ഓഗസ്റ്റ് 19 -ന് അരങ്ങേറ്റം കുറിക്കാനൊരുങ്ങി പെർഫോമൻസ് അതിഷ്ടിത ഹ്യുണ്ടായി എലാൻട്ര N

പുതിയ എലാൻട്ര N റേസ് ട്രാക്ക് പെർഫോമെൻസും ദൈനംദിന പ്രായോഗികതയും സംയോജിപ്പിക്കുന്നുവെന്ന് ഹ്യുണ്ടായി അറിയിക്കുന്നു. 2.0 ലിറ്റർ നാല് സിലിണ്ടർ ടർബോചാർജ്ഡ് എൻജിൻ 276 bhp കരുത്തും 392 Nm പരമാവധി torque ഉം പുറപ്പെടുവിക്കുന്നു.

സ്റ്റാൻഡേർഡായി, ഇത് ആറ് സ്പീഡ് മാനുവൽ ഗിയർബോക്‌സുമായി വരുന്നു. ഓപ്ഷണൽ എട്ട് സ്പീഡ് വെറ്റ് ഡ്യുവൽ-ക്ലച്ച് ട്രാൻസ്മിഷനും കാറിൽ ലഭ്യമാണ്. 5.3 സെക്കൻഡിൽ സെഡാന് 100 കിലോമീറ്റർ വേഗത കൈവരിക്കാനാകുമെന്നും ഹ്യുണ്ടായി വ്യക്തമാക്കുന്നു.

ദക്ഷിണ കൊറിയൻ വാഹനനിർമ്മാതാക്കൾ സ്പോർട്സ് സെഡാനിൽ ഇലക്ട്രോണിക് ലിമിറ്റഡ്-സ്ലിപ്പ് ഡിഫറൻഷ്യൽ സജ്ജീകരിച്ചിരിക്കുന്നു.

14.1 ഇഞ്ച് ഫ്രണ്ട് റോട്ടറുകളിൽ നിന്നാണ് എലാൻട്ര N -ന്റെ സ്റ്റോപ്പിംഗ് പവർ വരുന്നത്. 245/35ZR 19 മിഷേലിൻ പൈലറ്റ് 4S ടയറുകൾക്ക് പിന്നിലായി സ്ഥിതി ചെയ്യുന്ന ബ്രേക്ക് പാഡുകൾ ഇതിൽ അപ്ഗ്രേഡ് ചെയ്തിട്ടുണ്ട്.

കൂടാതെ ഇതിന് ഒരു വേരിയബിൾ എക്‌സ്‌ഹോസ്റ്റ് വാൽവ് സംവിധാനവുമുണ്ട്. മാത്രമല്ല, DCT വേരിയന്റുകൾക്ക് മാത്രമുള്ള ഒരു NGS ബട്ടണും ഇതിലുണ്ട്. ഈ ബട്ടൺ സെഡാന്റെ കരുത്ത് 20 സെക്കൻഡ് വരെ 9.8 bhp വർധിപ്പിക്കുന്നു.

ക്യാബിനുള്ളിൽ, എലാൻട്ര N ഒരു നൂതന N-ഒള്ളി UX ഇന്റർഫേസ് ഇൻഫോടെയ്ൻമെന്റ് സിസ്റ്റവുമായി വരുന്നു. ഈ ഇന്റർഫേസ് ഉപയോക്താക്കൾക്ക് ഒരു പുതിയ കൺസെപ്റ്റ് സർക്യൂട്ട് ഡ്രൈവിംഗ് അനുഭവം നൽകുന്നുവെന്ന് ഹ്യുണ്ടായി അവകാശപ്പെടുന്നു.

ഓയിൽ, കൂളന്റ് ടെമ്പറേച്ചർ, torque, ടർബോ പ്രഷർ, ലാപ് ടൈമർ, N ട്രാക്ക് മാപ്പ് എന്നിവ പോലുള്ള ഹൈസ്പീഡ് സർക്യൂട്ട് ഡ്രൈവിംഗിന് ആവശ്യമായ വിവരങ്ങൾ ഇത് പങ്കിടുന്നു. സർക്യൂട്ടിലെ ഡ്രൈവറുടെ സ്ഥാനവും ചലനവും തത്സമയം രേഖപ്പെടുത്തുന്നു.

ഏറെ പ്രതീക്ഷയോടെ കാത്തിരുന്ന പൊതു അരങ്ങേറ്റത്തോടെ, ഹ്യുണ്ടായി സ്പോർട്സ് സെഡാന്റെ വില വെളിപ്പെടുത്തുമെന്ന് പ്രതീക്ഷിക്കുന്നു.

മറ്റ് അനുബന്ധ വാർത്തകളിൽ ഇന്ത്യൻ വിപണിയിൽ പുത്തൻ മൈക്രോ എസ്‌യുവി അവതരിപ്പിക്കാനുള്ള ഒരുക്കത്തിലാണ്. കാസ്പർ എന്ന് പേരിട്ടിരിക്കുന്ന ഈ മോഡൽ സെപ്റ്റംബറോടെ ഇന്ത്യൻ വിപണിയിൽ എത്തുമെന്ന് പ്രതീക്ഷിക്കുന്നു.