Just In
- 26 min ago ഓഫ്റോഡറുകളുടെ രാജാവിൻ്റെ പുതിയമുഖം! 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ റിവ്യൂ വായിക്കാം
- 37 min ago ആക്ടിവ ഇവിയ്ക്ക് വെല്ലുവിളിയായി സുസുക്കി രംഗത്ത്; കട്ട കോംപറ്റീഷനായി ഇ -ആക്സസും അണിയറയിൽ
- 1 hr ago വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം
- 3 hrs ago ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ
Don't Miss
- Sports IPL 2024: സഞ്ജുവിന്റെ വിക്കറ്റ് ഞാനും നേടിയിട്ടുണ്ട്, അന്ന് അവന് 16 വയസ്; ഓര്മ പുതുക്കി അക്രം
- Finance 15x15x15 - കോടിപതിയാകാൻ ഒരു സൂത്രവാക്യം
- Movies മൂപ്പര്ക്ക് ആരെയും ഒന്നിനെയും പേടിയില്ല! മോഹന്ലാലില് നിന്നും ഇനിയും അത്ഭുതം പ്രതീക്ഷിക്കാമെന്ന് ഹരീഷ് പേരടി
- Lifestyle മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര്
- News അനധികൃത ഐപിഎൽ സ്ട്രീമിംഗ് കേസ്; നടി തമന്നയ്ക്ക് നോട്ടീസ്, ചോദ്യം ചെയ്യലിന് ഹാജരാകാൻ നിർദ്ദേശം
- Technology കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
അണിയറയില് ഒരുങ്ങുന്നത് വന് പദ്ധതികള്; Javelin എന്ന പേര് ട്രേഡ്മാര്ക്ക് ചെയ്ത് Mahindra
ആഭ്യന്തര നിര്മാതാക്കളായ Mahindra രാജ്യത്ത് കൂടുതല് ശക്തരാകാനൊരുങ്ങുകയാണ്. ഇതിന്റെ ഭാഗമായി വന് പദ്ധതികളാണ് കമ്പനി അണിയറയില് ഒരുക്കുന്നതും.
അടുത്ത ആറ് വര്ഷത്തിനുള്ളില് മഹീന്ദ്ര 9 പുതിയ എസ്യുവികള് പുറത്തിറക്കുമെന്നാണ് അടുത്തിടെ നടന്ന 2021 -ലെ വാര്ഷിക അനലിസ്റ്റ് മീറ്റില് കമ്പനി വെളിപ്പെടുത്തിയത്.
ഇതിന്റെ ആദ്യപടിയാണ് വരും ആഴ്ചകളില് വില്പ്പനയ്ക്ക് എത്താനിരിക്കുന്ന പുതിയ XUV700. 11.99 ലക്ഷം രൂപ എക്സ്ഷോറൂം വിലയ്ക്കാണ് മോഡലിനെ കമ്പനി അവതരിപ്പിക്കുന്നത്. കൂടാതെ 5, 7 സീറ്റിംഗ് കോണ്ഫിഗറേഷനുകളില് വാഹനം ലഭ്യമാകുമെന്നും കമ്പനി അറിയിച്ചിട്ടുണ്ട്.
ഇത്തരത്തില് നിരവധി മോഡലുകളാണ് ബ്രാന്ഡില് നിന്നും വിപണിയിലെത്താനൊരുങ്ങുന്നത്. പുതിയ എസ്യുവിയുടെ സമാരംഭത്തിന് മുമ്പായി ഇപ്പോഴിതാ നിര്മാതാക്കള് പുതിയൊരു മോഡലിനായുള്ള പേര് ട്രേഡ്മാര്ക്ക് ചെയ്തു.
ഇന്ത്യയില് 'Javelin' എന്ന പേരിനായിട്ടാണ് കമ്പനി ട്രേഡ്മാര്ക്ക് ഫയല് ചെയ്തിരിക്കുന്നത്. 'Mahindra Javelin', 'Javelin by Mahindra' എന്നീ രണ്ട് പേരുകള്ക്കായിട്ടാണ് ട്രേഡ്മാര്ക്ക് ഫയല് ചെയ്തിരിക്കുന്നത്.
ഇപ്പോള്, Javelin എന്ന വാക്ക് കേള്ക്കുമ്പോള്, 2021 ഓഗസ്റ്റ് 7 ന് 2020 ടോക്കിയോ ഒളിമ്പിക്സില് സ്വര്ണ്ണ മെഡല് നേടിയ ഒളിമ്പ്യന് നീരജ് ചോപ്ര ഓര്മ്മ വരുമെന്ന് വേണം പറയാന്. രണ്ട് പേരുകള്ക്കുമുള്ള വ്യാപാരമുദ്ര അപേക്ഷ ഓഗസ്റ്റ് 9 നാണ് കമ്പനി ഫയല് ചെയ്തിരിക്കുന്നത്.
കായികതാരത്തിന്റെ പ്രകടനത്തെ അഭിനന്ദിച്ച് ഒരു XUV700 സമ്മാനിക്കുമെന്ന് Mahindra മുമ്പ് പ്രഖ്യാപിച്ചിരുന്നു. ഈ ട്രേഡ്മാര്ക്ക് ഫയലിംഗ് XUV700-മായി നന്നായി ബന്ധപ്പെട്ടിരിക്കുമെന്ന് വിശ്വസിക്കാന് ഇത് പ്രേരിപ്പിക്കുന്നുവെന്ന് വേണം പറയാന്.
ഒരുപക്ഷേ ഈ വരാനിരിക്കുന്ന എസ്യുവിയുടെ പെര്ഫോമെന്സ്-സ്പെക്ക് പതിപ്പിനായി അല്ലെങ്കില് ഒരു പ്രത്യേക പതിപ്പിനായി നിര്മ്മാതാവ് ഉപയോഗിച്ചേക്കാമെന്നും റിപ്പോര്ട്ടുകള് സൂചന നല്കുന്നു.
വരാനിരിക്കുന്ന XUV700- ന്റെ ഏറ്റവും അടുത്ത എതിരാളികളിലൊന്നായ Tata Safari-ക്ക് പ്രത്യേക 'അഡ്വഞ്ചര് പേഴ്സണ' പതിപ്പും വില്പ്പനയിലുണ്ട് എന്നത് ശ്രദ്ധിക്കുമ്പോഴാണ് ഇക്കാര്യം കൂടുതല് വ്യക്തമാക്കുന്നത്.
ഈ പ്രത്യേക പതിപ്പിന് വിഷ്വല് അപ്ഗ്രേഡുകള് മാത്രമേ ലഭിക്കൂ, കൂടാതെ വാഹനത്തില് മെക്കാനിക്കല് മാറ്റങ്ങളൊന്നും തന്നെ കമ്പനി നല്കിയേക്കില്ല. എസ്യുവിക്കായി ഒരു 'Javelin' പതിപ്പ് അവതരിപ്പിച്ചുകൊണ്ട് Mahindra-ക്ക്, Tata-യുടേതിന് സമാനമായ ഒരു വഴി സ്വീകരിക്കാന് കഴിയും.
കൂടാതെ, ഒരു വിഷ്വല് അപ്ഗ്രേഡിന് പകരം, ഇത് XUV700-ന്റെ പ്രകടന ട്രിം ആകാം. ഈ പേരിന്റെ മറ്റൊരു സാധ്യമായ ഉപയോഗം ഒരു കൂപ്പെ-സ്റ്റൈല് എസ്യുവിയുമായിരിക്കാം. Mahindra-യുടെ ആദ്യത്തെ എസ്യുവി കൂപ്പെയുടെ വികസനം ഇതിനകം തന്നെ, W620 എന്ന രഹസ്യനാമത്തിലാണ്.
ഈ Javelin എന്ന പേര് കമ്പനി ഇവിടെയും ഉപയോഗിച്ചേക്കുമെന്നും സൂചനകളുണ്ട്. അവസാനമായി, ഇത് തികച്ചും പുതിയ ഉല്പ്പന്നത്തിന്റെ പേരായിരിക്കാമെന്നും റിപ്പോര്ട്ടില് പറയുന്നു. ധാരാളം മോഡലുകള് കമ്പനി വിപണിയില് അവതരിപ്പിക്കാന് പദ്ധതിയിട്ടിരിക്കുന്നതായി തുടക്കത്തില് തന്നെ വ്യക്തമാക്കിയിരുന്നു.
ഇത്തരത്തില് വരാനിരിക്കുന്ന ഏതെങ്കിലും മോഡലുകള്ക്കായി കാത്തുവെച്ചിരിക്കുന്ന പേരാണോ ഇതെന്നതും കാത്തിരുന്ന് തന്നെ കാണേണ്ടതുണ്ട്. തീര്ച്ചയായും, ഇതെല്ലാം ഊഹാപോഹങ്ങളാണ്, ഉറപ്പുവരുത്തുന്നതിനുമുമ്പ് കൂടുതല് വിവരങ്ങള് ലഭ്യമാകുന്നതുവരെ ഇനിയും കാത്തിരിക്കണം.
ഓരോ ട്രേഡ്മാര്ക്ക് ഫയലിംഗും ഒരു ഉല്പാദന മാതൃകയില് ഉണ്ടാകുന്നില്ല എന്നതും ശ്രദ്ധിക്കേണ്ടതാണ്. XUV700-യുടെ അവതരണത്തിന് പിന്നാലെ ഏറ്റവും പുതിയ Scorpio-യുടെ അവതരണവും ഉണ്ടായിരിക്കുമെന്ന് കമ്പനി അറിയിച്ചിട്ടുണ്ട്.
നിലവില് വരാനിരിക്കുന്ന എസ്യുവിയുടെ പരീക്ഷണയോട്ടം നിരത്തുകളില് സജീവമാണ്. നിലവില് വിപണിയില് ഉള്ള മോഡലിനേക്കാള് വലിയ മാറ്റങ്ങളോടെയാകും പുതുതലമുറ Scorpio വിപണിയില് എത്തുക.
പുതിയ Scorpio-യുടെ അകത്തും പുറത്തും തികച്ചും പുതിയ ഡിസൈന് തന്നെയാകും കമ്പനി അവതരിപ്പിക്കുക. എഞ്ചിനിലും മാറ്റങ്ങള് പ്രതീക്ഷിക്കാം. പുതുതലമുറ Thar-ല് കാണുന്നതു പോലെ പെട്രോള്, ഡീസല് പവര്ട്രെയിന് ലഭിക്കുമെന്നാണ് പ്രതീക്ഷിക്കുന്നത്.
2.0 ലിറ്റര് ടര്ബോ പെട്രോള്, 2.2 ലിറ്റര് ടര്ബോ ഡീസല് എഞ്ചിനുകളാകും വാഹനത്തിന് കരുത്ത് നല്കുക. ഈ രണ്ട് യൂണിറ്റുകളും മാനുവല്, ഓട്ടോമാറ്റിക് ഗിയര്ബോക്സ് ഓപ്ഷനുകളിലാകും ലഭിക്കു. ഉയര്ന്ന പതിപ്പില് ഫോര്-വീല് ഡ്രൈവ് സിസ്റ്റം വാഗ്ദാനം ചെയ്യുമെന്ന് പ്രതീക്ഷിക്കാം.