V മൈല്ഡ് ഹൈബ്രിഡ് സംവിധാനത്തോടെയാണ് വാഹനം വിപണിയില് എത്തുന്നത്. 1.5 ലിറ്റര് ടര്ബോ-ചാര്ജ്ഡ് എഞ്ചിനാണ് വാഹനത്തിന്റെ കരുത്ത്.
ഈ എഞ്ചിന് 184 bhp കരുത്തും 255 Nm torque ഉം ഉത്പാദിപ്പിക്കും. 48V ഹൈബ്രിഡ് സംവിധാനം 10 bhp കരുത്തും 45 Nm torque ഉം കൂടെ ചേര്ന്ന് 140 bhp കരുത്തും 300 Nm torque ഉം ആണ് ടോട്ടല് ഔട്പുട്ട്സൃഷ്ടിക്കുന്നത്.
എഴ് സ്പീഡ് ഡ്യുവല് ക്ലച്ച് ട്രാന്സ്മിഷനാണ് വാഹനത്തിന്. 7.9 സെക്കന്റ് മാത്രം മതി പൂജ്യത്തില് നിന്നും 100 കിലോമീറ്റര് വേഗത കൈവരിക്കാന്. 17.5 കിലോമീറ്റര് ഇന്ധനക്ഷമതയും കമ്പനി അവകാശപ്പെടുന്നു. ക്രൂയിസ് കണ്ട്രോള്, ലെയ്ന് കീപ്പ് അസിസ്റ്റ്, ഓട്ടോമാറ്റിക് എമര്ജന്സി ബ്രേക്കിങ്, 360 ഡിഗ്രി ക്യാമറ തുടങ്ങിയ ഫീച്ചറുകളും വാഹനത്തിന്റെ സവിശേഷതയാണ്.
വിവിധ മേഖലകളില് ആശങ്ക പടര്ത്തി കൊറോണ വൈറസ് ബാധ പടര്ന്നുപിടിക്കുകയാണ്. ചൈനയടക്കം 79 രാജ്യങ്ങളിലായി 93158 പേര്ക്കാണ് ഇതുവരെ വൈറസ് ബാധ സ്ഥിരീകരിച്ചത്. വിവിധ രാജ്യങ്ങളില് മരിച്ചവരുടെ എണ്ണം 3202 ആയി.
മനുഷ്യരാശിയുടെ നിലനില്പ്പിനെ തന്നെ ബാധിക്കും വിധം ആശങ്കയുണര്ത്തുന്ന കൊവിഡ് 19 വൈറസ് ബാധയെ ചെറുക്കാന് ലോകരാജ്യങ്ങളെല്ലാം ഒറ്റക്കെട്ടായി പ്രവര്ത്തിക്കുകയാണ്.