പുതിയ രൂപം, മെച്ചപ്പെട്ട സുരക്ഷ; 2021 കോന ഇലക്ട്രിക് സിംഗപ്പൂരില്‍ വില്‍പ്പനയ്ക്ക് എത്തിച്ച് ഹ്യുണ്ടായി

കാര്യങ്ങള്‍ അല്പം പുതുക്കുന്നതിന്, പുതിയ ഹ്യുണ്ടായി കോന ഇലക്ട്രിക്കിന് ഒരു ചെറിയ വിഷ്വല്‍ മേക്ക് ഓവറും കമ്പനി നല്‍കിയിട്ടുണ്ട്. ഇവിയുടെ ഫ്രണ്ട് ഫാസിയയില്‍ പുതുക്കിയ ബമ്പറും അപ്ഡേറ്റ് ചെയ്ത എല്‍ഇഡി ഡിആര്‍എല്ലുകളും ഉണ്ട്.

എല്‍ഇഡി ഹെഡ്‌ലൈറ്റുകള്‍ ഇപ്പോള്‍ ഷാര്‍പ്പായിട്ടുള്ളതും MFR (മള്‍ട്ടിഫേസ്ഡ് റിഫ്‌ലക്ടര്‍ ടെക്‌നോളജി) സംയോജിപ്പിക്കുന്നതുമാണ്. വീല്‍ ആര്‍ച്ച് ക്ലാഡിംഗുകളുമായി അവ ബന്ധിപ്പിച്ചിരിക്കുന്നു.

കോന ഇലക്ട്രിക്ക് ''വ്യതിരിക്തവും നൂതനവുമായ'' രൂപം നല്‍കുന്നുവെന്ന് ഹ്യുണ്ടായി അവകാശപ്പെടുന്നു. വശത്തേക്ക് നീങ്ങുമ്പോള്‍, പുതിയ ഹ്യുണ്ടായി കോന ഇലക്ട്രിക് ശ്രദ്ധേയമായ അലോയ് വീലുകളാണ് കമ്പനി നല്‍കിയിരിക്കുന്നത്. പിന്നില്‍, ഇവിക്ക് പുതുക്കിയ ജോഡി എല്‍ഇഡി ടെയില്‍ലാമ്പുകളും അപ്ഡേറ്റുചെയ്ത ബമ്പറും ലഭിക്കുന്നു.

പുതിയ കോന ഇലക്ട്രിക്കിന്റെ ഇന്റീരിയറും ഹ്യുണ്ടായി അപ്ഡേറ്റ് ചെയ്തു. ഇന്‍സ്ട്രുമെന്റ് ക്ലസ്റ്ററിന്റെ അനലോഗ് ഡയലുകള്‍ക്ക് പകരം 10.25 ഇഞ്ച് ഡിസ്പ്ലേ നല്‍കി. കൂടുതല്‍ ആഴത്തിലുള്ള അനുഭവത്തിനായി ഇന്‍ഫോടൈന്‍മെന്റ് സിസ്റ്റം ഇപ്പോള്‍ 8-ഇന്‍ സ്‌ക്രീന്‍ അവതരിപ്പിക്കുന്നു.

ആന്‍ഡ്രോയിഡ് ഓട്ടോ, ആപ്പിള്‍ കാര്‍പ്ലേ കണക്റ്റിവിറ്റിയും ഹ്യുണ്ടായി സ്റ്റാന്‍ഡേര്‍ഡായി വാഗ്ദാനം ചെയ്യുകയും ചെയ്യുന്നു. സുരക്ഷയുടെ കാര്യത്തില്‍, പുതിയ ഹ്യുണ്ടായി കോന ഇലക്ട്രിക്കില്‍ ഫോര്‍വേഡ് കൂളിഷന്‍ അസിസ്റ്റ്, റിയര്‍ ക്രോസ്-ട്രാഫിക് കൂളിഷന്‍-അവോയ്ഡന്‍സ് അസിസ്റ്റ്, സ്മാര്‍ട്ട് ക്രൂയിസ് കണ്‍ട്രോള്‍ വിത്ത് സ്റ്റോപ്പ് & ഗോ (SCC), ബ്ലൈന്‍ഡ്-സ്‌പോട്ട് കൂളിഷന്‍-അവോയ്ഡന്‍സ് അസിസ്റ്റ് ( BCA) എന്നിവയും വാഹനത്തില്‍ വാഗ്ദാനം ചെയ്യുന്നു.

സിംഗപ്പൂരില്‍ 5DR, 5DR S/ R, 5DR S/ R ലോംഗ് റേഞ്ച് എന്നിങ്ങനെ 3 വേരിയന്റുകളില്‍ പുതിയ ഇലക്ട്രിക് കോന ലഭ്യമാണ്. ഇവിയുടെ വില GD 140,888-ല്‍ ആരംഭിച്ച് SGD 165,888 വരെ പോകുന്നു. പുതിയ കോന ഇലക്ട്രിക്കിന്റെ ബാറ്ററി വലിപ്പങ്ങള്‍, പ്രകടനം, ശ്രേണി മുതലായവ മാറ്റമില്ലാതെ തുടരുന്നു.

ഇന്ത്യന്‍ വിപണിയില്‍ പുതിയ ഹ്യുണ്ടായി കോന ഇലക്ട്രിക് ലഭ്യത സംബന്ധിച്ച് കമ്പനി ഔദ്യോഗിക പ്രസ്താവനകളൊന്നും പുറത്തുവിട്ടിട്ടില്ല. രാജ്യത്ത് വില്‍പ്പനയ്ക്കെത്തിക്കുന്ന ഇലക്ട്രിക് കാറിന്റെ നിലവിലെ മോഡല്‍ രണ്ട് വേരിയന്റുകളില്‍ ലഭ്യമാണ്.

ഓട്ടോമാറ്റിക് പ്രീമിയം ട്രിമിന് 23.77 ലക്ഷം രൂപയും, ഓട്ടോമാറ്റിക് പ്രീമിയം ഡ്യുവല്‍ ടോണ്‍ മോഡലിന് 23.96 ലക്ഷം രൂപയുമാണ് എക്‌സ്‌ഷോറൂം വില. വിപണിയില്‍ എംജി ZS ഇവി, ടാറ്റ നെക്‌സോണ്‍ ഇവി എന്നിവയ്‌ക്കെതിരെയാണ് ഇത് മത്സരിക്കുന്നത്.

ഇലക്ട്രിക് എസ്‌യുവിയെക്കുറിച്ച് പറയുമ്പോള്‍, ഹ്യുണ്ടായി കോനയില്‍ 39.2 കിലോവാട്ട്‌സ് ലിഥിയം അയണ്‍ ബാറ്ററി പായ്ക്കാണ് ഘടിപ്പിച്ചിരിക്കുന്നത്. പവര്‍ട്രെയിന്‍ 135 bhp കരുത്തും 394 Nm torque ഉം ഉത്പാദിപ്പിക്കുന്നു.

പവര്‍ട്രെയിന്‍ പരമാവധി 452 കിലോമീറ്റര്‍ പരിധി വാഗ്ദാനം ചെയ്യുന്നു, സ്റ്റാന്‍ഡേര്‍ഡ് എസി ചാര്‍ജര്‍ ഉപയോഗിച്ച് ബാറ്ററി പായ്ക്ക് പൂര്‍ണ്ണ ചാര്‍ജായി 6 മണിക്കൂര്‍ വരെ സമയം എടുക്കും. എന്നാല്‍ ഡിസി ഫാസ്റ്റ് ചാര്‍ജിംഗ് വഴി 57 മിനിറ്റിനുള്ളില്‍ 0 മുതല്‍ 80 ശതമാനം വരെ ബാറ്ററികള്‍ ചാര്‍ജ് ചെയ്യാനുള്ള ഓപ്ഷനും കോന ഇലക്ട്രിക്കില്‍ ഹ്യുണ്ടായി വാഗ്ദാനം ചെയ്യുന്നു.