Click it and Unblock the Notifications
വാണിജ്യ പിക്ക് അപ്പ് ശ്രേണിക്ക് വീണ്ടും വില വർധനയുമായി ഇസൂസു
ഉയർന്നു വരുന്ന മെറ്റീരിയൽ കോസ്റ്റും മറ്റ് ഉത്പാദന ചെലവുകളും പരിഹരിക്കാനായി പല വാഹന നിർമ്മാതാക്കളും ഈ വർഷത്തിന്റെ ആരംഭത്തിൽ തന്നെ തങ്ങളുടെ മോഡൽ നിരയിലുടനീളം വില വർധിപ്പിച്ചു.
ഇതേ തുടർന്ന് ജാപ്പനീസ് യൂട്ടിലിറ്റി വാഹന നിർമാതാക്കളായ ഇസൂസു, തങ്ങളുടെ മോഡൽ നിരയിലും വില വർധനവ് പ്രഖ്യാപിച്ചിരിക്കുകയാണ്.
2020 ഏപ്രിലിൽ പ്രാബല്യത്തിൽ വന്ന ബിഎസ് VI മാനദണ്ഡങ്ങൾക്ക് മുന്നോടിയായി ബ്രാൻഡ് തങ്ങളുടെ D-മാക്സ് V-ക്രോസ്, MU-X എന്നീ മോഡലുകൾ നിർത്തലാക്കിയിരുന്നു.
അതിനാൽ ഇപ്പോൾ ഇന്ത്യൻ വിപണിയിലുള്ള തങ്ങളുടെ വാണിജ്യ പിക്ക് അപ്പ് റേഞ്ച് D-മാക്സ് റെഗുലർ ക്യാബ്, D-മാക്സ് S-കാബ് എന്നിവയുടെ വിലകളാണ് കമ്പനി വർധിപ്പിക്കുന്നത്.
ഈ വില വർധനവ് ഏപ്രിൽ ഒന്നുമുതൽ പ്രാബല്യത്തിൽ വരുമെന്ന് ജാപ്പനീസ് വാഹന നിർമാതാക്കളായ ഇസൂസു അറിയിച്ചു.
ഉൽപ്പാദനം, ഗതാഗതം, ലോജിസ്റ്റിക്സ് എന്നിവയുടെ വർധിച്ചുവരുന്ന ചെലവാണ് വില വർധനവിന് കാരണമെന്ന് ഇസൂസു മോട്ടോർസ് ഇന്ത്യ പ്രസ്താവനയിൽ പറഞ്ഞു.
നിലവിൽ, D-മാക്സ് റെഗുലർ ക്യാബിന്റെ എക്സ്-ഷോറൂം വില 8.72 ലക്ഷം രൂപയിൽ ആരംഭിക്കുന്നു, D-മാക്സ് S-കാബിന്റെ വില 10.7 ലക്ഷം രൂപയിൽ തുടങ്ങുന്നു.
വർധിച്ചുവരുന്ന ഇൻപുട്ട്, വിതരണച്ചെലവുകൾ നികത്താൻ കമ്പനി ജനുവരിയിൽ രണ്ട് മോഡലുകളുടെ വില 10,000 രൂപ ഉയർത്തിയിരുന്നു.
വാണിജ്യ പിക്ക് അപ്പ് ശ്രേണിക്ക് പുറമെ, ലൈഫ്സ്റ്റൈൽ അഡ്വഞ്ചർ പിക്ക്അപ്പായ ഇസൂസു D-മാക്സ് V-ക്രോസ്, പേർസണൽ വെഹിക്കിൾ വിഭാഗത്തിലെ പ്രീമിയം ഏഴ് സീറ്റർ എസ്യുവിയായ ഇസൂസു MU-X എന്നിവയുടെ ബിഎസ് VI പതിപ്പുകൾ കമ്പനി ഉടൻ വിപണിയിൽ എത്തിക്കുമെന്ന് പ്രതീക്ഷിക്കുന്നു.
Continue with Google