ഡിസൈൻ, പെർഫോമെൻസ് പരിഷ്കരണങ്ങളുമായി എക്സ്സയിന്റ് ഫ്യുവൽ സെൽ ട്രക്ക് അവതരിപ്പിച്ച് ഹ്യുണ്ടായി

ലോകത്തിലെ ആദ്യത്തെ വൻതോതിൽ ഉൽപ്പാദിപ്പിക്കുന്ന ഹൈഡ്രജൻ പവർഡ് ഹെവി-ഡ്യൂട്ടി ട്രക്കിന്റെ നവീകരിച്ച ചിത്രങ്ങൾ കമ്പനി പുറത്തിറക്കി. പുതിയ മോഡൽ ഈ വർഷം ഓഗസ്റ്റിൽ ഉത്പാദനം ആരംഭിക്കും.

ഫ്യുവൽ സെൽ ട്രക്കിന്റെ പുതുക്കിയ ബാഹ്യ രൂപകൽപ്പന അതിന്റെ ചലനാത്മകവും പരിസ്ഥിതി സൗഹൃദവുമായ പ്രഭാവലയം പ്രകടിപ്പിക്കുന്നു.

ക്രോം വിശദാംശങ്ങളുടെയും മൾട്ടി-ഡൈമൻഷണൽ മെഷ് പാറ്റേണുകളും അടങ്ങിയ 'V' ആകൃതിയിലുള്ള പുതിയ ബോൾഡ് റേഡിയേറ്റർ ഗ്രില്ല് ഇതിൽ അവതരിപ്പിക്കുന്നു. ഗ്രില്ലിന് ചുറ്റുമുള്ള ബ്ലൂ പോയിന്റും ഡെക്കൽ ഗ്രാഫിക്സും വാഹനത്തിന്റെ പരിസ്ഥിതി സൗഹൃദ ഹൈഡ്രജൻ പവറിനെ ദൃശ്യവൽക്കരിക്കുന്നു.

പുതുതായി പരിഷ്‌ക്കരിച്ച 2021 എക്സ്സയന്റ് ഹെവി-ഡ്യൂട്ടി ട്രക്കിൽ 180 കിലോവാട്ട് ഹൈഡ്രജൻ ഫ്യുവൽ സെൽ സംവിധാനമുണ്ട്, രണ്ട് 90 കിലോവാട്ട് ഫ്യുവൽ സെൽ സ്റ്റാക്കുകളാണ് ഈ ഹെവി-ഡ്യൂട്ടി ട്രക്ക് മോഡലിലുള്ളത്.

വാണിജ്യ ഫ്ലീറ്റ് ഉപഭോക്താക്കളുടെ ആവശ്യങ്ങൾക്കനുസൃതമായി ഫ്യുവൽ സെൽ സിസ്റ്റത്തിന്റെ ഈടും, വാഹനത്തിന്റെ മൊത്തത്തിലുള്ള ഇന്ധനക്ഷമതയും മെച്ചപ്പെടുത്തി. പരമാവധി 2,237 Nm torque പുറപ്പെടുവിക്കുന്ന 350 കിലോവാട്ട് ഇ-മോട്ടോർ ഡൈനാമിക് ഡ്രൈവിംഗ് പെർഫോമെൻസ് കൂടുതൽ പ്രാപ്തമാക്കുന്നു.

31 കിലോ ഇന്ധന സംഭരണ ​​ശേഷി നൽകുന്ന ഏഴ് വലിയ ഹൈഡ്രജൻ ടാങ്കുകൾ വാഹനത്തിന് ലഭിക്കുന്നു, 72 കിലോവാട്ട് ശേഷിയുള്ള മൂന്ന് ബാറ്ററികൾ ഒരു അധിക ഊർജ്ജ സ്രോതസ്സ് നൽകുന്നു. 2021 എക്സ്സയന്റ് ഫ്യുവൽ സെല്ലിന്റെ പരമാവധി ഡ്രൈവിംഗ് ശ്രേണി 400 കിലോമീറ്ററാണ്.

കഴിഞ്ഞ വർഷം ഹ്യുണ്ടായി മൊത്തം 46 യൂണിറ്റ് എക്സ്സയിന്റ് ഫ്യുവൽ സെൽ ട്രക്കുകൾ സ്വിറ്റ്സർലൻഡിലേക്ക് കയറ്റി അയച്ചിരുന്നു. 2025 ഓടെ യൂറോപ്പിൽ 1,600 ഹെവി-ഡ്യൂട്ടി ഫ്യുവൽ സെൽ ഇലക്ട്രിക് ട്രക്കുകൾ പുറത്തിറക്കാനുള്ള പദ്ധതിയുടെ ഭാഗമായി നവീകരിച്ച ട്രക്കുകളുടെ 140 യൂണിറ്റുകൾ ഈ വർഷം അവസാനത്തോടെ സ്വിറ്റ്സർലൻഡിലേക്ക് കയറ്റുമതി ചെയ്യാൻ ഒരുങ്ങുകയാണ്.

ഹൈഡ്രജൻ ട്രക്ക് ഈ വർഷം വടക്കേ അമേരിക്കൻ വിപണിയിൽ അവതരിപ്പിക്കാനും കമ്പനിക്ക് പദ്ധതിയുണ്ട്. ചൈനയിലെ കോർപ്പറേറ്റ്, സർക്കാർ ഉപഭോക്താക്കൾക്ക് ഫ്യുവൽ സെൽ സാങ്കേതികവിദ്യ അവതരിപ്പിക്കുന്നതിനുള്ള ഒന്നിലധികം ഓപ്ഷനുകൾ കമ്പനി ശ്രദ്ധാപൂർവ്വം അവലോകനം ചെയ്യുന്നു.

പരിസ്ഥിതി സൗഹൃദ ഹൈഡ്രജൻ സൊസൈറ്റിയെക്കുറിച്ചുള്ള കാഴ്ചപ്പാട് വർധിപ്പിക്കുന്നതിന് ഹ്യുണ്ടായി മോട്ടോർ ഫ്യുവൽ സെൽ സാങ്കേതികവിദ്യയിൽ 20 വർഷത്തിലേറെ എക്സ്പീരിയൻസ് വാഗ്ദാനം ചെയ്യുന്നു എന്ന് ഹ്യുണ്ടായി മോട്ടോർ കമ്പനിയിലെ കൊമേർഷ്യൽ വാഹന വിഭാഗം സിഇഒയും പ്രസിഡന്റുമായ ജഹൂൺ (ജെയ്) ചാങ് പറഞ്ഞു.