LF-Z ഇലക്ട്രിഫൈഡ് കൺസെപ്റ്റ് അവതരിപ്പിച്ച് ലെക്സസ്

2025 -ഓടെ 20 പുതിയ വാഹനങ്ങൾ വിപണിയിലെത്തിക്കുമെന്നും അതിൽ 10 എണ്ണം മാത്രമാണ് പൂർണ്ണമായും ഇലക്ട്രിക്, ഹൈബ്രിഡ് അല്ലെങ്കിൽ ഹൈഡ്രജൻ പവറിലുള്ളതെന്നും കമ്പനി അറിയിച്ചു.

മെക്കാനിക്സിന്റെ അളവുകളുടെ ചെറിയ മാറ്റങ്ങൾ വഴി സാധ്യമാക്കിയ ഒരു പുതിയ സ്റ്റൈലിസ്റ്റിക് സമീപനത്തിന്റെ ഫലമാണ് വാഹനത്തിന്റെ ഡിസൈൻ. കൺസെപ്റ്റ് കാർ അതിന്റെ രൂപത്തിൽ ആംഗുലാറും ഫ്യൂച്ചറിസ്റ്റിക്കുമാണ്.

മിക്ക ആധുനിക ലെക്സസ് വാഹനങ്ങളേക്കാളും ഇത് ചെറുതാണ്, മാത്രമല്ല കമ്പനിയുടെ ഐതിഹാസിക വമ്പൻ ഗ്രില്ലിന്റെ വിപരീതവും അവതരിപ്പിക്കുന്നു. ബ്ലാക്ക് ഡയമണ്ട് ഗ്രിഡ് പാറ്റേണിനുപകരം, പരന്ന സിൽവർ ബോഡി നോസിൽ ഒരു ത്രികോണാകൃതി ചിത്രീകരിക്കുന്നു.

നിരവധി ആധുനിക ഇ‌വികൾ‌ സ്വീകരിച്ച രൂപകൽപ്പന പോലെ, LF-Z -ന്റെ പിൻ‌ഭാഗത്ത് തുടർച്ചയായ ലൈറ്റ് ബാർ‌ നൽകിയിരിക്കുന്നു. വാഹനത്തിന്റെ മുകളിൽ ഒരു പനോരമിക് ഗ്ലാസ് റൂഫുമുണ്ട്.

നിരവധി കൺസെപ്റ്റ് കാറുകൾ കണ്ടവർക്ക് പരിചിതമാണെങ്കിലും ഇന്റീരിയർ കൂടുതൽ സമൂലമാണ്. ഷെൽ സീറ്റുകൾക്ക് സവിശേഷമായ ജ്യോമട്രിക് രൂപമുണ്ട്, അവയ്ക്ക് ചുറ്റും വിവിധ ലൈറ്റിംഗ് ഘടകങ്ങളും ഒരുക്കിയിരിക്കുന്നു. സ്റ്റിയറിംഗ് വീലിനെ കെട്ടിപ്പുണരുന്ന സ്‌ക്രീനുകളുടെ ക്ലസ്റ്റർ ഒഴികെ മറ്റുള്ളവ വളരെ വിരളമാണ്.

LF-Z ഇലക്ട്രിഫൈഡ് കൺസെപ്റ്റ് കാറിന് പരമാവധി 544 bhp കരുത്തും 700 Nm torque ഉം പുറപ്പെടുവിക്കാൻ കഴിയുമെന്ന് ലെക്സസ് അവകാശപ്പെടുന്നു. വാഹനത്തിന്റെ ഭാരം 2,100 കിലോഗ്രാമാണ്.

150 കിലോവാട്ട് ചാർജർ ഉപയോഗിച്ച് ചാർജ് ചെയ്യാൻ കഴിയുന്ന 90 കിലോവാട്ട് ബാറ്ററിക്ക് സിംഗിൾ ചാർജിൽ 600 കിലോമീറ്റർ ശ്രേണി വാഗ്ദാനം ചെയ്യും എന്നി ബ്രാൻഡ് അവകാശപ്പെടുന്നു.

3.0 സെക്കൻഡിനുള്ളിൽ ഇതിന് പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കാൻ കഴിയും, ഉയർന്ന വേഗത മണിക്കൂറിൽ 200 കിലോമീറ്ററാണ്.

ഒരു കൺസെപ്റ്റ് കാർ എന്ന നിലയിൽ, LZ-F സവിശേഷതകളെക്കാൾ ഉപരി കൂടുതൽ ഐഡിയകളെക്കുറിച്ചാണ്.