ഇന്ത്യൻ വിപണിയിൽ വിൽപ്പന മെച്ചപ്പെടുത്താൻ ഓഫറുകൾ അവതരിപ്പിച്ച് ഫോർഡ്

2021 മെയ് മാസത്തിൽ ഇന്ത്യയിൽ ഫോർഡ് കാറുകളിൽ ലഭ്യമായ എല്ലാ ഓഫറുകളും ഈ ലേഖനത്തിൽ ഞങ്ങൾ പങ്കുവെക്കുന്നു.

ഫോർഡിന്റെ ഏറ്റവും താങ്ങാനാവുന്ന മോഡലായ ഫിഗോയ്ക്ക് ഓഫറിൽ ഔദ്യോഗികമായ ക്യാഷ് ഡിസ്കൗണ്ടുകളൊന്നുമില്ല.

പഴയ ഫോർഡ് കാറുകൾ നൽകി പുതിയ ഫിഗോ വാങ്ങുകയാണെങ്കിൽ 20,000 രൂപ എക്സ്ചേഞ്ച് ബോണസ് ലഭ്യമാണ്, എന്നാൽ എക്സ്ചേഞ്ചിനായി കൊണ്ടുവന്ന കാർ മറ്റൊരു ബ്രാൻഡിൽ നിന്നാണെങ്കിൽ, എക്സ്ചേഞ്ച് ബോണസ് 7,000 രൂപ വരെ കുറയുന്നു. ഇതിനുപുറമെ, 4,000 രൂപയുടെ കോർപ്പറേറ്റ് കിഴിവും വാഹനത്തിൽ ലഭ്യമാണ്.

ഫോർഡ് ആസ്പയർ, ഫ്രീസ്റ്റൈൽ എന്നിവയ്ക്കും ഫിഗോയ്ക്ക് സമാനമായ ഡീലുകൾ ലഭിക്കുന്നു. എക്സ്ചേഞ്ച് ബോണസും കോർപ്പറേറ്റ് ഡിസ്കൗണ്ടും എല്ലാം ഫിഗോയുടെ ഓഫറിന് സമാനമാണ്.

Source: GaadiWaadi

ഇക്കോസ്പോർട്ടിലും എൻ‌ഡവറിലും വിപുലമായ ഡീലുകളും ഡിസ്കൗണ്ടുകളും നിർമ്മാതാക്കൾ ഒരുക്കുന്നില്ല. കോർപ്പറേറ്റ് കിഴിവ് 4,000 രൂപയാണ് കമ്പനി വാഗ്ദാനം ചെയ്യുന്നത്.

കൂടാതെ പഴയ ഫോർഡ് കാർ കൈമാറ്റം ചെയ്യുമ്പോൾ, 20,000 രൂപയും ലഭ്യമാണ്. മറ്റ് ബ്രാൻ‌ഡുകളുടെ കാറുകൾ‌ക്ക്, എക്‌സ്‌ചേഞ്ച് ബോണസ് 7,000 രൂപയോളമാണ്. എല്ലാ ഫോർഡ് കാറുകളിലും 5,000 രൂപ ലോയൽറ്റി ബോണസ് നിലവിലുള്ള ഫോർഡ് ഉടമകൾക്ക് മാത്രമായി ലഭ്യമാണ്.

അനുബന്ധ വാർത്തകളിൽ, ഫോർഡ് നിലവിൽ ഇന്ത്യൻ വിപണിയിൽ ഭാവിയിലേക്കുള്ള ഒരു പദ്ധതിക്കായി പ്രവർത്തിക്കുന്നു. അമേരിക്കൻ നിർമ്മാതാക്കൾ മുമ്പ് പുറത്തിറങ്ങാനിരിക്കുന്ന മഹീന്ദ്ര XUV 700 -ന്റെ പ്ലാറ്റ്ഫോമിനെ അടിസ്ഥാനമാക്കി ഒരു C-എസ്‌യുവി നിർമ്മിക്കാൻ പദ്ധതിയിട്ടിരുന്നു.

എന്നാൽ ഫോർഡും മഹീന്ദ്രയും തങ്ങളുടെ കൂട്ടുകെട്ട് അവസാനിപ്പിച്ചപ്പോൾ, ഭാവിയിലെ എല്ലാ സംയുക്ത പദ്ധതികളും ഇരു ബ്രാൻഡുകളും ഉപേക്ഷിച്ചു.

കൂടാതെ, ഫോർഡ് ഇക്കോസ്പോർട്ടിന് മുമ്പ് മഹീന്ദ്രയുടെ 1.2 ലിറ്റർ എംസ്റ്റാലിയൻ പെട്രോൾ എഞ്ചിൻ (130 bhp) നൽകാൻ തീരുമാനിച്ചിരുന്നു, എന്നാൽ ഖേദകരമെന്നു പറയട്ടെ, ആ പദ്ധതിയും റദ്ദാക്കി.

ഊഹാപോഹങ്ങളനുസരിച്ച്, ഇന്ത്യൻ വിപണിയിൽ വരാനിരിക്കുന്ന മോഡലുകൾക്ക് അനുയോജ്യമായ പ്ലാറ്റ്ഫോമുകളും എഞ്ചിനുകളും കണ്ടെത്താൻ ഫോർഡ് അതിന്റെ അന്താരാഷ്ട്ര നിരയിലേക്ക് നോക്കുകയാണ്, മാത്രമല്ല വരാനിരിക്കുന്ന C-എസ്‌യുവി ഫോർഡ് ടെറിട്ടറിയാകാം, അല്ലെങ്കിൽ അതിന്റെ അടിസ്ഥാനത്തിലായിരിക്കാം.