Hyundai Creta -ക്ക് വെല്ലുവിളിയായി MG Astor; കൂടുതൽ വിവരങ്ങൾ വെളിപ്പെടുത്തി പുത്തൻ സ്പൈ ചിത്രങ്ങൾ

ഒരു ചെറിയ റോബോട്ട് എന്ന് വിശേഷിപ്പിക്കാവുന്ന അത്യാധുനിക സാങ്കേതികവിദ്യയുമായി MG Astor ഇന്ത്യയിൽ വിൽപ്പനയ്‌ക്കെത്തുന്നു. ചെറിയ റോബോട്ട് എന്നത് ഈ കാറിൽ MG നൽകിയിട്ടുള്ള ആർട്ടിഫിഷ്യൽ ഇന്റലിജൻസ് സാങ്കേതികവിദ്യയാണ്. ഈ സാങ്കേതികവിദ്യയുടെ സഹായത്തോടെ നമുക്ക് വിവിധ പ്രവർത്തനങ്ങൾ ഓട്ടോമാറ്റിക്കായി ലഭിക്കും.

പ്രത്യേകിച്ചും, ആർട്ടിഫിഷ്യൽ ഇന്റലിജൻസ് സാങ്കേതികവിദ്യയ്ക്ക് മെസേജി വായിക്കുക, അനന്തമായ തമാശകൾ പങ്കുവെക്കുക, സംഭാഷണങ്ങൾ, മനുഷ്യനെപ്പോലുള്ള അനുകരണങ്ങൾ, വിക്കിപീഡിയ ലേർണിംഗ്, നാവിഗേഷൻ, മ്യൂസിക്ക്, കാർ വാർണിംഗുകൾ എന്നിവ ഉൾപ്പെടെ വിവിധ സവിശേഷതകൾ നൽകാൻ കഴിയും.

കൂടാതെ, ഓട്ടോണോമസ് ലെവൽ 2 സാങ്കേതികവിദ്യ Astor -ൽ ലഭ്യമാകും. അതിലൂടെ, നിങ്ങൾക്ക് അഡാപ്റ്റീവ് ക്രൂയിസ് കൺട്രോൾ, ഓട്ടോമാറ്റിക് ബ്രേക്കിംഗ്, പെഡസ്ട്രിയൻ അലാറം, ബ്രേക്ക് ഫീച്ചർ, നേർരേഖയിൽ ഓട്ടോമാറ്റിക് ഡ്രൈവ് തുടങ്ങിയവയും ചില അദൃശ്യ സവിശേഷതകളും ലഭിക്കും. Astor ഇന്ത്യയിൽ ഉടൻ അവതരിപ്പിക്കാൻ ഒരുങ്ങുകയാണ് MG. ഇതിനെത്തുടർന്ന്, കമ്പനി ഒരു തീവ്രമായ റോഡ് ടെസ്റ്റ് ഓട്ടത്തിൽ ഏർപ്പെട്ടിരുന്നു.

അത്തരത്തിൽ ഇന്ത്യയിലെ ഒരു പരുക്കൻ, പർവ്വത പാതയിൽ ചില പരീക്ഷണങ്ങൾക്കിടെയിലാണ് Astor കാറുകൾ ഞങ്ങളുടെ കണ്ണിൽ പെട്ടത്. ഇതിലൂടെ നമുക്ക് ചില സുപ്രധാന വിവരങ്ങൾ ലഭിച്ചു. ഈ കാറിൽ ഉപയോഗിച്ചിരിക്കുന്ന ഗ്രില്ല് സംവിധാനമാണ് അതിലൊന്ന്. കൺസെപ്റ്റ് മോഡലായി അവതരിപ്പിച്ചപ്പോൾ ഉപയോഗിച്ച അതേ ഗ്രില്ല് സിസ്റ്റം തന്നെയാണ് ഇപ്പോൾ സ്പൈ കാർ മോഡലുകളിലും അവതരിപ്പിച്ചിരിക്കുന്നത്.

കാറിന്റെ വശങ്ങൾ ആകർഷകമാക്കാൻ അഞ്ച് സ്പോക്ക് അലോയി വീലുകൾ നിർമ്മാതാക്കൾ ഉപയോഗിച്ചിരിക്കുന്നതായി കാണാം. തുടർന്ന്, സംയോജിത ഇൻഡിക്കേറ്ററോട് കൂടിയ റിയർ വ്യൂ മിററുകൾ കാറിന്റെ വശങ്ങൾക്ക് അധിക ആകർഷണം നൽകുന്നതിനായി സ്ഥാപിച്ചിരിക്കുന്നു. പുതുതായി രൂപകൽപ്പന ചെയ്ത് റൂഫ് റെയിലുകളും കാറിന്റെ ആകർഷണം കൂടുതൽ മെച്ചപ്പെടുത്തുന്നതിനായി ഒരുക്കിയിരിക്കുന്നു.

നിലവിൽ ഇന്ത്യൻ വിപണിയിൽ ഗണ്യമായ വിൽപ്പന വളർച്ചയുള്ള ഇലക്ട്രിക് കാർ മോഡലുകളിൽ ഒന്നാണ് MG ZS ഇവി. അക്ഷരീകമായി ഈ കാറിന്റെ പെട്രോൾ പതിപ്പാണ് Astor എസ്‌യുവി. അതിനാൽ, രണ്ട് കാറുകളും ഡിസൈൻ ശൈലിയിൽ ഏറെക്കുറെ സമാനമായിരിക്കുമെന്ന് പ്രതീക്ഷിക്കുന്നു.

ഇത് നിലവിൽ പുറത്തുവന്ന സ്പൈ ചിത്രങ്ങളിൽ നിന്ന് സ്ഥിരീകരിക്കാം. അതേസമയം, ഇരു മോഡലുകളും കാഴ്ചയിൽ ചെറിയ മാറ്റങ്ങൾ കാണിക്കുന്നു. Astor -ൽ ഒരു ചാർജിംഗ് പോയിന്റിന് പകരം ഫ്യുവൽ നിറയ്ക്കുന്നതിനുള്ള ഒരു മൗത്ത് ഉണ്ടെന്ന് നമുക്ക് കാണാൻ കഴിയും.

എന്നിരുന്നാലും, ഈ മൗത്ത്പീസ് ഏരിയ കാറിന്റെ വശത്താണ് സ്ഥിതി ചെയ്യുന്നത്. അതേസമയം, MG ZS ഇവിയിൽ ഇലക്ട്രിക് കാറിൽ ചാർജ് ചെയ്യുന്നതിനുള്ള പോയിന്റ് ലോഗോയ്ക്ക് പിന്നിൽ മുൻവശത്ത് സ്ഥാപിക്കും. അതുപോലെ, Astor -ന്റെ ഇന്റീരിയറിൽ ചില മാറ്റങ്ങൾ കമ്പനി വരുത്തിയിട്ടുണ്ട്.

അതുപോലെ, പുതിയ നിറവും പുതിയ സാങ്കേതികവിദ്യയുടെ കൂട്ടിച്ചേർക്കൽ എന്ന നിലയിൽ പുതിയ അഡിഷനുകൾ ബ്രാൻഡ് നൽകിയിട്ടുണ്ട്. ബ്രൗൺ ഷേഡാണ് പുതിയതായി കാറിൽ ഉപയോഗിച്ചിരിക്കുന്നത്. സർക്കുലർ എസി വെന്റകളാണ് വാഹനത്തിൽ ഒരുക്കിയിരിക്കുന്നത്.

വാഹനത്തിന്റെ ഡാഷ്‌ബോർഡ് വളരെ ലളിതമാണ്. നിലവിൽ പുറത്തുവന്ന സ്പൈ ചിത്രങ്ങളും അതിന്റെ ഇൻഫോടെയ്ൻമെന്റ് സിസ്റ്റം കേന്ദ്രത്തിൽ സ്ഥിതിചെയ്യുന്നുവെന്ന് കാണിക്കുന്നു. പെട്രോൾ എഞ്ചിൻ ചോയിസിൽ മാത്രമേ MG ഈ കാർ വാഗ്ദാനം ചെയ്യുകയുള്ളൂ എന്നാണ് റിപ്പോർട്ടുകൾ വ്യക്തമാക്കുന്നത്.

അതുപോലെ, 1.0 ലിറ്റർ ടർബോ പെട്രോൾ, 1.5 ലിറ്റർ പെട്രോൾ എന്നിങ്ങെ രണ്ട് എഞ്ചിൻ വേരിയന്റുകളിൽ വാഹനം ലഭിക്കുമെന്ന് പ്രതീക്ഷിക്കുന്നു. അഞ്ച്-സ്പീഡ് മാനുവൽ ഗിയർബോക്സ് അല്ലെങ്കിൽ ആറ്-സ്പീഡ് ഓട്ടോമാറ്റിക് ഗിയർബോക്സ് എന്നിവ കാറിനൊപ്പം നിർമ്മാതാക്കൾ വാഗ്ദാനം ചെയ്യുമെന്ന് പ്രതീക്ഷിക്കുന്നു. രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന കാറുകളിലൊന്നായ ഹ്യുണ്ടായി ക്രെറ്റയുമായി ഈ കാർ ഇന്ത്യൻ വിപണിയിൽ മത്സരിക്കും.

Astor -ന് പിന്നാലെ രാജ്യത്ത് ഒരു എംപിവി മോഡലും ചൈനീസ് ഉടമസ്ഥതയിലുള്ള ബ്രിട്ടീഷ് ബ്രാൻഡ് അവതരിപ്പിക്കുമെന്ന് ചില റിപ്പോർട്ടുകൾ സൂചിപ്പിക്കുന്നു.