മോഡൽ നിരയിലുടനീളം വിലകൾ പുതുക്കി മഹീന്ദ്ര

മഹീന്ദ്ര സ്കോർപിയോ, XUV 500 എന്നിവയ്ക്ക് യഥാക്രമം 26,000 രൂപയും 25,000 രൂപയുമാണ് വിലവർധനവ് ഉണ്ടായിരിക്കുന്നത്. വിലവർധനവിന് ശേഷം എൻട്രി ലെവൽ സ്കോർപിയോ S5 വേരിയന്റിന് 12.68 ലക്ഷം രൂപയും ടോപ്പ് എൻഡ് S11 -ന് 16.53 ലക്ഷം രൂപയുമാണ് എക്സ്-ഷോറൂം വില.

നിലവിലെ തലമുറ XUV 500 വില 13.83 ലക്ഷം മുതൽ 19.56 ലക്ഷം രൂപ വരെയാണ്. 2021 മാർച്ചിലോ ഏപ്രിലിലോ എസ്‌യുവിക്ക് ഒരു തലമുറ മാറ്റം ലഭിക്കും.

മെർസിഡീസിന് സമാനമായ ടച്ച്‌സ്‌ക്രീൻ സിസ്റ്റം, ADAS (അഡ്വാൻസ്ഡ് ഡ്രൈവർ അസിസ്റ്റന്റ് സിസ്റ്റം), 3D പനോരമിക് വിഷൻ, ഐലിഡ് ട്രാക്കിംഗ്, കൂടുതൽ ശക്തമായ എഞ്ചിനുകൾ എന്നിവയുൾപ്പെടെ നിരവധി നൂതന സവിശേഷതകൾ പുതിയ മോഡലിന് ലഭിക്കും.

മഹീന്ദ്ര XUV 300 -ന്റെ വില 65,000 രൂപയായി ഉയർത്തി. XUV 300 W6 മാനുവൽ, W8 പെട്രോൾ വേരിയന്റുകൾക്ക് ഇപ്പോൾ യഥാക്രമം 9.40 ലക്ഷം, 10 ലക്ഷം രൂപയാണ് എക്സ്-ഷോറൂം വില.

മറ്റ് പെട്രോൾ മോഡലുകളുടെ വിലയിൽ മാറ്റമില്ല. എൻട്രി ലെവൽ W4 ഡീസൽ വേരിയന്റിനൊഴിയെ, എല്ലാ ഡീസൽ മോഡലുകൾക്കും 42,000 രൂപ വരെ വില ഉയരും.

B4, B6, B6 (O) എന്നീ മൂന്ന് വേരിയന്റുകളിലാണ് മഹീന്ദ്ര ബൊലേറോ എസ്‌യുവി ലൈനപ്പ് വരുന്നത്. ഇതിന്റെ നിലവിലെ വിലകൾ യഥാക്രമം 8.17 ലക്ഷം, 8.89 ലക്ഷം, 9.15 ലക്ഷം രൂപയുമാണ്.

വിലക്കയറ്റത്തിന് ശേഷം മഹീന്ദ്ര മറാസോ M2, M4, M6 ഏഴ് സീറ്റർ മോഡലുകൾക്ക് യഥാക്രമം 11.64 ലക്ഷം, 12.73 ലക്ഷം, 13.72 ലക്ഷം രൂപയാണ്. M2 എട്ട് സീറ്ററിന്റെ വില 11.64 ലക്ഷം രൂപയിൽ തുടരുമ്പോൾ M4, M6 മോഡലുകളുടെ വില 12.81 ലക്ഷം രൂപയും 13.80 ലക്ഷം രൂപയുമാണ്.

നാല് ട്രിമുകളിലായി വ്യാപിച്ചുകിടക്കുന്ന മഹീന്ദ്ര KUV 100 NXT മോഡൽ ലൈനപ്പ് ഇപ്പോൾ 5.87 ലക്ഷം രൂപ മുതൽ 7.48 ലക്ഷം രൂപ വരെയുള്ള വിലകളിൽ ലഭ്യമാണ്.