വിൽപ്പനയിൽ വൻ കുതിച്ചുചാട്ടം; ഫെബ്രുവരിയിൽ 259 ശതമാനം വളർച്ച നേടി ഹ്യുണ്ടായി വെർണ

പ്രതിവർഷ കണക്കിൽ 259 ശതമാനം വളർച്ചയാണ് ബ്രാൻഡ് കൈവരിച്ചിരിക്കുന്നത്. എന്നിരുന്നാലും, 2021 ജനുവരിയുമായി താരതമ്യപ്പെടുത്തുമ്പോൾ, പ്രതിമാസ വിൽപ്പനയിൽ ഒരു ശതമാനം കുറവുണ്ടായി.

ദക്ഷിണ കൊറിയൻ നിർമ്മാതാക്കൾ തങ്ങളുടെ എസ്‌യുവി ശ്രേണിയിൽ നിന്ന് നേട്ടങ്ങൾ കൊയ്യുന്നു. 12,428 യൂണിറ്റുകളോടെ ക്രെറ്റ കഴിഞ്ഞ മാസം രാജ്യത്ത് ഏറ്റവുമധികം വിറ്റഴിക്കപ്പെട്ട എസ്‌യുവിയായി മാറിയപ്പോൾ വെന്യു മൊത്തം 11,224 യൂണിറ്റുകളുടെ വിൽപ്പന രേഖപ്പെടുത്തി.

ഓറ, വെർണ, എലാൻട്ര എന്നിവ ഉൾപ്പെടുന്നതാണ് ഹ്യുണ്ടായിയുടെ സെഡാൻ ശ്രേണി. ഓറ കോംപാക്ട് സെഡാനും എലാൻട്ര പ്രീമിയം സെഡാനും ശ്രേണിയുടെ വിൽപ്പന വളർച്ചയെ സഹായിച്ചുവെങ്കിലും വെർണ വോളിയത്തിൽ വൻ കുതിച്ചുചാട്ടം നടത്തി.

2021 ഫെബ്രുവരിയിൽ ഹ്യുണ്ടായി 2,047 യൂണിറ്റ് വെർണ വിറ്റു. 2020 -ൽ ഇതേ കാലയളവിൽ ഇത് 570 യൂണിറ്റായിരുന്നു. വാർഷിക വിൽപ്പന 259 ശതമാനം വർധിച്ചു.

വെർണയെപ്പോലെ, കഴിഞ്ഞ മാസം സിറ്റിയും മൂന്ന് അക്ക വിൽപ്പന വളർച്ച രേഖപ്പെടുത്തി, ഈ വിഭാഗത്തിൽ 30 ശതമാനം വോളിയം വർധനവ് നേടുന്നതിൽ ഇരുവരും നിർണായക പങ്ക് വഹിച്ചു.

477 യൂണിറ്റുകൾക്ക് മാത്രമാണ് ഹ്യുണ്ടായി വെർണ ഹോണ്ട സിറ്റിയുടെ പിന്നിലായത്. നിലവിൽ, വെർണ E, S പ്ലസ്, SX, SX (O) വേരിയന്റുകളിൽ റീട്ടെയിൽ ചെയ്യുന്നു. 9.11 ലക്ഷം രൂപ മുതൽ 15.20 ലക്ഷം രൂപവരെയാണ് എക്സ്-ഷോറൂം വില.

1.5 ലിറ്റർ പെട്രോൾ, 1.5 ലിറ്റർ ഡീസൽ, 1.0 ലിറ്റർ ടർബോ പെട്രോൾ എഞ്ചിൻ എന്നിവ ഒന്നിലധികം ട്രാൻസ്മിഷൻ ഓപ്ഷനുകളോടെ ലഭ്യമാണ്.

അൽകാസർ ഏഴ് സീറ്റർ എസ്‌യുവിയുടെ ആഗോള പ്രീമിയർ ഉടൻ ഹ്യുണ്ടായി നടത്തും, ഈ വർഷം പകുതിയോടെ ആഭ്യന്തര വിപണിയിൽ വാഹനം വിൽപ്പനയ്‌ക്കെത്തും.

ഇതിന് പിന്നാലെ ഒരു മൈക്രോ എസ്‌യുവിയുമെത്താം, ഇത് മഹീന്ദ്ര KUV NXT -യ്ക്കെതിരെയും വരാനിരിക്കുന്ന ടാറ്റ HBX കൺസെപ്റ്റ് ബേസ്ഡ് പ്രൊഡക്ഷൻ മോഡലിനെതിരെയും മത്സരിക്കും.