മെയ് മാസത്തിൽ തെരഞ്ഞെടുത്ത മോഡലുകൾക്ക് തകർപ്പൻ ഓഫറുകളുമായി ഹ്യുണ്ടായി

ഹ്യുണ്ടായി സാൻട്രോ എറ ട്രിമിന് 10,000 രൂപയും മറ്റ് ട്രിമ്മുകൾക്ക് 20,000 രൂപ ക്യാഷ് ഡിസ്കൗണ്ടുമായി ലഭ്യമാണ്. ഇതുകൂടാതെ, ബ്രാൻഡിന്റെ എൻട്രി ലെവൽ ഹാച്ച്ബാക്കിന് 10,000 രൂപ എക്സ്ചേഞ്ച് ബോണസും 5,000 രൂപ കോർപ്പറേറ്റ് കിഴിവ് നിർമ്മാതാക്കൾ വാഗ്ദാനം ചെയ്യുന്നു.

ഗ്രാൻഡ് i10 നിയോസിനെ സംബന്ധിച്ചിടത്തോളം, വ്യത്യസ്ത വേരിയന്റുകളിൽ ക്യാഷ് ഡിസ്കൗണ്ടിന്റെ മൂല്യം വ്യത്യസ്തമാണ്. i10 നിയോസിന്റെ 1.0 ലിറ്റർ ടർബോ-പെട്രോൾ വേരിയന്റുകൾക്ക് 35,000 രൂപ ക്യാഷ് ഡിസ്കൗണ്ട് ഉണ്ട്. സിഎൻജി വേരിയന്റുകളിൽ കിഴിവുകൾ ഒന്നും തന്നെ കമ്പനി നൽകുന്നില്ല.

1.2 ലിറ്റർ പെട്രോൾ, 1.2 ലിറ്റർ ഡീസൽ മോഡലുകളിൽ മാനുവൽ വേരിയന്റുകളിൽ 15,000 രൂപയും, AMT -ൽ 10,000 രൂപ ക്യാഷ് ഡിസ്കൗണ്ടും ലഭ്യമാണ്. ഇത് കൂടാതെ വേരിയൻറ് പരിഗണിക്കാതെ 10,000 രൂപ എക്സ്ചേഞ്ച് ബോണസ് 5,000 രൂപ കോർപ്പറേറ്റ് കിഴിവും ഓഫർ ചെയ്യുന്നു.

ഹ്യുണ്ടായി ഓറയ്ക്ക് ഗ്രാൻഡ് i10 നിയോസിന്റെ അതേ ഡീലുകളുണ്ട്. സി‌എൻ‌ജി മോഡലുകൾ‌ക്ക് ആനുകൂല്യങ്ങളൊന്നുമില്ല. 1.0 ലിറ്റർ ടർബോ-പെട്രോൾ മോഡലുകൾ‌ക്ക് സമാനമായ 35,000 രൂപ ക്യാഷ് ഡിസ്കൗണ്ട് ലഭിക്കുന്നു.

സെഡാന്റെ 1.2 ലിറ്റർ പെട്രോൾ, 1.2 ലിറ്റർ ഡീസൽ മോഡലുകൾക്ക് മാനുവൽ വേരിയന്റുകളിൽ 15,000 രൂപയും, AMT വേരിയന്റുകളിൽ 10,000 രൂപയും നിർമ്മാതാക്കൾ വാഗ്ദാനം ചെയ്യുന്നു.

ഹ്യുണ്ടായി i20 -ക്ക് ഓഫറിൽ പണ കിഴിവുകളൊന്നുമില്ല. എന്നിരുന്നാലും, 1.0 ലിറ്റർ ടർബോ-പെട്രോൾ iMT, 1.5 ലിറ്റർ ഡീസൽ മാനുവൽ വേരിയന്റുകളിൽ 10,000 രൂപ എക്സ്ചേഞ്ച് ബോണസും 5,000 രൂപ കോർപ്പറേറ്റ് കിഴിവ് എന്നിവ ലഭ്യമാണ്. കൂടാതെ, AMT മോഡലുകൾക്ക് 12,999 രൂപ വിലമതിക്കുന്ന അഞ്ച് വർഷം / 60,000 കിലോമീറ്റർ ഷീൽഡ് വാറന്റി സൗജന്യമായി ലഭിക്കും.

ഹ്യൂണ്ടായി കോന ഇവിക്ക് 1.5 ലക്ഷം ക്യാഷ് ഡിസ്കൗണ്ട് ലഭ്യമാണ്, എന്നാൽ മറ്റ് ഡീലുകളൊന്നും ഇതിൽ ലഭ്യമല്ല. എക്സെൻറ് പ്രൈം വാണിജ്യ മോഡലിന് 50,000 രൂപ കിഴിവ് ഹ്യുണ്ടായി വാഗ്ദാനം ചെയ്യുന്നു. മറ്റെല്ലാ ഹ്യുണ്ടായി മോഡലുകളിലും ഈ മാസം ഔദ്യോഗിക ഓഫറുകളൊന്നും ലഭ്യമല്ല.