മാർച്ചിൽ വിപണിയിൽ എത്തുന്ന നാല് എസ്‌യുവികൾ

അടുത്ത രണ്ട് മാസത്തിനുള്ളിൽ രാജ്യത്ത് പുറത്തിറക്കാൻ ഒരുങ്ങുന്ന ചില എസ്‌യുവികൾ ഏതെന്ന് നോക്കാം, അവയിൽ മിക്കതും ഈ വർഷത്തെ ഓട്ടോ എക്‌സ്‌പോയിലും പ്രദർശിപ്പിച്ചിരുന്നു.

അടുത്ത 60 ദിവസത്തിനുള്ളിൽ ഇന്ത്യൻ വിപണിയിൽ വിപണിയിലെത്തുന്ന എസ്‌യുവികളുടെ പട്ടിക ഇതാ:

1. ഫോക്‌സ്‌വാഗണ്‍ ടിഗുവാൻ ഓൾസ്പേസ് - മാർച്ച് 6

ടിഗുവാൻ ഓൾസ്പേസ് അടിസ്ഥാനപരമായി ടിഗുവാന്റെ ലോംഗ്-വീൽബേസ് പതിപ്പാണിത്. ഫോക്‌സ്‌വാഗണിന്റെ ഇന്ത്യൻ വാഹന നിരയിൽ ടിഗുവാനെ മാറ്റിസ്ഥാപിക്കാനാണ് ടിഗുവാൻ ഓൾസ്പേസ് സജ്ജമാക്കിയിരിക്കുന്നത്.

ഏഴ് സ്പീഡ് DSG ഗിയർബോക്സുമായി ഘടിപ്പിച്ചിരിക്കുന്ന എഞ്ചിൻ 190 bhp കരുത്തും 320 Nm torque ഉം ഉത്പാദിപ്പിക്കുന്ന പുതിയ 2.0 ലിറ്റർ TSI ടർബോ പെട്രോൾ എഞ്ചിൻ ഉപയോഗിച്ചാണ് വാഹനം എക്‌സ്‌പോയിൽ പ്രദർശിപ്പിച്ചത്. മാർച്ച് 6 -ന് എസ്‌യുവി വിപണിയിൽ എത്തിക്കുമെന്ന് ഫോക്‌സ്‌വാഗൺ അറിയിച്ചു.

2. പുതുതലമുറ ഹ്യുണ്ടായി ക്രെറ്റ - മാർച്ച് 17

ഈ വർഷത്തെ ഓട്ടോ എക്‌സ്‌പോയുടെ ഏറ്റവും വലിയ വെളിപ്പെടുത്തലുകളിലൊന്നാണ് രണ്ടാം തലമുറ ഹ്യുണ്ടായി ക്രെറ്റ, മിഡ്-സൈസ് എസ്‌യുവി മാർച്ച് 17 ന് ഇന്ത്യയിൽ വിപണിയിലെത്താൻ ഒരുങ്ങുന്നു.

സെൽറ്റോസിന്റെ അതേ പ്ലാറ്റ്ഫോമിലാണ് വാഹനം നിർമ്മിച്ചിരിക്കുന്നത്. 1.5 ലിറ്റർ നാച്ചുറലി ആസ്പിരേറ്റഡ് പെട്രോൾ, 1.5 ലിറ്റർ ഡീസൽ, 1.4 ലിറ്റർ ടർബോ പെട്രോൾ പവർട്രെയിനുകൾ ക്രെറ്റയിൽ ഉണ്ടാവും.

10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ഹ്യൂണ്ടായിയുടെ ബ്ലൂലിങ്ക് കണക്റ്റിവിറ്റി സാങ്കേതികവിദ്യ, പനോരമിക് സൺറൂഫ്, വെന്റിലേറ്റഡ് മുൻ സീറ്റുകൾ, ഇലക്ട്രോണിക് പാർക്കിംഗ് ബ്രേക്ക്, വയർലെസ് ചാർജിംഗ് തുടങ്ങിയ സവിശേഷതകൾ ഉൾപ്പെടുത്തുന്ന വിഭാഗത്തിന്റെ നായകനായ കിയ സെൽറ്റോസിന്റെ ആരോഗ്യകരമായ എതിരാളിയായിരിക്കും 2020 ക്രെറ്റ.

3. ഹ്യുണ്ടായി ട്യൂസൺ ഫെയ്‌സ്‌ലിഫ്റ്റ് - മാർച്ച് ആദ്യം

അകത്തും പുറത്തും ചില സൗന്ദര്യവർദ്ധക പരിഷ്കരണങ്ങൾക്കൊപ്പം ഹ്യുണ്ടായി ട്യൂസണിന് മിഡ്-ലൈഫ് ഫെയ്‌സ്‌ലിഫ്റ്റ് ലഭിച്ചു. പുതിയ വാഹനത്തിന് 2.0 ലിറ്റർ പെട്രോൾ, ഡീസൽ എഞ്ചിൻ ഓപ്ഷനുകൾ നിർമ്മാതാക്കൾ വാഗ്ദാനം ചെയ്യുന്നു.

സൗന്ദര്യവർദ്ധക വ്യതിയാനങ്ങളെ സംബന്ധിച്ചിടത്തോളം, ഹ്യുണ്ടായിയുടെ സിഗ്നേച്ചർ കാസ്കേഡിംഗ് ഗ്രില്ലും പുനർ‌രൂപകൽപ്പന ചെയ്ത ബമ്പറും പോലെയുള്ള പുനരവലോകനങ്ങൾ വാഹനത്തിന് ലഭിക്കുന്നു.

പിൻ ബമ്പറും അല്പം മാറ്റം വരുത്തി, കൂടാതെ ഒരു പുതിയ സെറ്റ് അലോയ് വീലുകളിൽ ലഭിക്കുന്നു. ക്യാബിനകത്ത്, ട്യൂസൺ ഫെയ്‌സ്‌ലിഫ്റ്റിന് ഒരു ഫ്രീ-സ്റ്റാൻഡിംഗ് ടച്ച്‌സ്‌ക്രീൻ ഇൻഫോടെയ്ൻമെന്റ് യൂണിറ്റും പുതിയ സെമി ഡിജിറ്റൽ ഇൻസ്ട്രുമെന്റ് ക്ലസ്റ്ററും ലഭിക്കുന്നു.

4. ഫോക്സ്വാഗൺ T-റോക്ക് - മാർച്ച് 18

ഫോക്‌സ്‌വാഗണിനെ ഇന്ത്യയിൽ ഒരു എസ്‌യുവി ബ്രാൻഡാക്കി മാറ്റുന്നതിന്റെ ഭാഗമായി, വരും വർഷങ്ങളിൽ നിരവധി പുതിയ എസ്‌യുവികളെ വിപണിയിലെത്തിക്കാൻ ജർമ്മൻ നിർമ്മാതാക്കൾ പ്രവർത്തിക്കുന്നു.

ടിഗുവാൻ ഓൾസ്‌പെയ്‌സിനുപുറമെ, T-റോക്ക് എസ്‌യുവിയും 2020 ഓട്ടോ എക്‌സ്‌പോയിൽ ഫോക്‌സ്‌വാഗണ്‍ പ്രദർശിപ്പിച്ചിരുന്നു. ഫോക്‌സ്‌വാഗൺ ഇതിനകം തന്നെ വിദേശ വിപണികളിൽ വാഹനം വിൽപ്പനയ്ക്ക് എത്തിക്കുന്നു, ഇത് CBU യൂണിറ്റായി ഇന്ത്യയിലേക്ക് കൊണ്ടുവരും.

മിഡ് സൈസ് എസ്‌യുവി 1.5 ലിറ്റർ TSI എഞ്ചിനാവും ലഭിക്കുന്നത്. 150 bhp കരുത്തും 200 Nm torque ഉം ഉത്പാദിപ്പിക്കും. ഏഴ് സ്പീഡ് DSG ഗിയർബോക്സിന്റെ സഹായത്തോടെ പവർ മുൻ വീലുകളിലേക്ക് നൽകുന്നു.