2020 വേൾഡ് അർബൻ കാർ ഓഫ് ദി ഇയർ പുരസ്കാരം നേടി കിയ സോൾ ഇവി

വേൾഡ് അർബൻ കാർ വിഭാഗത്തിന് പുറമെ, വേൾഡ് കാർ ഓഫ് ദ ഇയർ, വേൾഡ് പെർഫോമൻസ് കാർ, വേൾഡ് ലക്ഷ്വറി കാർ, വേൾഡ് കാർ ഡിസൈൻ ഓഫ് ദി ഇയർ എന്നിവയുൾപ്പെടെ മറ്റ് വിഭാഗങ്ങളിലെ വിജയികളെയും വാർഷിക അവാർഡ് ഷോ വെളിപ്പെടുത്തി.

ന്യൂയോർക്ക് ഇന്റർനാഷണൽ ഓട്ടോ ഷോയ്ക്ക് പകരം ആദ്യമായി തത്സമയ പ്രക്ഷേപണത്തിലൂടെയാണ് വേൾഡ് കാർ അവാർഡിന്റെ ഫലങ്ങൾ ഔദ്യോഗികമായി വെളിപ്പെടുത്തിയത്.

പിൽകാലങ്ങളിൽ ഈ ഫലങ്ങൾ പ്രഖ്യാപിക്കുന്ന പത്രസമ്മേളനത്തോടെയാണ് എല്ലാ വർഷവും ഔദ്യോഗികമായി ഷോ ആരംഭിച്ചിരുന്നത്.

കൊറോണ വൈറസ് പകർച്ചവ്യാധിയുടെ പശ്ചാത്തലത്തിലും ലോകമെമ്പാടും നിന്നും പങ്കെടുക്കാൻ എത്തുന്ന എല്ലാവരുടെയും ആരോഗ്യം സംരക്ഷിക്കുന്നതിനുമാണ് ഷോ വേണ്ടെന്നു വച്ചത്.

സോൾ ഇവി വേൾഡ് അർബൻ കാർ എന്ന് നാമകരണം ചെയ്യുന്നത് തങ്ങൾക്ക് വലിയ അംഗീകാരമാണ്. ആഗോള വാഹന വ്യവസായത്തിലെ ഏറ്റവും കഠിനമായ പോരാട്ടം നടക്കുന്ന മത്സരങ്ങളിലൊന്നാണിത്.

പട്ടണങ്ങളിലെയും വൻ നഗരങ്ങളിലെയും ഡ്രൈവർമാർക്കുള്ള മികച്ച വാഹനമാണ് സോൾ ഇവി എന്ന് തെളിയിക്കുന്നു. ലോകമെമ്പാടുമുള്ള ടീമിന്റെ കഴിവുകളും പരിശ്രമങ്ങളുമാണ് ഈ അംഗീകാരത്തിന് പിന്നിൽ.

ഡ്രൈവർമാർ ഇഷ്ടപ്പെടുന്ന അഭികാമ്യവും ഉയർന്ന നിലവാരമുള്ളതും പ്രായോഗികവുമായ കാറുകൾ സൃഷ്ടിക്കുന്നതിന് തങ്ങൾ പരിശ്രമിക്കുന്നു എന്നും കിയ‌ മോട്ടോർസ് കോർപ്പറേഷനിലെ എക്സിക്യൂട്ടീവ് വൈസ് പ്രസിഡന്റും പ്രൊഡക്റ്റ് ഡിവിഷൻ മേധാവിയുമായ തോമസ് സ്കീമേര പറഞ്ഞു.

ലോകമെമ്പാടും നിന്നും മത്സരിച്ച എട്ട് കാറുകളുടെ ഇടയിൽ നിന്നാണ് കിയ സോൾ ഇവി തിരഞ്ഞെടുക്കപ്പെട്ടത്. മികച്ച മൂന്ന് ഫൈനലിസ്റ്റുകളെ 2020 മാർച്ച് 3 -നാണ് പ്രഖ്യാപിച്ചത്. 2017 -ലാണ് വേൾഡ് അർബൻ കാർ അവാർഡ് ആരംഭിക്കുന്നത്.

അതേ വർഷം ബിഎംഡബ്ല്യു i3 ഈ പുരസ്കാരം നേടി, തുടർന്ന് 2018 -ൽ പുതുതലമുറ ഫോക്‌സ്‌വാഗണ്‍ പോളോ അവാർഡ് കരസ്ഥമാക്കി. 2019 -ൽ സുസുക്കി ജിംനി ഈ പട്ടം നേടിയെടുത്തു.

വേൾഡ് അർബൻ കാർ അവാർഡ് കൂടുതൽ പ്രാധാന്യമർഹിക്കുന്നു, കാരണം 4.2 മീറ്റർ വരെ നീളമുള്ള താരതമ്യേന ചെറിയ കാറുകളാണിവ എന്ന് വേൾഡ് കാർ അവാർഡ് പ്രോഗ്രാം അധികൃതരിൽ ഒരാളായ മൈക്ക് റഥർഫോർഡ് അഭിപ്രായപ്പെട്ടു.

ഷോറൂമുകളിൽ ഏറ്റവും കൂടുതൽ വിൽക്കപ്പെടുന്നതും ജനങ്ങൾക്ക് ഏറ്റവും എളുപ്പം വാങ്ങാൻ കഴിയുന്ന മികച്ച മൂല്യമുള്ളതുമായ വാഹനങ്ങളാണിവ.

ലോകമെമ്പാടും പരിമിതമായ വീതിയുള്ള റോഡുകളും ഓഫ്-സ്ട്രീറ്റ് പാർക്കിംഗ് സൗകര്യവുമുള്ള വലിയ പട്ടണങ്ങളും നഗരങ്ങളും കൂടുതൽ താമസക്കാരെയും തൊഴിലാളികളെയും മറ്റ് സന്ദർശകരെയും ആകർഷിക്കുന്നത് തുടരുന്നു. അതിനാൽ ഈ പ്രവണത മനസ്സിൽ വെച്ചുകൊണ്ട് അർബൻ കാറുകളുടെ ജനപ്രീതി വർദ്ധിച്ചുകൊണ്ടിരിക്കുകയാണ്.

ന്യൂയോർക്ക് ഓട്ടോ ഷോയുമായുള്ള വേൾഡ് കാർ അവാർഡിന്റെ പങ്കാളിത്തത്തിന്റെ 15-ാം വാർഷികമാണ് ഈ വർഷം. ഫെബ്രുവരി 5 -ന് 2020 ഓട്ടോ എക്‌സ്‌പോയിൽ നടന്ന പത്രസമ്മേളനത്തിലാണ് അഞ്ച് വേൾഡ് കാർ അവാർഡ് വിഭാഗങ്ങളിലെ ഫൈനലിസ്റ്റുകളെ ഇന്ത്യയിൽ പ്രഖ്യാപിച്ചത്. മേൽപ്പറഞ്ഞ വിഭാഗങ്ങൾക്കായുള്ള അന്തിമ പട്ടിക KPMG രഹസ്യ ബാലറ്റുകളിലൂടെയാണ് സമാഹരിച്ചത്.

അർബൻ കാർ ഓഫ് ദ ഇയർ വിഭാഗത്തെക്കുറിച്ച് പറയുമ്പോൾ, ഫോക്‌സ്‌വാഗൺ T-ക്രോസ്, കിയ സോൾ ഇവി, മിനി കൂപ്പർ SE ഇലക്ട്രിക് എന്നിവയെല്ലാം നഗരത്തിലെ മൊബിലിറ്റിക്ക് വേണ്ടിയുള്ള അർബൻ കാറുകളാണ്.

T-ക്രോസ് ഒരു അർബൻ, സബ് കോംപാക്റ്റ് എസ്‌യുവിയാണ്. സോൾ ഇവി, കൂപ്പർ SE എന്നിവ മൊബിലിറ്റിയുടെ ഭാവിയെ പ്രതിനിധീകരിക്കുന്ന ഇലക്ട്രിക് ഓഫറുകളുമാണ്.