Just In
- 8 hrs ago ടിക്കറ്റില്ലാത്തവര് റിസര്വ്ഡ് സീറ്റ് കൈയ്യേറിയോ? ഇക്കാര്യങ്ങള് ചെയ്താല് മതിയെന്ന് റെയില്വേ
- 8 hrs ago വിദേശത്തുണ്ട് ഇന്ത്യയിലേയ്ക്ക് എത്തില്ല, പുത്തൻ സ്വിഫ്റ്റിൽ ഒഴിവാക്കാൻ സാധ്യതയുളള ഫീച്ചറുകൾ ഇവയൊക്കെ
- 9 hrs ago അതെന്നാ അങ്ങനെ? എഞ്ചിൻ കപ്പാസിറ്റി ഒന്നാണെങ്കിലും സ്കൂട്ടറിലും ബൈക്കിലും മൈലേജ് വ്യത്യാസം എന്തുകൊണ്ട്?
- 9 hrs ago ടാറ്റ ഇവികള് ഇനി ധൈര്യമായി വാങ്ങാം! ചാര്ജിംഗ് ടെന്ഷന് അകറ്റാന് പയറ്റിയ തന്ത്രം കണ്ടോ..
Don't Miss
- Movies കാത്തിരിപ്പ് വെറുതെ; സിജോ മടങ്ങി വരില്ല?; കാരണങ്ങൾ നിരത്തി നാദിറ; ആശങ്കയിൽ പ്രേക്ഷകർ
- News സമ്മര് ബംപര് അടിച്ചില്ലേ? നിരാശപ്പെടേണ്ട, വിഷു ബംപര് ഇതാ എത്തി; സമ്മാനത്തുക എത്രയെന്നറിയുമോ?
- Sports IPL 2024: 12 ഓവറില് എസ്ആര്എച്ച് 3ന് 173, മുംബൈ 3ന് 165! കളി മാറിയതെങ്ങനെ? വില്ലനാര്
- Lifestyle ഈ ബ്രേക്ക്ഫാസ്റ്റുകള് ഒരു കാരണവശാലും വേണ്ട
- Travel ഇതല്ലേ സ്വർഗ്ഗം! ഈ ജീവിതത്തില് ഇതൊക്കെയല്ലേ കാണേണ്ടത്; ജന്നത്ത്- ഇ- കശ്മീര് യാത്രയുമായി ഐആര്സിടിസി
- Finance മൾട്ടിബാഗർ പെന്നി ഓഹരി, ഇന്ന് കൂടിയത് 1.30 രൂപ, കുതിപ്പ് വരും ദിവസങ്ങളിലും തുടരും, കൂടെക്കൂട്ടുന്നോ...
- Technology ആധാർ അപ്ഡേഷൻ: സർക്കാർ സമയം നീട്ടിനൽകി; സൗജന്യമായി എന്തൊക്കെ അപ്ഡേറ്റ് ചെയ്യാമെന്ന് ഇതാ
കാര്ണിവല്ലിനെ ഡീലര്ഷിപ്പില് പ്രദര്ശിപ്പിച്ച് കിയ
സെല്റ്റോസിന് പിന്നാലെ വിപണിയില് എംപിവി ശ്രേണിയിലേക്ക് കാര്ണിവലിനെ അവതരിപ്പിക്കാന് ഒരുങ്ങുകയാണ് കിയ. ഫെബ്രുവരിയില് നടക്കുന്ന ഓട്ടോഎക്സ്പോയില് വാഹനത്തെ അവതരിപ്പിക്കുമെന്നാണ് കമ്പനി അറിയിച്ചത്.
എന്നാല് പുതിയ റിപ്പോര്ട്ട് അനുസരിച്ച് കാര്ണിവല് ഡീലര്ഷിപ്പുകളില് എത്തിയതായി ഞങ്ങള്ക്ക് പറയാന് സാധിക്കും. ബാംഗ്ലൂരിലെ ലാല്ബഗാ റോഡിലുള്ള അദ്വൈത് കിയ ഷോറുമിലാണ് കാര്ണിവല് പ്രദര്ശിപ്പിച്ചിരിക്കുന്നത്. വാഹനത്തിനായുള്ള ബുക്കിങ്ങ് കമ്പനി ആരംഭിച്ചിരുന്നു.
കഴിഞ്ഞ ദിവസം പുറത്തുവന്ന റിപ്പോര്ട്ട് അനുസരിച്ച് ആദ്യദിനം തന്നെ 1,410 ബുക്കിങ്ങുകളാണ് വാഹനത്തിന് ലഭിച്ചിരിക്കുന്നത്. ഏകദേശം 30 മുതല് 38 ലക്ഷം രൂപ വരെയായിരിക്കും വാഹനത്തിന് വില പ്രതീക്ഷിക്കാം.
പ്രീമിയം, പ്രസ്റ്റീജ്, ലിമോസിന് എന്നീ മൂന്ന് വകഭേദങ്ങളിലാണ് വാഹനം വിപണിയില് എത്തുന്നത്. 64 ശതമാനം ആളുകളും ബുക്കുചെയ്തിരിക്കുന്നത് കാര്ണിവലിന്റെ ഉയര്ന്ന വകഭേദമായ ലിമോസിനാണ്. ഏഴ്, എട്ട്, ഒമ്പത് എന്നീ മൂന്ന് സീറ്റിങ്ങ് ഓപ്ഷനുകളിലാണ് വാഹനം ലഭ്യമാകും.
ഏഴ് സീറ്റ് പതിപ്പില് ക്യാപ്റ്റന് സീറ്റുകളാണ് നല്കുക. മധ്യനിരയില് ലക്ഷ്വറി വിഐപി സീറ്റ് ഓപ്ഷണലാണ്. എട്ട് സീറ്ററില് നാല് ക്യാപ്റ്റന് സീറ്റും ഒമ്പത് സീറ്ററില് ആറ് ക്യാപ്റ്റന് സീറ്റുമാണ് ഒരുങ്ങുന്നത്. നടക്കാനിരിക്കുന്ന ഓട്ടോ എക്സ്പോയില് വാഹനത്തെ അവതരിപ്പിച്ചേക്കുമെന്നാണ് റിപ്പോര്ട്ട്.
ഇന്നോവ ക്രിസ്റ്റയാണ് മുഖ്യഎതിരാളിയെങ്കിലും വലിപ്പത്തിലും ഫീച്ചറുകളിലും ക്രിസ്റ്റയെക്കാള് മുന്പന്തിയിലാണ് കാര്ണിവല്. 5,115 mm നീളവും 1,985 mm വീതിയും 1,740 mm ഉയരവും 3,060 mm വീല്ബേസുമാണ് കാര്ണിവെല്ലിനുള്ളത്. വിദേശത്ത് ഏഴ്, എട്ട്, പതിനൊന്ന് സീറ്റര് ഓപ്ഷനില് വാഹനം വില്പ്പനയ്ക്ക് എത്തുന്നുണ്ട്.
ക്രോം ആവരണത്തോടുകൂടിയ ഗ്രില്, പ്രൊജക്ഷന് ഹെഡ്ലാമ്പ്, ഡിആര്എല്, ഫോഗ് ലാമ്പ്, ചെറിയ എയര്ഡാം എന്നിവയാണ് കാര്ണിവലിന്റെ മുന്വശത്തെ സവിശേഷതകള്. 19 ഇഞ്ച് ഡയ്മണ്ട് കട്ട് അലോയി വീല്, എല്ഇഡി ടെയില് ലാമ്പ്, സ്കിഡ് പ്ലേറ്റ് എന്നിവയും വാഹനത്തിന്റെ സവിശേഷതകളാണ്.
രണ്ടാം നിരയിലെ ഡോര് വശങ്ങളിലേക്ക് തുറക്കുന്ന തരത്തിലാണ് നല്കിയിരിക്കുന്നത്. UVO കണക്ടഡ് കാര് ടെക്നോളജിയാണ് അകത്തളത്തെ പ്രധാന സവിശേഷത. അഞ്ച് വിഭാഗങ്ങളിലായി 37 സുരക്ഷാ ഫീച്ചറുകളാണ് ഇതിലുള്ളതെന്നും റിപ്പോര്ട്ടില് പറയുന്നു.
രണ്ട് സണ്റൂഫുകള്, ഇലക്ട്രിക്കലായി അഡ്ജസ്റ്റ് ചെയ്യാവുന്ന ഡ്രൈവര് സീറ്റ്, ത്രീ സോണ് ക്ലൈമറ്റ് കണ്ട്രോള്, വെന്റിലേറ്റഡ്-ഹീറ്റഡ് സംവിധാനമുള്ള സീറ്റ്, പവര് ടെയില്ഗേറ്റ് എന്നിവ അകത്തളത്തിലെ സവിശേഷതയാണ്. പിന്നിലെ യാത്രക്കാര്ക്കായി ഓപ്ഷനായി 10.1 ഇഞ്ച് ടച്ച്സ്ക്രീനും കമ്പനി നല്കിയേക്കും.
എട്ട് എയര്ബാഗുകള്, എബിഎസ്, ഇഎസ്സി, ഹില്സ്റ്റാര്ട്ട് അസിസ്റ്റ് കണ്ട്രോള്, റിവേഴ്സ് പാര്ക്കിങ് സെന്സറുകള്, ഫ്രണ്ട് പാര്ക്കിങ് സെന്സറുകള്, ലെയിന് ഡിപ്പാര്ച്ചര് അസിസ്റ്റ് എന്നിങ്ങനെ സുരക്ഷാ സന്നാഹങ്ങളും വാഹനത്തില് ഇടംപിടിക്കും.
ബിഎസ് VI നിലവാരത്തിലുള്ള 2.2 ലിറ്റര് ടര്ബോ ചാര്ജ്ഡ് ഡീസല് എന്ജിനായിരിക്കും കാര്ണിവലിന് കരുത്ത് പകരുന്നത്. ഈ എഞ്ചിന് 3,800 rpm -ല് 200 bhp കരുത്തും 2,750 rpm -ല് 441 Nm torque ഉം സൃഷ്ടിക്കും. എട്ട് സ്പീഡ് ഓട്ടോമാറ്റിക് ഗിയര്ബോക്സായിരിക്കും വാഹനത്തില് ഇടംപിടിക്കുക.