ബെംഗളൂരുവിൽ റിസർച്ച് സെന്റർ ആരംഭിക്കാനൊരുങ്ങി ടെസ്‌ല

ഈ മാസം അവസാനം ഇതിന് ഒരു ഫോളോഅപ്പ് മീറ്റിംഗ് ഉണ്ടായിരിക്കും, ഈ മീറ്റിംഗിൽ ടെസ്‌ല എക്സിക്യൂട്ടീവുകൾക്ക് വിശദമായ ഒരു പ്രൊപ്പോസൽ സംസ്ഥാന സർക്കാർ ഉദ്യോഗസ്ഥർ അവതരിപ്പിക്കുമെന്ന് പ്രതീക്ഷിക്കുന്നു.

കർണാടകയിലെ ഒരു ഗവേഷണ-നവീകരണ കേന്ദ്രത്തിൽ നിക്ഷേപിക്കാൻ ടെസ്‌ല പ്രാരംഭ താൽപര്യം പ്രകടിപ്പിച്ചെന്നും, ചർച്ചകൾ പ്രാഥമിക ഘട്ടത്തിലാണെന്നും അധികൃതർ പറഞ്ഞു. എന്നാൽ ഇതിനെക്കുറിച്ച് കൂടുതൽ വിശദീകരണം ഒന്നും നൽകിയിട്ടില്ല എന്ന് എക്കനോമിക്ക് ടൈംസ് പുറത്തുവിട്ട റിപ്പോർട്ട് വ്യക്തമാക്കുന്നു.

MOST READ: അത്ര പ്രിയം പോര, വെന്യുവിന്റെ മാനുവൽ ഗിയർബോക്‌സ് വേരിയന്റിനെ പിൻവലിച്ച് ഹ്യുണ്ടായി

കമ്പനിയുടെ ആഢംബര ഇലക്ട്രിക് കാറുകൾ ഉടൻ ഇന്ത്യയിലേക്ക് വരുമെന്ന് ടെസ്‌ല സിഇഒ എലോൺ മസ്‌ക് ജൂലൈയിൽ സൂചിപ്പിച്ചിരുന്നു.

ചർച്ച ഫലവത്താകുകയാണെങ്കിൽ, യുഎസിന് പുറത്ത് ടെസ്‌ലയ്ക്ക് ഒരു ഗവേഷണ കേന്ദ്രമുള്ള രണ്ടാമത്തെ രാജ്യമായിരിക്കും ഇന്ത്യ. പ്രാദേശിക, ആഗോള കമ്പനികളായ ഡൈംലർ, ബോഷ്, മഹീന്ദ്ര ഇലക്ട്രിക് എന്നിവ ബെംഗളൂരുവിൽ ഇതിനകം ആതിഥേയത്വം വഹിക്കുന്നു.

MOST READ: ഓഫ്-റോഡിംഗിൽ ഇവൻ പുലി തന്നെ! കാണാം എംജി ഗ്ലോസ്റ്ററിന്റെ പുതിയ ടീസർ വീഡിയോ

ഓല ഇലക്ട്രിക്, സൺ മൊബിലിറ്റി, ഏഥർ തുടങ്ങിയ ഇവി സ്റ്റാർട്ടപ്പുകളുടെ വാഗ്ദാനവും ഇവിടെയുണ്ട്. EV R&D, മാനുഫാക്ചറിംഗ് എന്നിവയിൽ 31,000 കോടി രൂപയുടെ നിക്ഷേപം പ്രതീക്ഷിച്ച് ഇലക്ട്രിക് വാഹന നയം കൊണ്ടുവന്ന ആദ്യത്തെ സംസ്ഥാനമാണ് കർണാടക.

അതിനുശേഷം ഗുജറാത്ത്, ഡൽഹി, മഹാരാഷ്ട്ര, തമിഴ്‌നാട്, തെലുങ്കാന, ആന്ധ്ര ഉൾപ്പെടെ 11 സംസ്ഥാനങ്ങൾ സ്വന്തം നയങ്ങൾ കൊണ്ടുവന്നു. ജനുവരിയിൽ അമേരിക്കൻ കാർ നിർമ്മാതാക്കൾ ഷാങ്ഹായിയിൽ ഒരു ജിഗാഫാക്ടറി കാറും ബാറ്ററി ഫാക്ടറിയും തുറന്നു.

MOST READ: ഗ്രാന്‍ഡ് ചെറോക്കിയെ ഇന്ത്യന്‍ വെബ്‌സൈറ്റില്‍ നിന്നും നീക്കം ചെയ്ത് ജീപ്പ്

ഈ വർഷം ആദ്യ പകുതിയിൽ 50,000 വാഹനങ്ങൾ വിറ്റഴിച്ചതായി ചൈനയിൽ ഏറ്റവുമധികം ഇലക്ട്രിക് വാഹനങ്ങൾ വിറ്റഴിച്ച ബ്രാൻഡായി ടെസ്‌ല മാറുകയും ചെയ്തു.

ജനുവരിയിൽ ടെസ്‌ല ഔദ്യോഗിക വീചാറ്റ് അക്കൗണ്ടിലെ റിക്രൂട്ട്‌മെന്റ് നോട്ടീസിൽ ചൈനയിൽ ഒരു ഡിസൈൻ ഗവേഷണ കേന്ദ്രം തുറക്കാൻ പദ്ധതിയിടുന്നു എന്ന് കുറിച്ചിരുന്നതായി റോയിട്ടേർസ് റിപ്പോർട്ട് ചെയ്തു.

MOST READ: ബോൾഡ് സ്ട്രീറ്റ് ലുക്കിൽ ടൊയോട്ട കൊറോള അപെക്സ് എഡിഷൻ

ചൈനയ്ക്ക് പുറത്ത് ഏഷ്യയിലെ മറ്റൊരു ഗിഗാഫാക്ടറിയിലേക്ക് ടെസ്‌ല നോക്കുമെന്ന് ജൂലൈയിൽ മസ്‌ക് ട്വീറ്റ് ചെയ്തിരുന്നു, എന്നാൽ ആദ്യം യൂറോപ്പിനായി ജിഗാ ബെർലിനും രണ്ടാം യുഎസ് ഗിഗയും പൂർത്തിയാക്കേണ്ടതുണ്ട് എന്ന് അദ്ദേഹം വ്യക്തമാക്കി.

ലോകത്തിലെ ഏറ്റവും മൂല്യവത്തായ വാഹന കമ്പനിയായി ജൂലൈയിൽ ടൊയോട്ടയെ മറികടന്ന ടെസ്‌ല, ചൈന കൂടാതെ യൂറോപ്പ്, ലാറ്റിൻ അമേരിക്ക, ജപ്പാൻ, സിംഗപ്പൂർ, ഓസ്‌ട്രേലിയ എന്നിവിടങ്ങളിലെ നിരവധി വിപണികളിൽ കാറുകൾ വിൽക്കുന്നു.

2025 ഓടെ ഇന്ത്യയുടെ ഇവി വിപണി 50,000 കോടി രൂപയിലെത്തുമെന്ന് ധനകാര്യ സേവന സ്ഥാപനമായ അവെൻഡസ് ജൂലൈയിൽ നൽകിയ റിപ്പോർട്ടിൽ പറയുന്നു. ഇതിൽ ബാറ്ററി, മോട്ടോർ, കൺട്രോളർ എന്നിവ ഒരുമിച്ച് 2025 ഓടെ ഇന്ത്യക്ക് 15,000 കോടി രൂപയുടെ അവസരമാകും. അവെൻഡസ് 30 ദശലക്ഷത്തിലധികം ഇവികൾ ഇന്ത്യയിൽ വിൽക്കുമെന്ന് പ്രതീക്ഷിക്കുന്നു, അവയിൽ ഭൂരിഭാഗവും ടൂ/ത്രീ വീലറുകളാണ്.

സ്വയം പ്രാപ്തവും ശുദ്ധവുമായ ഇന്ത്യ സൃഷ്ടിക്കാനുള്ള അവസരമായി വൈദ്യുതീകരണം സ്വീകരിക്കേണ്ട സമയമാണിത് എന്ന് റിപ്പോർട്ടിൽ പറയുന്നു. ലിഥിയം അയൺ സെല്ലുകൾക്കായുള്ള പ്രാദേശിക ആവശ്യം രാജ്യത്ത് ഒരു ജിഗാഫാക്ടറി സ്ഥാപിക്കുന്നത് ദീർഘകാലാടിസ്ഥാനത്തിൽ വിവേകപൂർണ്ണമായ തീരുമാനമാകുമെന്ന് ട്വീറ്റ് ചെയ്ത് 2015 -ൽ തന്നെ ടെസ്‌ല ഇന്ത്യയിലേക്ക് വരുന്നതായി മസ്‌ക് സൂചന നൽകിയിരുന്നു.