BYD e6 ഇലക്ട്രിക് എംപിവി ഇന്ത്യയില്‍ അവതരിപ്പിച്ചു; വില 29.15 ലക്ഷം രൂപ

വാഹനം നിലവില്‍ B2B സെഗ്മെന്റിനായി മാത്രമാണ് വില്‍പ്പനയ്ക്കുള്ളതെന്നും കമ്പനി അറിയിച്ചു. അതായത് ഫ്ലീറ്റ് ഓപ്പറേറ്റര്‍മാര്‍ക്കും മറ്റ് കോര്‍പ്പറേറ്റ് വാങ്ങലുകാര്‍ക്കും മാത്രമാകും ആദ്യഘട്ടത്തില്‍ വാഹനം ലഭ്യമാകുക.

ഡല്‍ഹി, ബെംഗളൂരു, ഹൈദരാബാദ്, മുംബൈ, ചെന്നൈ, വിജയവാഡ, കൊച്ചി, അഹമ്മദാബാദ് എന്നിവിടങ്ങളിലെ ചൈനീസ് ഇവി സ്‌പെഷ്യലിസ്റ്റുകളുടെ ഷോറൂമുകളില്‍ പുതിയ BYD e6 ലഭ്യമാകും. നേരത്തെ തന്നെ വാഹനത്തിന്റെ പരീക്ഷണയോട്ടം നിരത്തുകളില്‍ കമ്പനി സജീവമാക്കിയിരുന്നു.

94 bhp കരുത്തും 180 Nm torque ഉം ഉത്പാദിപ്പിക്കുന്ന ഫ്രണ്ട് മൗണ്ടഡ് ഇലക്ട്രിക് മോട്ടോറില്‍ നിന്നാണ് BYD e6 പവര്‍ എടുക്കുന്നത്. BYD e6 ന് 130 കിലോമീറ്ററാണ് കമ്പനി വാഗ്ദാനം ചെയ്യുന്ന പരമാവധി വേഗത.

BYD e6-ന്റെ മോട്ടോര്‍ 71.6kWh 'ബ്ലേഡ്' ലിഥിയം ഫെറോ ഫോസ്‌ഫേറ്റ് (LiFePO4) ബാറ്ററി പാക്കില്‍ നിന്ന് പവര്‍ എടുക്കുന്നു, ഇത് WLTP മാനദണ്ഡങ്ങള്‍ അനുസരിച്ച് 415 കിലോമീറ്റര്‍ വരെ സംയോജിത ശ്രേണി വാഗ്ദാനം ചെയ്യുമെന്നും കമ്പനി വ്യക്തമാക്കിയിട്ടുണ്ട്.

BYD e6 ന്റെ 'സിറ്റി ഒണ്‍ലി' ശ്രേണി 520 കിലോമീറ്ററില്‍ കൂടുതലാണ്. Cobalt-free LiFePO4 ബാറ്ററി പായ്ക്ക് 'Blade' ബാറ്ററി പായ്ക്ക് വളരെ സുരക്ഷിതമാണ്, പഞ്ചറായാല്‍ പോലും കത്തുകയോ പൊട്ടിത്തെറിക്കുകയോ ഇല്ലെന്നും റിപ്പോര്‍ട്ടില്‍ പറയുന്നു.

BYD e6-ന്റെ ബാറ്ററി പായ്ക്ക് AC, DC ചാര്‍ജിംഗ് മാനദണ്ഡങ്ങളെ പിന്തുണയ്ക്കുന്നു. ഒരു DC ഫാസ്റ്റ് ചാര്‍ജറിലേക്ക് പ്ലഗ് ചെയ്യുമ്പോള്‍, BYD e6 ന് അതിന്റെ ബാറ്ററി പായ്ക്ക് 35 മിനിറ്റിനുള്ളില്‍ 30 മുതല്‍ 80 ശതമാനം വരെ ചാര്‍ജ് ചെയ്യാന്‍ കഴിയും. പൂജ്യം ശതമാനത്തില്‍ നിന്ന് പൂര്‍ണ്ണമായി ചാര്‍ജ് ചെയ്യാന്‍ ഏകദേശം ഒന്നര മണിക്കൂര്‍ എടുക്കും. 45,000 രൂപയ്ക്ക്, BYD 7kW എസി ചാര്‍ജറിനൊപ്പം e6 വാഗ്ദാനം ചെയ്യും.

അളവുകള്‍ പരിശോധിച്ചാല്‍, വാഹനത്തിന് 4,695 mm നീളവും 1,810 mm വീതിയും 1,670 mm ഉയരവുമുണ്ട്. e6 എംപിവിയുടെ വീല്‍ബേസിന് 2,800 mm നീളമുണ്ട്. വാഹനത്തില്‍ 570 ലിറ്റര്‍ ബൂട്ട് സ്‌പേസ് കമ്പനി വാഗ്ദാനം ചെയ്യുന്നുണ്ട്. ഇലക്ട്രിക് എംപിവിക്ക് 1,930 കിലോഗ്രാം ഭാരമുണ്ട്.

ഡിസൈന്‍ സവിശേഷതകള്‍ പരിശോധിച്ചാല്‍ മുന്‍വശത്ത്, എല്‍ഇഡി ഡേ ടൈം റണ്ണിംഗ് ലൈറ്റുകളുള്ള പ്രൊജക്ടര്‍ ഹെഡ്‌ലാമ്പുകള്‍ കാണാന്‍ സാധിക്കും. മധ്യഭാഗത്തുള്ള BYD ലോഗോയുമായി യോജിക്കുന്ന കട്ടിയുള്ള ക്രോം ബാര്‍ ഉപയോഗിച്ചാണ് ഹെഡ്‌ലാമ്പുകള്‍ ബന്ധിപ്പിച്ചിരിക്കുന്നത്.

ചരിഞ്ഞ റൂഫ്ലൈന്‍, ബ്ലാക്ക് പില്ലറുകള്‍, ഫ്‌ലോട്ടിംഗ് റൂഫ് എന്നിവ വശക്കാഴ്ചയിലെ സൗന്ദര്യത്തിന് മാറ്റ് കൂട്ടുന്നു. BYD e6 ഇലക്ട്രിക് എംപിവിയുടെ പിന്‍ഭാഗത്ത് ഒരു ചെറിയ സ്പോയിലര്‍ എലമെന്റ് സ്പോര്‍ട്സ്, ഒപ്പം കട്ടികൂടിയ ക്രോം ബാര്‍ ഉപയോഗിച്ച് ഹെഡ്‌ലാമ്പുകള്‍ പോലെ ഘടിപ്പിച്ചിരിക്കുന്ന സുഗമമായ എല്‍ഇഡി ടെയില്‍ലൈറ്റുകള്‍ കാണാം.

വാഹനത്തിന്റെ ഉള്ളിലേക്ക് വന്നാല്‍, 10.-ഇഞ്ച് ഫ്‌ലോട്ടിംഗ് ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് ഡിസ്പ്ലേ, ലെതര്‍ സീറ്റ് അപ്ഹോള്‍സ്റ്ററി, 6-വേ അഡ്ജസ്റ്റ് ചെയ്യാവുന്ന ഡ്രൈവര്‍, ഫ്രണ്ട് പാസഞ്ചര്‍ സീറ്റുകള്‍, ഒരു എയര്‍ ഫില്‍ട്ടറേഷന്‍ സിസ്റ്റം എന്നിവയുള്‍പ്പെടെയുള്ള സാങ്കേതികവിദ്യകള്‍ e6-ല്‍ നിറഞ്ഞിരിക്കുന്നു.

ഒന്നിലധികം എയര്‍ബാഗുകള്‍, ടയര്‍ പ്രഷര്‍ മോണിറ്ററിംഗ് സിസ്റ്റം, ആന്റി ലോക്ക് ബ്രേക്കുകള്‍ (ABS), ഇലക്ട്രോണിക് സ്റ്റെബിലിറ്റി കണ്‍ട്രോള്‍ (ESC), ട്രാക്ഷന്‍ കണ്‍ട്രോള്‍ സിസ്റ്റം (TCS) എന്നിവ സുരക്ഷാ സവിശേഷതകളില്‍ ഉള്‍പ്പെടുന്നു.

വാഹനത്തിന്, 3 വര്‍ഷം/1.25 ലക്ഷം കിലോമീറ്റര്‍ വാറന്റിയോടെയാണ് കമ്പനി വാഗ്ദാനം ചെയ്യുന്നത്. ട്രാക്ഷന്‍ മോട്ടോറിനുള്ള വാറന്റി 8 വര്‍ഷം/1.5 ലക്ഷം കിലോമീറ്റര്‍ ആണെങ്കില്‍ ബാറ്ററി സെല്‍ വാറന്റി 8 വര്‍ഷം/5 ലക്ഷം കിലോമീറ്റര്‍ ആണ്.

e6 ഇലക്ട്രിക് എംപിവിയുടെ ലോഞ്ചിനെക്കുറിച്ച് BYD ഇന്ത്യയുടെ ഇലക്ട്രിക് പാസഞ്ചര്‍ വെഹിക്കിള്‍സ് സെയില്‍സ് ഹെഡ് ശ്രീരംഗ് ജോഷി പറയുന്നതിങ്ങനെ, 'ആഗോളതലത്തില്‍ പരീക്ഷിച്ച ഞങ്ങളുടെ ഓള്‍-ന്യൂ e6 ഒടുവില്‍ ഇന്ത്യന്‍ വിപണിയില്‍ എത്തിക്കുന്നതില്‍ ഞങ്ങള്‍ക്ക് അതിയായ സന്തോഷമുണ്ട്.

സുരക്ഷ, വിശ്വാസ്യത എന്നിവയിലാണ് വാഹനം ശ്രദ്ധ കേന്ദ്രീകരിക്കുന്നത്. ഇന്റീരിയര്‍ സ്പേസും സാമ്പത്തിക ലാഭവും, ഓള്‍-ന്യൂ e6 ഇന്ത്യന്‍ B2B വിപണിയില്‍ ഹിറ്റാകുമെന്ന് ഞങ്ങള്‍ കരുതുന്നുവെന്നും അദ്ദേഹം പറഞ്ഞു.

ഡ്രൈവിംഗിന്റെ കാര്യത്തിലും ചില മികച്ച ഇന്‍-ക്ലാസ് ഫീച്ചറുകള്‍ ഉപയോഗിച്ച് ഡ്രൈവിംഗ് അനുഭവം മെച്ചപ്പെടുത്തുന്നതിലും ഞങ്ങള്‍ ശ്രദ്ധ കേന്ദ്രീകരിച്ചിട്ടുണ്ട്. ഉടമസ്ഥാവകാശത്തിന്റെ മൊത്തത്തിലുള്ള ചിലവ് ഞങ്ങളുടെ ഉപഭോക്താക്കള്‍ക്കും സെഗ്മെന്റിനും മൊത്തത്തില്‍ വളരെയധികം പ്രയോജനം ചെയ്യുമെന്നും, ഇന്ത്യയുടെ EV വിപ്ലവത്തിന്റെ ഭാഗമാകാന്‍ കഴിഞ്ഞതില്‍ സന്തോഷമുണ്ടെന്നും, ഭാവിയില്‍ കൂടുതല്‍ ഉല്‍പ്പന്ന ശ്രേണികള്‍ പുറത്തിറക്കുമെന്നും ശ്രീരംഗ് ജോഷി വ്യക്തമാക്കി.