കേരളത്തിൽ പരീക്ഷണയോട്ടത്തിനിടെ ക്യാമറയിൽ കുടുങ്ങി സിട്രൺ C3 എയർക്രോസ്

ബ്രാൻഡിൽ നിന്നുള്ള രണ്ടാമത്തെ ഉൽപ്പന്നം സാധാരണക്കാർക്കായി ഒരു കോംപാക്ട്-എസ്‌യുവി ആയിരിക്കുമെന്ന് അനുമാനിക്കുന്നു. ഇത് CC21 എന്ന് നാമകരണം ചെയ്യപ്പെടാൻ സാധ്യതയുണ്ട്.

അന്താരാഷ്ട്ര വിപണിയിൽ വിൽക്കുന്ന C3 എയർക്രോസിനേക്കാൾ ചെറിയ ഉൽപ്പന്നമായിരിക്കും ഇത്. C3 എയർക്രോസ് ഇന്ത്യൻ വിപണിയിൽ നിന്ന് അകറ്റി നിർത്തുമെന്ന് ആദ്യം പ്രതീക്ഷിച്ചിരുന്നെങ്കിലും, കേരളത്തിൽ യാതൊരു മറവും കൂടാതെ അടുത്തിടെ വാഹനം പരീക്ഷണയോട്ടം നടത്തുന്നതായി കണ്ടെത്തി.

ചിത്രങ്ങളിൽ, സിട്രൺ C3 എയർക്രോസിന് യാതൊരുവിധ മൂടുപടങ്ങളുമില്ല. എന്നിരുന്നാലും, അതിന്റെ ഐഡന്റിറ്റി മറച്ചുവെക്കുന്നതിനായി ലോഗോകൾ മൂടപ്പെട്ടിരിക്കുന്നു. സിട്രണിന്റെ ഫാമിലി രൂപകൽപ്പന കാർ തിരിച്ചറിയുന്നത് എളുപ്പമാക്കുന്നു.

C3 അധിഷ്ഠിത കോംപാക്ട്-എസ്‌യുവി ഇന്ത്യൻ വിപണിയിൽ അവതരിപ്പിക്കാൻ സിട്രൺ ഒരുങ്ങുന്നുവെന്ന് നേരത്തെ റിപ്പോർട്ടുകൾ സ്ഥിരീകരിച്ചിരുന്നു. അതിനാൽ, ഘടക പരിശോധനയ്ക്കായി സിട്രൺ C3 യുടെ ടെസ്റ്റ് മോഡൽ ഉപയോഗിച്ചുവെന്ന് പ്രതീക്ഷിക്കുന്നു.

കോംപാക്ട്-എസ്‌യുവി ആയതിനാൽ, സ്പൈ ചിത്രങ്ങളിൽ ശ്രദ്ധേയമായ റോഡ് സാന്നിധ്യം സിട്രൺ C3 വഹിക്കുന്നു. വാഹനത്തിന്റെ ബൾബസ് ഡിസൈൻ തീം ഇവിടെ ക്രെഡിറ്റ് അർഹിക്കുന്നു. മുൻവശത്ത്, ഹെഡ്‌ലാമ്പുകൾക്കായി ലംബമായി വിഭജിച്ച സജ്ജീകരണം ഇതിന് ലഭിക്കുന്നു.

എൽ‌ഇഡി ഡി‌ആർ‌എല്ലുകൾ ഹെഡ്‌ലാമ്പ് അസംബ്ലികൾക്ക് മുകളിലായി സ്ഥിതിചെയ്യുന്നു, മാത്രമല്ല ലോഗോ ഉൾക്കൊള്ളുന്ന സ്ലിം ക്രോം റിബണിലേക്ക് ഇത് ലയിക്കുന്നു. ബമ്പറിന്റെ താഴത്തെ ഭാഗത്ത് ട്രപസോയിഡൽ റേഡിയേറ്റർ ഗ്രില്ലും ചങ്കി സ്കഫ് പ്ലേറ്റും ഉൾക്കൊള്ളുന്നു.

വശങ്ങളിൽ, കറുത്ത ക്ലാഡിംഗ് ഉപയോഗിച്ച് ചതുരാകൃതിയിലുള്ള വീൽ ആർച്ചുകൾ വാഹനത്തിന് ലഭിക്കുന്നു. A, C പില്ലറുകളിൽ ക്വാർട്ടർ ഗ്ലാസുകൾ ലഭ്യമായതിനാൽ ഗ്രീൻ ഹൗസ് ഇഫക്ട് വളരെ വലുതാണ്.

പിൻ‌ഭാഗം C5 എയർ‌ക്രോസിന്റേതിന് സമാനമാണ്. ഇതിന് ട്രപസോയിഡൽ ടെയിൽ ലാമ്പുകളും ഡ്യുവൽ-ടോൺ ബമ്പറും ലഭിക്കുന്നു. അളവുകളുടെ അടിസ്ഥാനത്തിൽ, C3 എയർക്രോസിന് 4,154 mm നീളവും 1,756 mm വീതിയും 1,637 mm ഉയരവുമുണ്ട്.

C3 എയർക്രോസ് നാല് മീറ്റർ മാർക്കിനേക്കാൾ നീളമുള്ളതിനാൽ, ഇത് സബ് -ഫോർ മീറ്റർ കോംപാക്ട്-എസ്‌യുവി വിഭാഗത്തിന് യോഗ്യമല്ല. അതിനാൽ, ബ്രാൻഡ് ഇതിന്റെ പ്ലാറ്റ്ഫോമിനെ അടിസ്ഥാനമാക്കി ഇന്ത്യ-നിർദ്ദിഷ്ട മോഡൽ വികസിപ്പിക്കുന്നു, ഇത് ഈ വർഷം തന്നെ വിൽപ്പനയ്‌ക്കെത്തും.