അടിസ്ഥാന വേരിയന്റില്‍ പോലും കൈനിറയെ ഫീച്ചറുകള്‍; പരിചയപ്പെടാം Mahindra XUV700 MX ഡീസല്‍ വേരിയന്റിനെ

അഞ്ച്, ഏഴ് സീറ്റിംഗ് കോണ്‍ഫിഗറേഷനുകളില്‍ XUV700 വാഗ്ദാനം ചെയ്യുന്നു, കൂടാതെ വിശാലമായ ശ്രേണിയിലുള്ള ഉപഭോക്താക്കളുടെ ആവശ്യങ്ങള്‍ നിറവേറ്റുന്നതിനായി വിപുലമായ ശ്രേണിയിലും വാഹനം ലഭ്യമാണ്. മഹീന്ദ്ര XUV700 നിലവില്‍ MX, AX3, AX5, AX7 വേരിയന്റുകളിലാണ് കമ്പനി വില്‍ക്കുന്നത്.

വാഹനത്തിന്റെ വില വിവരങ്ങള്‍ പരിശോധിച്ചാല്‍, അടിസ്ഥാന 5 സീറ്റര്‍ MX പെട്രോളിന് 12.49 ലക്ഷം രൂപയാണ് എക്‌സ്‌ഷോറൂം വില. എന്നാല്‍ ടോപ്പ്-സ്‌പെക്ക് AX7 ഡീസല്‍ 7 സീറ്റര്‍ AT AWD-ന് 22.99 ലക്ഷം രൂപയും എക്‌സ്‌ഷോറൂം വിലയായി നല്‍കണം.

എന്‍ട്രി ലെവല്‍ MX ഡീസല്‍ മോഡലിന് മത്സരാധിഷ്ഠിതമായി 12.99 ലക്ഷം രൂപയോളം എക്‌സ്‌ഷോറൂം വിലയായി നല്‍കണം. ഏഴ് സീറ്റര്‍ പതിപ്പ് സ്വന്തമാക്കാന്‍ ആഗ്രഹിക്കുന്ന ഉപഭോക്താക്കള്‍ AX3 ഗ്രേഡിലേക്ക് മാറേണ്ടതിനാല്‍ അടിസ്ഥാന MX ഡീസല്‍ അഞ്ച് സീറ്റുള്ള അവതാറില്‍ മാത്രമാണ് വരുന്നത്.

എന്നിരുന്നാലും, മിഡ്-സൈസ് വിഭാഗത്തില്‍ നിര്‍ബന്ധിത വാങ്ങലുകളിലൊന്നാണ് ഓയില്‍-ബേണര്‍, കൂടാതെ നിരവധി സവിശേഷതകളാല്‍ ഈ വിഭാഗം നിറഞ്ഞിരിക്കുകയും ചെയുന്നു. മഹീന്ദ്ര XUV700 MX ഡീസലിനെക്കുറിച്ചുള്ള കാര്യങ്ങള്‍ വിശദമായ പങ്കുവെയ്ക്കുകയാണ് ഇവിടെ ചെയ്യുന്നത്. ഈ പതിപ്പിലെ ഫീച്ചറുകളും, സവിശേഷതകളും എന്തൊക്കെയെന്ന് വീഡിയോയില്‍ നിന്ന് മനസ്സിലാക്കുനും സാധിക്കും.

MX വേരിയന്റ് 5-സീറ്ററായി മാത്രമേ വാഗ്ദാനം ചെയ്യുന്നുള്ളൂ എന്ന് പറഞ്ഞുകൊണ്ടാണ് വീഡിയോ ആരംഭിക്കുന്നത്. വില നിര്‍ണ്ണയം കാരണം, അടിസ്ഥാന വേരിയന്റ് കിയ സെല്‍റ്റോസ്, സ്‌കോഡ കുഷാഖ്, ഫോക്‌സ്‌വാഗണ്‍ ടൈഗൂണ്‍, ഹ്യുണ്ടായി ക്രെറ്റ തുടങ്ങിയ ഇടത്തരം എസ്‌യുവികളോട് മത്സരിക്കുകയും ചെയ്യുന്നു.

സെന്‍ട്രല്‍ ലോക്കിംഗിനൊപ്പം വരുന്ന ഒരു ഫ്‌ലിപ്പ് കീയാണ് വാഹനത്തില്‍ വാഗ്ദാനം ചെയ്യുന്നത്. നിങ്ങള്‍ക്ക് കീ ഫോബില്‍ നിന്ന് നേരിട്ട് ബൂട്ട് തുറക്കാനും കഴിയും. നിങ്ങള്‍ എസ്‌യുവി അണ്‍ലോക്ക് ചെയ്യുമ്പോള്‍, ഹെഡ്‌ലാമ്പുകള്‍ ഓണാകുകയും ചെയ്യും. MX വേരിയന്റില്‍ ഹാലൊജന്‍ ഹെഡ്‌ലാമ്പുകളാണ് നല്‍കിയികിരിക്കുന്നത്. ഇതിനൊപ്പം നിങ്ങള്‍ക്ക് എല്‍ഇഡി ഡേ ടൈം റണ്ണിംഗ് ലാമ്പുകളോ ഫോഗ് ലാമ്പുകളോ ലഭിക്കുന്നില്ല.

235/65 ടയറുകള്‍ ഉപയോഗിക്കുന്ന 17 ഇഞ്ച് സ്റ്റീല്‍ വീലുകളാണ് മറ്റൊരു പ്രത്യേകത. പുറത്തെ റിയര്‍വ്യൂ മിററുകള്‍ തിളങ്ങുന്ന കറുപ്പ് നിറത്തിലാണ് പൂര്‍ത്തിയാക്കിയിരിക്കുന്നത്, അവയില്‍ എല്‍ഇഡി ടേണ്‍ ഇന്‍ഡിക്കേറ്ററുകളും ലഭിക്കും.

ORVM-കള്‍ക്കായി മഹീന്ദ്ര ഇലക്ട്രിക് അഡ്ജസ്റ്റ്‌മെന്റ് വാഗ്ദാനം ചെയ്യുന്നു. വാഹനത്തില്‍ ഫ്‌ലഷ്-സിറ്റിംഗ് ഡോര്‍ ഹാന്‍ഡിലുകള്‍ കമ്പനി വാഗ്ദാനം ചെയ്യുന്നു. അവ അമര്‍ത്തുമ്പോള്‍ മാത്രമാണ് പുറത്തുവരുന്നത്.

പിന്‍ഭാഗത്ത് എല്‍ഇഡി ടെയില്‍ ലാമ്പുകള്‍ ഉണ്ട് കൂടാതെ വേരിയന്റ് ബാഡ്ജിംഗ് നല്‍കിയിട്ടില്ല. നിങ്ങള്‍ക്ക് വാഹനത്തില്‍ റിയര്‍ പാര്‍ക്കിംഗ് സെന്‍സറുകള്‍ ലഭിക്കുമെങ്കിലും പിന്‍ പാര്‍ക്കിംഗ് ക്യാമറ ഇല്ല. മൂന്നാം നിര സീറ്റുകള്‍ ഇല്ലാത്തതിനാല്‍ വലിയ ബൂട്ട് സ്‌പേസ് വാഹനത്തിന്റെ മറ്റൊരു സവിശേഷതയാണ്. വാഷറുള്ള റിയര്‍ വൈപ്പര്‍ ഇല്ല, എന്നാല്‍ നിങ്ങള്‍ക്ക് ഉയര്‍ന്ന മൗണ്ടഡ് സ്റ്റോപ്പ് ലാമ്പ് ലഭ്യമാക്കിയിട്ടുണ്ട്.

അടിസ്ഥാന വേരിയന്റില്‍ പോലും, നിങ്ങള്‍ക്ക് ഓഡിയോ മൗണ്ടഡ് സ്റ്റിയറിംഗ് വീല്‍ കണ്‍ട്രോളുകള്‍ ലഭിക്കുന്നുവെന്ന് വീഡിയോയില്‍ കാണാന്‍ സാധിക്കും. ആന്‍ഡ്രോയിഡ് ഓട്ടോയെ പിന്തുണയ്ക്കുന്ന ഒരു ചെറിയ ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റവും വാഹനത്തില്‍ കമ്പനി ലഭ്യമാക്കിയിട്ടുണ്ട്.

മള്‍ട്ടി-ഇന്‍ഫര്‍മേഷന്‍ ഡിസ്പ്ലേ, മാനുവല്‍ എയര്‍ കണ്ടീഷനിംഗ്, എല്ലാ പവര്‍ വിന്‍ഡോകള്‍, എല്‍ഇഡി ക്യാബിന്‍ ലൈറ്റ്, ക്രമീകരിക്കാവുന്ന ഹെഡ്റെസ്റ്റുകള്‍, യുഎസ്ബി പോര്‍ട്ട്, ഡ്രൈവര്‍ സീറ്റിനുള്ള ഉയരം ക്രമീകരിക്കല്‍, ടൈപ്പ്-സി ചാര്‍ജിംഗ് പോര്‍ട്ട്, റിയര്‍ എസി വെന്റുകള്‍, ബോട്ടില്‍ ഹോള്‍ഡറുകള്‍, മാനുവല്‍ പാര്‍ക്കിംഗ് ബ്രേക്ക് എന്നിവയും ഈ അടിസ്ഥാന മോഡലില്‍ മഹീന്ദ്ര വാഗ്ദാനം ചെയ്യുന്നുണ്ട്.

വീഡിയോയില്‍ കാണുന്നപോലെ MX വേരിയന്റില്‍ ഒരു ഡീസല്‍ എഞ്ചിനാണ് കമ്പനി സജ്ജീകരിച്ചിരിക്കുന്നത്. ഇത് പരമാവധി 155 bhp പവറും 360 Nm torque ഉം ഉത്പാദിപ്പിക്കുന്നു. 6-സ്പീഡ് മാനുവല്‍ ഗിയര്‍ബോക്സ് മാത്രമാണ് ഇത് വാഗ്ദാനം ചെയ്യുന്നത്.

ഉയര്‍ന്ന വേരിയന്റുകളില്‍, പവര്‍ ഔട്ട്പുട്ട് പരമാവധി 185 bhp പവറും 420 Nm പീക്ക് ടോര്‍ക്കും വര്‍ധിപ്പിക്കുന്നു. ഇത് 6-സ്പീഡ് മാനുവല്‍ ഗിയര്‍ബോക്സ് അല്ലെങ്കില്‍ 6-സ്പീഡ് ടോര്‍ക്ക് കണ്‍വെര്‍ട്ടര്‍ ഓട്ടോമാറ്റിക് ഗിയര്‍ബോക്സിനൊപ്പം വാഗ്ദാനം ചെയ്യുന്നു. ഓട്ടോമാറ്റിക് ട്രാന്‍സ്മിഷന്‍ തെരഞ്ഞെടുക്കുകയാണെങ്കില്‍ ടോര്‍ക്ക് ഔട്ട്പുട്ട് 450 Nm ആയി വര്‍ധിക്കും.

പെട്രോള്‍ എഞ്ചിനോടുകൂടിയ MX വേരിയന്റും ഉപഭോക്താക്കള്‍ക്ക് ലഭിക്കും. ഡീസല്‍ എഞ്ചിന്‍ പോലെ പെട്രോള്‍ എഞ്ചിന്‍ ഡിറ്റിയൂണ്‍ ചെയ്തിട്ടില്ല. അതിനാല്‍, അടിസ്ഥാന വേരിയന്റ് പോലും 200 bhp പരമാവധി കരുത്തും 380 Nm പീക്ക് ടോര്‍ക്കും ഉത്പാദിപ്പിക്കുന്നു. അടിസ്ഥാന വേരിയന്റിന് 6-സ്പീഡ് മാനുവല്‍ ഗിയര്‍ബോക്സ് മാത്രമേ നല്‍കൂ, അതേസമയം ഉയര്‍ന്ന വേരിയന്റുകള്‍ക്ക് 6-സ്പീഡ് ടോര്‍ക്ക് കണ്‍വെര്‍ട്ടര്‍ ഓട്ടോമാറ്റിക് ഗിയര്‍ബോക്‌സ് ഓപ്ഷനും ലഭിക്കും.