Just In
- 2 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 2 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 2 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 3 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Movies ട്രെയിനില് വിശന്നിരുന്ന എനിക്ക് ഭക്ഷണം തന്ന ആ യുവാവ്; സുരേഷ് ഗോപിയെക്കുറിച്ച് മണിയന് പിള്ള രാജു
- Lifestyle ബ്രേക്ക്ഫാസ്റ്റിനെ കുറിച്ചോര്ത്ത് ടെന്ഷന് വേണ്ട; പത്തുമിനിട്ടില് കിടിലന് സേമിയ ഉപ്പുമാവ് ഉണ്ടാക്കാം
- Sports IPL 2024: തനി സ്വഭാവം കാട്ടി സഞ്ജു, ക്ഷമയില്ല! തട്ടകത്തില് നാണംകെട്ടു; രൂക്ഷ വിമര്ശനം
- News സിദ്ധാര്ത്ഥന്റെ മരണം: അന്വേഷണ കമ്മീഷനെ നിയോഗിച്ച് ഗവര്ണര്, മുന് ഹൈക്കോതി ജഡ്ജി അന്വേഷിക്കും
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
Thar-ന് എതിരാളി എത്തുന്നു; Gurkha-യുടെ അവതരണത്തില് പുതിയ വെളിപ്പെടുത്തലുമായി Force
ഓഫ് റോഡ് വാഹന പ്രേമികളുടെ കാത്തിരിപ്പിന് അവസാനമാകുന്നുവെന്ന് വ്യക്തമാക്കി നിര്മാതാക്കളായ Force Motors. തങ്ങളുടെ വരാനിരിക്കുന്ന 4x4, Gurkha എസ്യുവിയുടെ പുതിയ ടീസര് ചിത്രം പങ്കുവെച്ചാണ് കമ്പനി ഇക്കാര്യം അറിയിച്ചിരിക്കുന്നത്.
അധികം വൈകാതെ തന്നെ മോഡലിനെ വിപണിയില് എത്തിക്കുമെന്ന് ഏതാനും ദിവസങ്ങള്ക്ക് മുന്നെ കമ്പനി വെളിപ്പെടുത്തിയിരുന്നു. പോയ വര്ഷം നടന്ന 2020 ഓട്ടോ എക്സ്പോയിലാണ് പുതിയ മോഡലിനെ കമ്പനി അവതരിപ്പിക്കുന്നത്.
വൈകാതെ നവീകരിച്ച മോഡല് വിപണിയില് എത്തുമെന്ന് പ്രതീക്ഷിച്ചിരുന്നെങ്കിലും നിലവിലെ കൊവിഡ് പ്രതിസന്ധി അരങ്ങേറ്റം വൈകിപ്പിച്ചുവെന്ന് വേണം പറയാന്. എങ്കിലും വാഹനത്തിന്റെ പരീക്ഷണയോട്ടം നിരത്തുകളില് സജീവമായിരുന്നു.
ലോഞ്ചിംഗിന് മുന്നോടിയായി ഡിസൈനിന്റെയും സവിശേഷതകളുടെയും കാര്യത്തില് ഗണ്യമായ മാറ്റങ്ങള് വരുത്തിയിട്ടുണ്ടെന്ന് പുതിയ ടീസര് ചിത്രങ്ങള് പറഞ്ഞുവെയ്ക്കുന്നു. മാത്രമല്ല 2021 Force Gurkha എസ്യുവി ഉത്സവകാലത്തോട് അടുത്ത് സെപ്റ്റംബറില് വിപണിയിലെത്തുമെന്നാണ് പ്രതീക്ഷിക്കുന്നത്.
കാര് നിര്മാതാവ് പുറത്തിറക്കിയ പുതിയ ടീസര് ചിത്രം അനുസരിച്ച്, 2021 Gurkha എസ്യുവി ഒരു സ്നോര്ക്കലും ഒരു ഫംഗ്ഷണല് റൂഫ് കാരിയറുമായി വരുമെന്ന് വ്യക്തമാക്കുന്നു. ഈ രണ്ട് സവിശേഷതകളും കഴിഞ്ഞ വര്ഷം ഫെബ്രുവരിയില് നടന്ന ഓട്ടോ എക്സ്പോയില് പ്രദര്ശിപ്പിച്ച പ്രീ-പ്രൊഡക്ഷന് പതിപ്പിലും പ്രദര്ശിപ്പിച്ചിരുന്നു.
വിപണിയില് എത്തുന്നതോടെ Mahindra Thar-നെതിരെയാകും വാഹനം മത്സരിക്കുക. കഴിഞ്ഞ വര്ഷം ലോഞ്ച് ചെയ്തതു മുതല് നിച്ച് 4X4 സെഗ്മെന്റില് താരതമ്യേന മികച്ച സ്വീകാര്യത നേടി മുന്നേറുകയാണ് Thar. എന്നാല് 2021 Gurkha കൂടി എത്തുന്നതോടെ ശ്രേണിയില് മത്സരം കടുക്കുമെന്ന് വേണം പറയാന്.
വില പ്രഖ്യാപിച്ചിട്ടില്ലെങ്കിലും ശ്രേണിയിലെ മത്സരം കണക്കിലെടുത്ത് 10 ലക്ഷം മുതല് 12 ലക്ഷം രൂപ വരെ വാഹനത്തിന് എക്സ്ഷോറൂം വില പ്രതീക്ഷിക്കാം. ഓഫ്-റോഡ് വിഭാഗത്തില് Mahindra Thar-ന്റെ ഒരേയൊരു എതിരാളിയാണ് Gurkha.
നവീകരിച്ച പതിപ്പ് മൂന്ന്-ഡോര്, അഞ്ച്-ഡോര് ഓപ്ഷനുകളില് വിപണിയില് എത്താന് സാധ്യതയുണ്ട്. നാല് സീറ്റര്, ആറ് സീറ്റര് വേരിയന്റുകളിലാണ് ഇത് പ്രതീക്ഷിക്കുന്നത്.
പുതിയ Gurkha ഡിസൈനിന്റെ കാര്യത്തില് മുന്ഗാമികളില് നിന്ന് വേറിട്ട് നില്ക്കും, ഇത് ഒരു സമകാലിക ജീവിതശൈലി വാഹനം പോലെ കാണുന്നതിന് ഗണ്യമായ മാറ്റങ്ങളും ഡിസൈന് ഘടകങ്ങളും കമ്പനി നല്കിയിട്ടുണ്ട്.
ഡിസൈന് നവീകരണങ്ങളില് എല്ഇഡി ഡിആര്എല്ലുകള്, പുനര്രൂപകല്പ്പന ചെയ്ത ഗ്രില്, ഫ്രണ്ട് ബമ്പര് എന്നിവയുള്ള പുതിയ സെറ്റ് ഹെഡ്ലൈറ്റുകള്, ഫ്രണ്ട് ഫെന്ഡറുകളില് സ്ഥാപിച്ചിരിക്കുന്ന ടേണ് ഇന്ഡിക്കേറ്ററുകള്, പുനര്രൂപകല്പ്പന ചെയ്ത ടെയില് ലൈറ്റുകള്, പുതുതായി രൂപകല്പ്പന ചെയ്ത വീലുകള്, ടെയില് ഗേറ്റ് ഘടിപ്പിച്ച സ്പെയര് വീല് എന്നിവ ഉള്പ്പെടും.
പുറമേ ഉള്ളതിന് സമാനമായി തന്നെ അകത്തും മാറ്റങ്ങള് പ്രതീക്ഷിക്കാം. പുതിയ തലമുറ Force Gurkha-ക്ക് അഴുക്കും മികവും ലഭിക്കുന്ന രീതിയിലാണ് നവീകരണം കൊണ്ടുവന്നിരിക്കുന്നത്.
ഹാര്ഡ് പ്ലാസ്റ്റിക് പോലുള്ള ഘടകങ്ങളുള്ള ഒരു കറുത്ത തീം ലഭിക്കുമെന്നും പ്രതീക്ഷിക്കുന്നു. എസ്യുവിക്ക് രണ്ടാം നിരയില് ക്യാപ്റ്റന് സീറ്റുകളും പിന്നില് സൈഡ് ഫെയ്സിംഗ് ജമ്പ് സീറ്റുകളും ലഭിച്ചേക്കാം.
ഒരു പുതിയ ടച്ച്സ്ക്രീന് സംവിധാനവും ബ്ലാക്ക് ചുറ്റളവുള്ള വൃത്താകൃതിയിലുള്ള എയര് വെന്റുകളും മൂന്ന് സ്പോക്ക് സ്റ്റിയറിംഗ് വീലും വാഹനത്തില് ഉണ്ടാകും. മെക്കാനിക്കല് ഫീച്ചറുകളിലേക്ക് വന്നാല് 2.6 ലിറ്റര് ഡീസല് എഞ്ചിനാകും വാഹനത്തിന് കരുത്ത് നല്കുക.
ഈ യൂണിറ്റ് 5 സ്പീഡ് ഗിയര്ബോക്സുമായിട്ടാണ് ജോടിയാക്കുന്നത്. എഞ്ചിന് പരമാവധി 89 bhp കരുത്തും 260 Nm പരമാവധി ടോര്ക്കും ഉത്പാദിപ്പിക്കാന് ശേഷിയുള്ളതാണ്.
Gurkha-യുടെ എഞ്ചിന് ശക്തിയുമായി താരതമ്യപ്പെടുത്തുമ്പോള് പുതിയ Mahindra Thar കൂടുതല് ശക്തമായി കാണപ്പെടുന്നു. Thar-ലെ 2.2 ലിറ്റര് ഡീസല് എഞ്ചിന് 130 bhp കരുത്തും 300 Nm പരമാവധി ടോര്ക്കും സൃഷ്ടിക്കും.
Gurkha, 5 ഡോര് പതിപ്പിന്റെ അവതരണം അടുത്തിടെയാണ് Force സ്ഥിരീകരിക്കുന്നത്. ഏറെക്കാലമായി കാത്തിരുന്ന 3 ഡോര് ലോഞ്ച് ചെയ്തതിന് ശേഷമാകും എസ്യുവിയുടെ 5 ഡോര് പതിപ്പ് അവതരിപ്പിക്കുമെന്നാണ് പ്രതീക്ഷിക്കുന്നത്.
അഞ്ച് ഡോര് മോഡലിന്റെ മറ്റ് വിശദാംശങ്ങളൊന്നും കമ്പനി വെളിപ്പെടുത്തിയിട്ടില്ല. ബാഹ്യ രൂപകല്പ്പന, ഇന്റീരിയര് നവീകരണങ്ങള്, എഞ്ചിന് എന്നിവ മിക്കവാറും മൂന്ന്-ഡോര് എസ്യുവിയില് നിന്നുള്ളതാകുമെന്നാണ് പ്രതീക്ഷിക്കുന്നത്.