AI ടെക്കും ലെവൽ 2 ADAS സിസ്റ്റവുമായി വിപണി കീഴടക്കാൻ MG Astor; ഫസ്റ്റ് ലുക്ക് റിവ്യൂ

ലോഞ്ചിന് മുമ്പ് ഏറ്റവും പുതിയ ആസ്റ്റർ നോക്കി കാണാൻ ഞങ്ങൾക്ക് ഒരു എംജി ഡീലർഷിപ്പ് സന്ദർശിക്കാൻ അവസരം ലഭിച്ചു. കാർ കണ്ടതിനുശേഷം, ആസ്റ്ററിനൊപ്പം കമ്പനി വാഗ്ദാനം ചെയ്യുന്ന മൊത്തത്തിലുള്ള ഫീച്ചറുകൾ ഞങ്ങളെ വളരെ ആകർഷിച്ചു. എംജിയിൽ നിന്നുള്ള പുതിയ ഓഫറിനെക്കുറിച്ച് ഞങ്ങൾക്ക് പറയാനുള്ളത് ഇതാ:

എക്സ്റ്റീരിയറും ഡിസൈനും

ഏറ്റവും പുതിയ എംജി ആസ്റ്റർ എംജി ZS ഇവി പ്ലാറ്റ്ഫോമിനെ അടിസ്ഥാനമാക്കിയുള്ളതാണ്. അഞ്ച് കളർ ഓപ്ഷനുകളിലാണ് വാഹനം വാഗ്ദാനം ചെയ്യുന്നത്. മുന്നിൽ നിന്ന് ആരംഭിക്കുമ്പോൾ, കാറിന് ആകർഷകമായ എൽഇഡി ഹെഡ്‌ലൈറ്റ് ക്ലസ്റ്റർ ലഭിക്കുന്നു, എംജി ഇതിനെ ഹോക്ക്-ഐ എൽഇഡി ഹെഡ്‌ലാമ്പുകൾ എന്ന് വിളിക്കുന്നു.

കാറിന്റെ ഏറ്റവും ആകർഷകമായ ഭാഗങ്ങളിലൊന്ന് മികച്ച റോഡ് സാന്നിധ്യമുള്ള സെലസ്റ്റിയൽ ഗ്രില്ലാണ്. കൂടാതെ, കാറിന് ഒരു മുൻ പാർക്കിംഗ് ക്യാമറ ലഭിക്കുന്നു, ഇത് 360 ഡിഗ്രി ക്യാമറ പ്രവർത്തനത്തിന്റെ ഭാഗമാണ്. അതോടൊപ്പം, ADAS സിസ്റ്റത്തിന്റെ ഭാഗമായി IRVM -ന്റെ പിൻഭാഗത്ത് ഒരു ക്യാമറയുമുണ്ട്.

ഗ്രില്ലിന്റെ താഴത്തെ ഭാഗത്ത്, IRVM -ന് പിന്നിലുള്ള ക്യാമറയുമായി സമന്വയിപ്പിച്ച് പ്രവർത്തിക്കുന്ന റഡാർ സംവിധാനം കമ്പനി സ്ഥാപിച്ചിട്ടുണ്ട്. ലെയിൻ കീപ്പ് അസിസ്റ്റ്, അഡാപ്റ്റീവ് ക്രൂയിസ് കൺട്രോൾ, ആക്റ്റീവ് ബ്രേക്ക് അസിസ്റ്റ് തുടങ്ങി നിരവധി സുരക്ഷാ സംവിധാനങ്ങൾക്ക് എസ്‌യുവിയെ ഇത് പ്രാപ്തമാക്കുന്നു.

ഇതുകൂടാതെ, ആസ്റ്ററിന് ഒരു സ്പോർട്ടി ബമ്പർ ലഭിക്കുന്നു, അതിൽ ഹാലൊജൻ ബൾബിൽ പ്രവർത്തിക്കുന്ന ഫോഗ് ലൈറ്റുകളും കമ്പനി സ്ഥാപിച്ചിരിക്കുന്നു. ഇതേ ഫോഗ് ലൈറ്റുകൾ കോർണറിംഗ് ലൈറ്റുകളായും പ്രവർത്തിക്കുന്നു. ഫോഗ് ലൈറ്റുകളുടെ ഹൗസിംഗ് ഗ്ലോസ് ബ്ലാക്ക് നിറത്തിലാണ്. പുറംഭാഗത്ത് അധികം ക്രോം ഘടകങ്ങളില്ല, ഗ്രില്ലിന് ചുറ്റും ബ്രഷ്ഡ് അലുമിനിയം ഗാർണിഷ് ലഭിക്കുന്നു, ഇത് വശങ്ങളിലേക്കും വ്യാപിക്കുന്നു.

അഞ്ച് സ്പോക്കുകളുള്ള ഡ്യുവൽ ടോൺ 17 ഇഞ്ച് അലോയി വീലുകളാണ് എംജി ആസ്റ്ററിൽ വരുന്നത്. 215/55 വലിപ്പമുള്ള കോണ്ടിനെന്റൽ ടയറുകളാണ് ഇതിൽ ഉപയോഗിച്ചിരിക്കുന്നത്. കൂടാതെ, കാറിന്റെ സ്പോർട്ടിനെസ് വർധിപ്പിക്കുന്നതിന്, കമ്പനി നാല് വശങ്ങളിലും റെഡ് ക്യാലിപ്പർ സജ്ജീകരിച്ചിരിക്കുന്നു.

സൈഡ് പ്രൊഫൈലിലെ സൂക്ഷ്മമായ ബോഡി ലൈനുകളും ക്രീസുകളും മുന്നിൽ നിന്ന് ടെയിൽലൈറ്റുകൾ വരെ തുടരുന്നു. ഇരുവശത്തും ക്യാമറകൾ ഘടിപ്പിച്ചിരിക്കുന്ന ORVM -കളാണ് വാഹനത്തിൽ വരുന്നത്. ഇവയ്ക്ക് ഒരു ബ്ലാക്ക് ട്രീറ്റ്മെന്റ് ലഭിക്കുന്നു. അതിനൊപ്പം സംയോജിത ഇൻഡിക്കേറ്ററിൽ ഒരു ഹാലജെൻ ബൾബാണ് ഉപയോഗിച്ചിരിക്കുന്നത്, എന്നാൽ ഇതൊരു എൽഇഡി സെറ്റപ്പ് ആയാൽ കൊള്ളാമെന്ന് ഞങ്ങൾ കരുതുന്നു.

പിന്നിൽ, ആസ്റ്ററിന് ഒരു ഗുഡ് ലുക്കിംഗ് എൽഇഡി ടെയിൽ ലൈറ്റ് യൂണിറ്റുകൾ ലഭിക്കുന്നു. അതിനുപുറമേ, എംജി ലോഗോയ്ക്ക് തൊട്ടുതാഴെയായി ‘ASTOR' ബാഡ്ജിംഗ് ഉണ്ട്. ADAS -ഉം ZS ബാഡ്ജുകളും ബൂട്ട് ലിഡിന്റെ ഇരുവശത്തുമുണ്ട്. വലിയ എംജി ലോഗോയും ഇവിടെ ഇടം പിടിക്കുന്നു എസ്‌യുവിയുടെ ബൂട്ട് തുറക്കുന്നതിനുള്ള ലിവറായും ഇത് ഉപയോഗിക്കുന്നു.

ബൂട്ട് സ്പേസിന്റെ ഔദ്യോഗിക കണക്കുകൾ ഇതുവരെ കമ്പനി വെളിപ്പെടുത്തിയിട്ടില്ല. എന്നിരുന്നാലും, ZS ഇവിയുടെ അതേ 470 ലിറ്റർ ബൂട്ട് സ്പെയ്സ് ഫീച്ചർ ചെയ്യുമെന്ന് ഞങ്ങൾ പ്രതീക്ഷിക്കുന്നു, ഇത് അത്യാവശം വളരെ വലുതാണ്. ഫോക്സ് ഡ്യുവൽ എക്‌സ്‌ഹോസ്റ്റ് ടിപ്പുകൾക്ക് ചുറ്റും നിങ്ങൾക്ക് ചില ക്രോം ആക്‌സന്റുകളും ലഭിക്കും. ഇടുങ്ങിയ സ്ഥലത്ത് പാർക്കിംഗ് എളുപ്പമാക്കുന്ന ആക്ടീവ് ഗൈഡ്ലൈനുകളുള്ള ഒരു റിവേർസ് പാർക്കിംഗ് ക്യാമറ ആസ്റ്റർ എൽസോയ്ക്ക് ലഭിക്കുന്നു.

ഇന്റീരിയർ

കാറിനുള്ളിൽ കയറുമ്പോൾ വിശാലമായ ഒരു കാബിനാണ് നമ്മെ സ്വാഗതം ചെയ്യുന്നത്. വലിയ പനോരമിക് സൺറൂഫ് ക്യാബിനെ കൂടുതൽ വലുതായി ചിത്രീകരിക്കാൻ സഹായിക്കുന്നു. കൂടാതെ ആസ്റ്ററിന്റെ ഇന്റീരിയറുകൾ ഡ്യുവൽ-ടോണിൽ (ബ്ലാക്ക് ആൻഡ് റെഡ്) പൂർത്തിയാക്കിയിരിക്കുന്നു.

വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നിവ ഉൾക്കൊള്ളുന്ന 10.1 ഇഞ്ച് ഇൻഫോടെയ്ൻമെന്റ് സിസ്റ്റമാണ് ഡാഷ്‌ബോർഡിലെ സെന്റർ സ്റ്റേജ് കൈയ്യടക്കിയിരിക്കുന്നത്, ടച്ച്‌സ്‌ക്രീനിൽ നിന്നുള്ള പ്രതികരണം മികച്ചതാണ്. എന്നിരുന്നാലും, റിവേർസ് അല്ലെങ്കിൽ 360-ഡിഗ്രി ക്യാമറകളുടെ ഇമേജ് നിലവാരം അത്ര ക്രിസ്പല്ല, ഇത് കൂടുതൽ മികച്ചതാകാമായിരുന്നു.

വാഹനത്തിനുള്ളിലെ രണ്ടാമത്തെ സ്ക്രീൻ 7.0 ഇഞ്ച് ഇൻസ്ട്രുമെന്റ് ക്ലസ്റ്ററാണ്, ഇത് വാഹനത്തെക്കുറിച്ച് ധാരാളം വിവരങ്ങൾ നൽകുന്നു. കൂടാതെ, ഒരു ഫ്ലാറ്റ് ബോട്ടം സ്റ്റിയറിംഗ് വീലാണ് വാഹനത്തിൽ വരുന്നത്, രണ്ട് സ്ക്രീനുകളിലൂടെയും നാവിഗേറ്റ് ചെയ്യാൻ സഹായിക്കുന്ന സ്റ്റിയറിംഗ് മൗണ്ടഡ് കൺട്രോളുകൾ ഇരുവശങ്ങളിലുമുണ്ട്.

മൂന്നാമത്തെ സ്ക്രീനാണ് ഇന്റീരിയറിന്റെ ഹൈലൈറ്റ്, അത് ഡാഷ്‌ബോർഡിൽ മനുഷ്യനു സമാനമായ ഭാവങ്ങൾ പ്രദർശിപ്പിച്ചിരിക്കുന്ന ചെറു റോബോട്ടിനൊപ്പമുള്ള AI അസിസ്റ്റ് സ്ക്രീനാണ്. പത്മശ്രീ, ഖേൽ രത്ന അവാർഡ് ജേതാവും പാരാലിമ്പിക് മെഡൽ ജേതാവുമായ ഡോ.ദീപ മാലിക്കാണ് AI അസിസ്റ്റിനുള്ള ശബ്ദം നൽകുന്നത്.

AI- അസിസ്റ്റന്റ് ഫീച്ചറുകളിൽ വിക്കിപീഡിയ ആക്സസ്, ചിറ്റ്-ചാറ്റ് & ജോക്ക് ഫംഗ്ഷൻ, വാർത്ത വായിക്കുക, നാവിഗേഷൻ പ്ലേ, മ്യൂസിക്ക്, സെലക്ട് ഇൻ-കാർ വാർണിംഗ്, ക്രിട്ടിക്കൽ ഇൻ-കാർ വാർണിംഗ് എന്നിവ ഉൾപ്പെടുന്നു, കൂടാതെ മികച്ച പാർട്ട് എന്നത് ഇത് ഹിംഗ്ലീഷും മനസ്സിലാക്കുന്നു എന്നതാണ്.

അതിനുപുറമെ, ബ്ലൂടൂത്ത് സാങ്കേതികവിദ്യ ഉപയോഗിച്ച് പ്രാപ്തമാക്കിയ ഡിജിറ്റൽ കീയും കമ്പനി വാഗ്ദാനം ചെയ്യുന്നു. ഇത് ഒരു ഫിസിക്കൽ കീ ആവശ്യമില്ലാതെ എംജി ആസ്റ്റർ ആക്സസ് ചെയ്യാൻ ഉടമയെ സഹായിക്കും. നിങ്ങളുടെ ഫോണിലെ i-സ്മാർട്ട് ആപ്പ് വഴി ഇത് ചെയ്യാൻ കഴിയും.

ആസ്റ്ററിലെ സീറ്റുകൾ സുഖകരവും മനോഹരവുമാണെന്ന് തോന്നുന്നു, പക്ഷേ അവ മാനുവലായി ക്രമീകരിക്കാൻ കഴിയുള്ളൂ. ഡ്രൈവറുടെ സൈഡിൽ, സീറ്റിന് ഉയരം ക്രമീകരിക്കാനാവും. ഇത്, ടിൽറ്റ്, ടെലിസ്കോപ്പിക് സ്റ്റിയറിംഗ് അഡ്ജസ്റ്റ്മെന്റ് ഫീച്ചറിനൊപ്പം ഡ്രൈവറെ ശരിയായ ഡ്രൈവിംഗ് പൊസിഷൻ കണ്ടെത്താൻ സഹായിക്കുന്നു. പിൻസീറ്റും സുഖകരമായി അനുഭവപ്പെടുന്നു, കൂടാതെ കപ്പ്ഹോൾഡറുകൾക്കൊപ്പം സെന്റർ ആംറെസ്റ്റും ബ്രാൻഡ് ഒരുക്കിയിരിക്കുന്നു. വാഹനത്തിന് പിന്നിൽ എസി വെന്റുകളും രണ്ട് യുഎസ്ബി ചാർജിംഗ് സോക്കറ്റുകളും ലഭിക്കുന്നു (കാറിൽ മൊത്തം അഞ്ച് ചാർജിംഗ് പോർട്ടുകളുണ്ട്).

എഞ്ചിനും ട്രാൻസ്മിഷനും

രണ്ട് പെട്രോൾ എഞ്ചിനുകളുമായി ആസ്റ്റർ എസ്‌യുവി ലഭ്യമാകും. അവയിലൊന്ന് 1.3 ലിറ്റർ ടർബോ പെട്രോൾ എഞ്ചിനും മറ്റൊന്ന് 1.5 ലിറ്റർ നാച്ചുറലി ആസ്പിറേറ്റഡ് യൂണിറ്റുമാണ്. ടർബോ-പെട്രോൾ 138 bhp കരുത്തും 220 Nm പരമാവധി torque ഉം ഉത്പാദിപ്പിക്കുന്നു. ഈ എഞ്ചിൻ ആറ് സ്പീഡ് ഓട്ടോമാറ്റിക് ട്രാൻസ്മിഷനുമായി ജോടിയാക്കിയിരിക്കുന്നു.

മറുവശത്ത്, നാച്ചുറലി ആസ്പിറേറ്റഡ് എഞ്ചിൻ 108 bhp കരുത്തും 144 Nm പീക്ക് torque ഉം പുറപ്പെടുവിക്കുന്നു. ഈ എഞ്ചിൻ ആറ്-സ്പീഡ് മാനുവൽ അല്ലെങ്കിൽ എട്ട്-സ്റ്റെപ്പ് CVT ഗിയർബോക്സുമായി കണക്ട് ചെയ്തിരിക്കുന്നു.

സുരക്ഷാ സവിശേഷതകൾ

ബ്രാൻഡിൽ നിന്ന് ADAS അവതരിപ്പിക്കുന്ന രണ്ടാമത്തെ മോഡലായിരിക്കും ആസ്റ്റർ. എന്നിരുന്നാലും, പുതിയ എസ്‌യുവി ലെവൽ 2 ADAS കൊണ്ട് സജ്ജീകരിച്ചിരിക്കുന്നു, ഇതിനർത്ഥം വാഹനത്തിന് കൂടുതൽ ഡ്രൈവർ അസിസ്റ്റ് സവിശേഷതകൾ ഉണ്ടെന്നാണ്. ഇതിൽ അഡാപ്റ്റീവ് ക്രൂയിസ് കൺട്രോൾ (ACC), ഫോർവേഡ് കോളീഷൻ വാർണിംഗ് (FCW), ഓട്ടോമാറ്റിക് എമർജൻസി ബ്രേക്കിംഗ് (AEB), പെഡസ്ട്രിയൻ ഒബ്സ്ട്രക്ഷനുള്ള AEB, ലെയിൻ കീപ്പ് അസിസ്റ്റ് (LKA), ലെയിൻ ഡിപ്പാർച്ചർ വാർണിംഗ് (LDW), ലെയിൻ ഡിപ്പാർച്ചർ പ്രിവൻഷൻ (LDP) എന്നിവ ഉൾപ്പെടുന്നു.

ഇതിന് സ്പീഡ് അസിസ്റ്റ് സിസ്റ്റം, വാർണിംഗ് മോഡ്, ഇന്റലിജന്റ് മോഡ് സ്പീഡ് അസിസ്റ്റ് സിസ്റ്റം, മാനുവൽ മോഡ് റിയർ ഡ്രൈവ് അസിസ്റ്റ്, ക്രോസ്-ട്രാഫിക് അലർട്ട്, റിയർ ഡ്രൈവ് അസിസ്റ്റ്, ലെയിൻ ചേഞ്ച് അലർട്ട്, ബ്ലൈൻഡ് സ്പോട്ട് ഡിറ്റക്ഷൻ എന്നിവയും ലഭിക്കും.

ലെവൽ -2 ADAS -ന് പുറമേ, കമ്പനി ആസ്റ്ററിൽ 27 സ്റ്റാൻഡേർഡ് സവിശേഷതകൾ വാഗ്ദാനം ചെയ്യുന്നു. ആറ് എയർബാഗുകൾ, ഇലക്ട്രോണിക് സ്റ്റെബിലിറ്റി പ്രോഗ്രാം (ESP), ട്രാക്ഷൻ കൺട്രോൾ സിസ്റ്റം (TCS), ABS+EBD, ഹിൽ ഡിസന്റ് കൺട്രോൾ (HDC) എന്നിവയാണ് മറ്റ് സവിശേഷതകൾ.

ഡ്രൈവ്സ്പാർക്കിന്റെ അഭിപ്രായം!

ഇന്ത്യൻ വിപണിയിൽ അവതരിപ്പിക്കാൻ പോകുന്ന ഏറ്റവും നൂതനമായ മിഡ്-സൈസ് എസ്‌യുവിയാണ് എംജി ആസ്റ്റർ. ലെവൽ 2 ADAS ഉപയോഗിച്ച്, രാജ്യത്ത് വിൽപ്പനയ്‌ക്കെത്തുന്ന ഏറ്റവും സുരക്ഷിതമായ കാറുകളിൽ ഒന്നാണിത്. കൂടാതെ, അവതരിപ്പിച്ചുകഴിഞ്ഞാൽ, ആസ്റ്റർ ഇന്ത്യയിൽ ഹ്യുണ്ടായി ക്രെറ്റ, കിയ സെൽറ്റോസ്, നിസാൻ കിക്ക്സ്, ജീപ്പ് കോമ്പസ് എന്നിവയ്‌ക്കെതിരായി മത്സരിക്കും.