ടൊയോട്ട ഇന്നോവ ക്രിസ്റ്റ CNG പതിപ്പിന്റെ പരീക്ഷണ ചിത്രങ്ങൾ പുറത്ത്

ബിഎസ് VI പതിപ്പുകളുടെ വില വാഹനത്തിന്റെ ബിഎസ് IV പതിപ്പുകളുമായി താരതമ്യപ്പെടുത്തുമ്പോൾ വളരെ ഉയർന്നതാണ്. എംപിവിയുടെ ബേസ് മോഡൽ GX ഏഴ് സീറ്റർ മാനുവൽ പതിപ്പിന് 15.36 ലക്ഷം രൂപയാണ് പ്രാരംഭ നിലവിലെ എക്സ്-ഷോറൂം വില.

ടൊയോട്ട ഇന്നോവ തുടക്കം മുതൽ തന്നെ പെട്രോൾ, ഡീസൽ വകഭേദങ്ങളിൽ ലഭ്യമാണ്, എന്നാൽ ഇപ്പോൾ, ആദ്യമായി, ജനപ്രിയ എം‌പി‌വിയുടെ CNG വകഭേദം പൊതു നിരത്തുകളിൽ പരീക്ഷണയോട്ടം നടത്തി.

വാഹനത്തിന്റെ മാറ്റങ്ങൾ കൂടുതലും ബോണറ്റിന് കീഴിലുള്ളതിനാൽ, പ്രീ-പ്രൊഡക്ഷൻ ഇന്നോവ ക്രിസ്റ്റ CNG യൂണിറ്റ് പരീക്ഷണയോട്ടത്തിനിടെ മറച്ചിരുന്നില്ല എന്ന് ഇന്ത്യൻ ഓട്ടോസ് ബ്ലോഗ് പുറത്തുവിട്ട ചിത്രങ്ങൾ വ്യക്തമാക്കുന്നു.

ടൊയോട്ട എം‌പി‌വിയുടെ പെട്രോൾ-CNG പതിപ്പ് മിക്കവാറും ഉയർന്ന ബിഎസ് VI വിലകൾക്കിടയിൽ വാഹനത്തി കൂടുതൽ വിശ്വാസീയത വർദ്ധിപ്പിക്കാനുള്ള ബ്രാൻഡിന്റെ നീക്കമായിരിക്കും. കൂടാതെ, ഫ്ലീറ്റ് ഓപ്പറേറ്റർമാർക്കും സിംഗിൾ-ഉടമ ക്യാബ് ഡ്രൈവർമാർക്കും CNG വകഭേദങ്ങകൾ മികച്ച ഒരു ഓപ്ഷനായിരിക്കും.

ടൊയോട്ട ഇന്നോവ ക്രിസ്റ്റ നിലവിൽ ബിഎസ് IV പതിപ്പിലെ മൂന്ന് (ഒരു പെട്രോൾ, രണ്ട് ഡീസൽ യൂണിറ്റുകൾ) എഞ്ചിനുകൾക്ക് വിപരീതമായി രണ്ട് എഞ്ചിൻ ഓപ്ഷനുകൾ മാത്രമേ ലഭ്യമാകൂ.

2.7 ലിറ്റർ ഡ്യുവൽ VVT-i പെട്രോൾ എഞ്ചിൻ 164 bhp കരുത്തും 245 Nm torque ഉം ഉത്പാദിപ്പിക്കുന്നു. അഞ്ച് സ്പീഡ് മാനുവൽ അല്ലെങ്കിൽ ആറ് സ്പീഡ് ഓട്ടോമാറ്റിക്ക് ഗിയർബോക്സാണ് ഈ പതിപ്പിൽ വരുന്നത്.

CNG വകഭേദം ഈ എഞ്ചിൻ യൂണിറ്റിനെ അടിസ്ഥാനമാക്കിയുള്ളതാണ്, പെട്രോൾ യൂണിറ്റിൽ നിന്ന് CNG പതിപ്പിന് കരുത്ത് അൽപ്പം കുറവായിരിക്കും, മാത്രമല്ല ഗിയർബോക്സ് ഓഫ്ഷനുകൾ മാനുവൽ മാത്രമായി പരിമിതപ്പെടുത്തുകയും ചെയ്യും.

അഞ്ച് സ്പീഡ് മാനുവൽ ഗിയർബോക്സിനോടൊപ്പം 148 bhp കരുത്തും 343 Nm torque എന്നിവ 2.4 ലിറ്റർ ഡീസൽ എഞ്ചിൻ സൃഷ്ടിക്കുന്നു. ആറ് സ്പീഡ് ഓട്ടോമാറ്റിക് ഗിയർബോക്സാണ് എഞ്ചിനിലേക്ക് ഘടിപ്പിച്ചിരിക്കുന്നത്.

പഴയ ബിഎസ് IV 2.8 ലിറ്റർ ഡീസൽ യൂണിറ്റിനെ നിർമ്മാതാക്കൾ ഉപേക്ഷിച്ചതിനാൽ ഇന്നോവ ആരാധകരെ സംബന്ധിച്ചിടത്തോളം ബിഎസ് VI പരിഷ്കാരങ്ങൾ നിരാശപ്പെടുത്തുന്നതാണ്.

172 bhp കരുത്തും 360 Nm torque ഉം ഉത്പാദിപ്പിക്കാൻ കഴിഞ്ഞിരുന്ന 2.8 പതിപ്പ് പ്രകടനത്തിന്റെ കാര്യത്തിൽ വളരെ ശ്രദ്ധേയമായിരുന്നു. ആറ് സ്പീഡ് ഓട്ടോമാറ്റിക്ക് ഗിയർബോക്സായിരുന്നു ഈ പതിപ്പിൽ വന്നിരുന്നത്.

ടൊയോട്ട ഇന്നോവ ക്രിസ്റ്റയ്ക്ക് ഇപ്പോൾ സ്റ്റാൻഡേർഡ് പാക്കേജിന്റെ ഭാഗമായി സ്റ്റെബിലിറ്റി കൺട്രോൾ, എമർജൻസി ബ്രേക്ക് സിഗ്നൽ, ഹിൽ അസിസ്റ്റ് എന്നിവ ലഭിക്കുന്നു.

പെട്രോൾ വകഭേദങ്ങളുടെ എക്സ്-ഷോറൂം വില 15.36 ലക്ഷം രൂപയിൽ നിന്ന് ആരംഭിച്ച് 22 ലക്ഷം രൂപ വരെ ഉയരുമ്പോൾ, 16.14 ലക്ഷം രൂപയിൽ നിന്ന് ആരംഭിച്ച് 24.06 ലക്ഷം രൂപ വരെയാണ് ഡീസൽ പതിപ്പുകളുടെ വില.

കൂടാതെ ചില അധിക ആക്‌സസറികളുള്ള ഏറ്റവും ഉയർന്ന മോഡലിനുള്ള ഓൺ-റോഡ് ചെലവ് 30 ലക്ഷം രൂപയായിരിക്കും. മുമ്പ് സൂചിപ്പിച്ചതുപോലെ, വിലകൾ ആമുഖമാണ്, ബിഎസ് VI മോഡലുകൾ അടുത്ത മാസം മാത്രമേ പുറത്തിറങ്ങൂ.

നേരിട്ടുള്ള എതിരാളികളില്ലാതെ, ഇന്നോവ ക്രിസ്റ്റയ്ക്ക് ചിലവുകുറഞ്ഞ ബദലായി മഹീന്ദ്ര മറാസോ വിപണിയിലുണ്ട്, വരാനിരിക്കുന്ന കിയ കാർണിവൽ ഇന്നോവയേക്കാൾ ഉയർന്ന പട്ടികയിൽ ആയിരിക്കും.