സുരക്ഷയിൽ ഒട്ടും വിട്ടുവീഴ്ച്ചയില്ല; GNCAP ഫൈവ് സ്റ്റാർ റേറ്റിംഗിന് സജ്ജമായി Mahindra XUV700

Published: Monday, October 11, 2021, 11:05 [IST]

മഹീന്ദ്ര അടുത്തിടെയാണ് XUV700 മിഡ്-സൈസ് എസ്‌യുവിയുടെ വില പ്രഖ്യാപിച്ചത്. വിലകൾ പ്രഖ്യാപിച്ച് രണ്ട് ദിവസത്തിനുള്ളിൽ 50,000 ബുക്കിംഗുകൾ ക്ലോക്ക് ചെയ്ത് എസ്‌യുവിക്ക് ഉപഭോക്താക്കളിൽ നിന്ന് മികച്ച പ്രതികരണമാണ് ലഭിച്ചത്.

11.99 ലക്ഷം രൂപയുടെ ആമുഖ വിലയിലാണ് എസ്‌യുവി അവതരിപ്പിച്ചത്, ഇത് 22.89 ലക്ഷം രൂപ വരെ ഉയരുന്നു. ആമുഖ വില ആദ്യ 25,000 ബുക്കിംഗ് വരെ മാത്രമേ ബാധകമായിരുന്നു എന്നതിനാൽ അതിന് ശേഷം വാഹനത്തിന് 50,000 രൂപ വരെ നിർമ്മാതാക്കൾ വില വർധിപ്പിച്ചു.

സുരക്ഷയിൽ ഒട്ടും വിട്ടുവീഴ്ച്ചയില്ല; GNCAP ഫൈവ് സ്റ്റാർ റേറ്റിംഗിന് സജ്ജമായി Mahindra XUV700

മഹീന്ദ്ര XUV700 -ന്റെ ഡീസൽ വേരിയന്റ് ഗ്ലോബൽ NCAP ടെസ്റ്റിൽ ഫൈവ്-സ്റ്റാർ റേറ്റിംഗ് നേടാൻ തയ്യാറാണെന്ന് ഒരു പുതിയ മാധ്യമ റിപ്പോർട്ട് അവകാശപ്പെടുന്നു. എന്നിരുന്നാലും, പെട്രോൾ വേരിയന്റ് ഒരു "ബോർഡർലൈൻ കേസ്" ആയിരിക്കാം.

കമ്പനി ഡീസൽ വേരിയന്റ് GNCAP -ക്ക് അയയ്ക്കും. മഹീന്ദ്ര പെട്രോൾ വേരിയന്റിൽ GNCAP ടെസ്റ്റിൽ ഫൈവ്-സ്റ്റാർ സുരക്ഷ റേറ്റിംഗ് നേടിയെടുക്കാനുള്ള ശ്രമത്തിലാണെന്നാണ് റിപ്പോർട്ട് സൂചിപ്പിക്കുന്നു.

2021 ഒക്ടോബർ 31 -നും നവംബർ 6 -നും ഇടയിൽ പുതിയ മഹീന്ദ്ര XUV700 ഡെലിവറികൾ ആരംഭിക്കുമെന്ന് പ്രതീക്ഷിക്കുന്നു. ഈ വർഷം അവസാനിക്കുന്നതിന് മുമ്പ് 10,000 യൂണിറ്റുകളും 2022 ഫെബ്രുവരി അവസാനിക്കുന്നതിന് മുമ്പ് 25,000 യൂണിറ്റുകളും എത്തിക്കാനാണ് മഹീന്ദ്ര ലക്ഷ്യമിടുന്നത്.

റെഡ് റേജ് കളർ വേരിയന്റ് ഉടൻ തന്നെ ലഭ്യമാകുമെന്ന് റിപ്പോർട്ട് അവകാശപ്പെടുന്നു, തുടർന്ന് ഡാസ്ലിംഗ് സിൽവറും എത്തും. വാഹനത്തിന്റെ മിഡ്‌നൈറ്റ് ബ്ലാക്ക് കളർ ഓപ്ഷനുള്ള കാത്തിരിപ്പ് കാലയളവ് ഏറ്റവും ഉയർന്നതാണ്. റെഡ് റേജിലുള്ള മഹീന്ദ്ര XUV700- ന്റെ AX3, AX5 പെട്രോൾ ഓട്ടോമാറ്റിക് വകഭേദങ്ങൾ പരിമിതമായ കാത്തിരിപ്പ് കാലയളവോടെ വിതരണം ചെയ്യും.

മഹീന്ദ്രയുടെ ചക്കൻ പ്ലാന്റിൽ നിലവിൽ XUV700 -കളുടെ ഒരു വലിയ ഇൻവന്ററിയുണ്ട്, അവസാന ഘട്ട ആൻഡ്രോയിഡ് ഓട്ടോ, ആപ്പിൾ കാർപ്ലേ സർട്ടിഫിക്കേഷനായി കാത്തിരിക്കുന്നു. 360 ഡിഗ്രി ക്യാമറ കൺവേർഷൻ കിറ്റ് ഡീലർ തലത്തിൽ വാഗ്ദാനം ചെയ്യാൻ സാധ്യതയുണ്ട്.

ഈ കൂട്ടിച്ചേർക്കലിന് ഫ്രണ്ട് ലോഗോയുടേയും രണ്ട് ORVM -കളുടേയും മാറ്റിസ്ഥാപിക്കൽ ഉൾപ്പെടെയുള്ള ചില പരിഷ്കാരങ്ങൾ ആവശ്യമാണ്. ഇതിനോടൊപ്പം, കുറച്ച് വയറിംഗ് ഹാർനെസുകളും സ്ഥാപിക്കേണ്ടി വരും.

മഹീന്ദ്ര XUV700 അഞ്ച്, ഏഴ് സീറ്റ് ലേയൗട്ടുകളിൽ ലഭ്യമാണ്. അഞ്ച് സീറ്റർ മോഡൽ ടാറ്റ ഹാരിയർ, എംജി ഹെക്ടർ, ഹ്യുണ്ടായി ക്രെറ്റ, കിയ സെൽറ്റോസ് എന്നിവയുടെ ഉയർന്ന വകഭേദങ്ങൾക്ക് എതിരായി മത്സരിക്കും.

ടാറ്റ സഫാരി, എംജി ഹെക്ടർ പ്ലസ്, ഹ്യുണ്ടായി അൽകാസർ എന്നിവയ്‌ക്കെതിരെയാണ് ഏഴ് സീറ്റർ മോഡൽ വരുന്നത്. 2.0 ലിറ്റർ നാല് സിലിണ്ടർ, എംസ്റ്റാലിയൻ ടർബോചാർജ്ഡ് പെട്രോൾ, 2.2 ലിറ്റർ നാല് സിലിണ്ടർ എംഹോക്ക് ടർബോചാർജ്ഡ് ഡീസൽ എന്നിങ്ങനെ രണ്ട് എഞ്ചിൻ ഓപ്ഷനുകളിലാണ് എസ്‌യുവി ലഭ്യമാകുന്നത്.

പെട്രോൾ എഞ്ചിൻ 200 bhp കരുത്തും 380 Nm പരമാവധി torque ഉം ഉത്പാദിപ്പിക്കും. MX പതിപ്പിനൊപ്പം155bhp/360Nm, അഡ്രെനോ-X AX ട്രിമ്മിൽ 185bhp/420Nm (AT ഉപയോഗിച്ച് 450Nm) എന്നിങ്ങനെ ഡീസൽ എഞ്ചിൻ രണ്ട് സ്റ്റേറ്റ് ട്യൂണുകൾ വാഗ്ദാനം ചെയ്യുന്നു. ട്രാൻസ്മിഷൻ ചോയിസുകളിൽ ആറ് സ്പീഡ് മാനുവൽ, ആറ് സ്പീഡ് ടോർക്ക് കൺവെർട്ടർ ഓട്ടോമാറ്റിക് എന്നിവ ഉൾപ്പെടുന്നു.