ഓട്ടോ എക്സ്പോയിൽ അവതരിപ്പിക്കുന്ന കൺസെപ്റ്റ് എസ്‌യുവിയുടെ ഡിസൈൻ വെളിപ്പെടുത്തി കിയ മോട്ടോർസ്

കൺസെപ്റ്റ് നാല് മീറ്ററിൽ താഴെയുള്ള ഒരു എസ്‌യുവിയുടെ ഡിസൈൻ വെളിപ്പെടുത്തുന്നതിനാൽ നേരത്തെ പരന്നിരുന്ന അഭൂഹങ്ങളിലേതു പോലെ സോനെറ്റ് എന്ന പേരിലാവും വാഹനം എത്തുക എന്നാണ് പ്രതീക്ഷിക്കുന്നത്.

വിപണിയിൽ വിജയകരമായി വിറ്റഴിക്കപ്പെടുന്ന സെൽറ്റോസിന് താഴെയായിട്ടാവും വാഹനത്തിന്റെ സ്ഥാനം. ബ്രാൻഡ് നിന്നുള്ള ഏറ്റവും താങ്ങാനാവുന്ന ചെറു എസ്‌യുവിയായിരിക്കുമിത്.

ഫെബ്രുവരി 5 -നും 12 -നും ഇടയിൽ നിശ്ചയിക്കപ്പെരിക്കുന്ന ഓട്ടോ എക്‌സ്‌പോയുടെ 15-ാം പതിപ്പിൽ കിയ സോനെറ്റ് കൺസെപ്റ്റ് ഇന്ത്യയിൽ അരങ്ങേറും.

ഡിസൈൻ സ്കെച്ചുകൾ പ്രൊഡക്ഷൻ പതിപ്പിൽ ഉപയോഗിക്കുന്ന നിരവധി സ്റ്റൈലിംഗ് വിശദാംശങ്ങൾ വെളിപ്പെടുത്തുന്നു. മറ്റേതൊരു കൺസെപ്റ്റിന്റെയും പഠനത്തെ പോലെ, സോണറ്റിന്റെ ഡിസൈൻ ഘടകങ്ങൾ അതിശയോക്തി കലർത്തിയ രൂപഭാവം വെളിപ്പെടുത്തുന്നു.

ഉദാഹരണത്തിന്, വാഹനത്തിന്റെ മുൻവശത്തിന് കറുത്ത നിറത്തിൽ വരുന്ന ഘടകങ്ങളുള്ള വളരെ അഗ്രസ്സീവായ ടൈഗർ നോസ് ഗ്രിൽ ലഭിക്കുന്നു, ഒപ്പം ഹുക്ക് ആകൃതിയിലുള്ള എൽഇഡി ലൈറ്റുകൾ എസ്‌യുവി സങ്കൽപ്പത്തിന്റെ തിളക്കം കൂട്ടുന്നു.

കൂടാതെ മസ്കുലർ മുൻ ബമ്പറും അത്യാധുനിക എയർ ഇൻ‌ലറ്റും ഇവയോടൊപ്പം കൂട്ടിച്ചേർക്കുന്നു, അതേസമയം ബോണറ്റിന് ഒരു ലളിതമായ ശൈലി നൽകിയിരിക്കുന്നു. ചബ്ബി വീൽ ആർച്ചുകൾ, ഒഴുകുന്ന ക്യാരക്ടർ ലൈനുകൾ, ഡ്യുവൽ-ടോൺ ഫിനിഷിലുള്ള ചങ്കി വീലുകൾ എന്നിവയാണ് മറ്റ് ശ്രദ്ധേയമായ വിശദാംശങ്ങൾ.

കറുത്ത നിറത്തിൽ ഒരുക്കിയിരിക്കുന്ന വിൻഡ്ഷീൽഡ് റൂഫ് റെയിലുകളുള്ള ചരിഞ്ഞ റൂഫിലേക്ക് ഇഴുകി ചേരുന്നു. കൂടാതെ പില്ലറുകൾ നിലവിലില്ലെന്ന് തോന്നിക്കുന്ന തരത്തിലാണ് റൂഫ് പില്ലറുകളിൽ ക്രമീകരിച്ചിരിക്കുന്നത്.

ദക്ഷിണ കൊറിയൻ വാഹന നിർമ്മാതാക്കൾ കൺസെപ്റ്റ് മോഡലിന് ഒരു സ്പോർട്ടി വൈബ് കൊണ്ടുവരാൻ എല്ലായിടത്തും ചുവന്ന ഹൈലൈറ്റുകൾ പ്രയോഗിച്ചിരിക്കുന്നു, കമ്പനി ഇതേ നിറങ്ങൾ തന്നെ വാഹനത്തിന്റെ അകത്തും ഉപയോഗിച്ചേക്കാം.

പിൻഭാഗത്ത് ട്രപസോയിഡൽ ടെയിൽ പൈപ്പുകൾ ഉൾപ്പെടുന്നു, കൂടാതെ എൽഇഡി ടെയിൽ ലാമ്പ് സ്ട്രിപ്പ് പിൻഭാഗത്തെ മുഴുവൻ വീതിയും ഉൾക്കൊള്ളുന്നു.

ടീസർ സ്കെച്ചുകളിൽ നിന്ന് ക്രോം ഘടകങ്ങളുള്ള വിൻഡോ ലൈനും ഗ്ലോസി സ്ലീക്ക് വിംഗ് മിററുകളും കാണാം. ബോൾഡ് കൺസെപ്റ്റ് ഇന്ത്യയിലെ ബ്രാൻഡിന്റെ ‘പവർ ടു സർപ്രൈസ്' ആപ്തവാക്യം ആവിഷ്‌കരിക്കുമെന്ന് കിയ പറയുന്നു.

QYi എന്ന ആന്തരിക കോഡ്നാമത്തിൽ വ്യാപകമായി അംഗീകരിക്കപ്പെട്ടിട്ടുള്ള കോം‌പാക്റ്റ് എസ്‌യുവി ഹ്യുണ്ടായി വെന്യുവിന്റെ അതേ പ്ലാറ്റ്ഫോമിലാവും ഒരുങ്ങുന്നത് എന്ന് വിശ്വസിക്കപ്പെടുന്നു.

അതിനാൽ, 1.0 ലിറ്റർ ടർബോ GDI മൂന്ന് സിലിണ്ടർ പെട്രോൾ, 1.2 ലിറ്റർ ഡ്യുവൽ VTVT കാപ്പ പെട്രോൾ, 1.4 ലിറ്റർ CRDi ഡീസൽ എഞ്ചിനുകൾ മാനുവൽ, ഓട്ടോമാറ്റിക് ഗിയർബോക്സ് ഓപ്ഷനുകൾ വാഗ്ദാനം ചെയ്യും.

വെന്യുവിലെ USP ബ്ലൂ ലിങ്ക് കണക്റ്റിവിറ്റി സവിശേഷതകൾ പോലെ, കിയ തങ്ങളുടെ UVO കണക്റ്റ് ഇൻ-കാർ കണക്റ്റഡ് സാങ്കേതികവിദ്യകളും അപ്ലിക്കേഷൻ അധിഷ്‌ഠിത പ്രവർത്തനങ്ങളും വാഹനത്തിൽ നൽകാൻ സാധ്യതയുണ്ട്.