പുത്തൻ C-ക്ലാസ് L ലോംഗ് വീൽബേസ് മോഡൽ പുറത്തിറക്കി മെർസിഡീസ് ബെൻസ്

C-ക്ലാസ് സെഡാന്റെ ലോംഗ് വീൽബേസ് ആകർഷകമായ രൂപത്തിൽ മാത്രമല്ല, മെയ്ബാക്ക് നാമകരണത്തോടുകൂടിയ ഒരു പുതിയ മോഡലായി വരുന്നു. പുതുതലമുറ C-ക്ലാസ് സെഡാനെ അടിസ്ഥാനമാക്കിയാണ് മെർസിഡീസ് ബെൻസ് C-ക്ലാസ് L ഒരുക്കിയിരിക്കുന്നത്.

ജർമ്മൻ ആഢംബര കാർ നിർമ്മാതാക്കളുടെ ഏറ്റവും പുതിയ ഡിസൈൻ തത്ത്വചിന്ത പിന്തുടരുന്ന സ്ലീക്ക് ഹെഡ്‌ലാമ്പുകൾ കൊണ്ട് തികച്ചും പുതിയതും ക്ലാസിക് രൂപത്തിലുള്ളതുമായ ഫ്രണ്ട് ഗ്രില്ല് ഡിസൈനാണ് ഇതിൽ വരുന്നത്.

പേര് സൂചിപ്പിക്കുന്നത് പോലെ, പുതിയ മെർസിഡീസ് ബെൻസ് C-ക്ലാസ് L പിൻ യാത്രക്കാർക്ക് അധിക ലെഗ് റൂം നൽകുന്നു. കൂടാതെ, കാറിന്റെ പുറകുവശത്ത് പ്ലഷർ ഹെഡ് കൺട്രോളുകൾ, കൂടുതൽ വിശാലമായ സ്റ്റോറേജ് കമ്പാർട്ടുമെന്റുള്ള വലിയ ആംസ്ട്രെസ്റ്റ്, യുഎസ്ബി പോർട്ടുകൾ, കപ്പ് ഹോൾഡറുകൾ എന്നിവയുൾപ്പെടെയുള്ള സൗകര്യവും ഇത് വർധിപ്പിക്കുന്നു.

പുതിയ കംഫർട്ട് സസ്‌പെൻഷൻ മെർസിഡീസ് ബെൻസ് C-ക്ലാസ് L -ന് സുഗമവും സൗകര്യപ്രദവുമായ സവാരി വാഗ്ദാനം ചെയ്യുന്നു.

എന്നിരുന്നാലും, സൗണ്ട് പ്രൂഫിംഗ്, കംഫർട്ട് സസ്പെൻഷൻ സവിശേഷതകൾ ചൈനീസ് മാർക്കറ്റ്-സ്പെക്ക് മോഡലിൽ മാത്രമേ ലഭ്യമാകൂ എന്ന് വാഹന നിർമാതാക്കൾ അവകാശപ്പെടുന്നു.

C-ക്ലാസ് L -ന്റെ അളവുകൾ മെർസിഡീസ് ബെൻസ് വെളിപ്പെടുത്തിയിട്ടില്ല, എന്നാൽ ചൈനീസ് മാധ്യമങ്ങൾ ഇതിന് 4,882 mm നീളവും 1,820 mm വീതിയും 1,461 mm ഉയരവും അളക്കുന്നുവെന്ന് അവകാശപ്പെടുന്നു.

ചൈനയിൽ മാത്രമായി കാർ നിർമ്മിച്ച് വിൽക്കും. C200 L, C260 L എന്നിങ്ങനെ രണ്ട് ട്രിം ഓപ്ഷനുകളിൽ ഇത് ലഭ്യമാകും. C200 L -ന്റെ 1.5 ലിറ്റർ എഞ്ചിൻ 168 bhp കരുത്ത് ഉത്പാദിപ്പിക്കുമെന്ന് പ്രതീക്ഷിക്കുന്നു.

മൈൽഡ്-ഹൈബ്രിഡ് സിസ്റ്റവുമായി ജോടിയാക്കിയ 201 bhp 1.5 ലിറ്റർ എഞ്ചിൻ അല്ലെങ്കിൽ 201 bhp കരുത്ത് ഉത്പാദിപ്പിക്കുന്ന 2.0 ലിറ്റർ മോട്ടോർ C260 L -ന് ലഭിക്കും.

ഇരു C-ക്ലാസ് L വേരിയന്റുകളിലും ഒമ്പത് സ്പീഡ് ഓട്ടോമാറ്റിക് ട്രാൻസ്മിഷൻ ലഭിക്കും, അതേസമയം 4-മാറ്റിക് ഓൾ-വീൽ ഡ്രൈവ് സിസ്റ്റം ടോപ്പ്-സ്പെക്ക് മോഡലുകളിൽ ലഭ്യമാകും.