Just In
- 4 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 5 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 5 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 6 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Sports IPL 2024: സഞ്ജുവിന്റെ ധൈര്യം അപാരം, ആ സാഹസം കളി ജയിപ്പിച്ചു! കിടു ക്യാപ്റ്റന്സി
- Lifestyle ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- News 14 വര്ഷത്തെ ഇടവേളയ്ക്ക് അവസാനം, രാഷ്ട്രീയത്തിലേക്ക് തിരിച്ചെത്തി ഗോവിന്ദ; ശിവസേനയില് ചേര്ന്നു
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
പുതുതലമുറ Scorpio-യും കളത്തിലിറങ്ങുന്നു; പരീക്ഷണയോട്ടം തകൃതിയാക്കി Mahindra
നിര്മാതാക്കളായ മഹീന്ദ്രയില് നിന്നും വിപണി ഏറെ പ്രതീക്ഷയോടെ കാത്തിരിക്കുന്ന മോഡലുകളില് ഒന്നാണ് പുതുതലമുറ സ്കോര്പിയോ. വാഹനത്തിന്റെ ഒരോ പുതിയ ചിത്രങ്ങളും വാര്ത്തകളും പുറത്തുവരുമ്പോഴും വാഹന പ്രേമികള്ക്കിടയില് നിന്നും വലിയ സ്വീകാര്യതയും ലഭിക്കുന്നുണ്ട്.
ഈ വര്ഷം വാഹനം വിപണിയില് എത്തുമെന്ന് പ്രതീക്ഷിച്ചിരുന്നെങ്കിലും ചില കാരണങ്ങള് മൂലം അരങ്ങേറ്റം നിര്മാതാക്കള് വൈകിപ്പിക്കുകയായിരുന്നു. ഇത്തിരി വൈകിയാലും കാത്തിരിക്കുന്ന ഉപഭോക്താക്കളുടെ ആവശ്യങ്ങളും, ആവശ്യതകളും മനസ്സിലാക്കി എതിരാളികളെക്കള് മികച്ച മോഡലാക്കി വാഹനത്തെ അവതരിപ്പിക്കാനാണ് കമ്പനി പദ്ധതിയിട്ടിരിക്കുന്നത്.
നിലവില് വാഹനത്തിന്റെ പരീക്ഷയോട്ടം നിരത്തുകളില് സജീവമാണ്. ഇപ്പോഴിതാ പരീക്ഷണയോട്ടം നടത്തുന്ന വാഹനത്തിന്റെ പുതിയ ചിത്രങ്ങള് പുറത്തുവന്നിരിക്കുകയാണ്. വാഹനം പൂര്ണമായും മറച്ചിട്ടുണ്ടെങ്കിലും, ഡിസൈന് സംബന്ധിച്ച ഏതാനും വിവരങ്ങള് മനസ്സിലാക്കാന് സാധിക്കുമെന്ന് വേണം പറയാന്.
തിരശ്ചീനമായി മധ്യഭാഗത്തായി അഞ്ച് വെര്ട്ടിക്കല് സ്ലേറ്റുകള് നല്കിയും പുതിയ ഗ്രില് സ്ഥാപിച്ചിരിക്കുന്നതും ചിത്രങ്ങളില് കാണാം. ഇതോടൊപ്പം ഇരുവശത്തും ഹെഡ്ലൈറ്റ് യൂണിറ്റുകള് നല്കിയിട്ടുണ്ട്, അത് രണ്ട് ഭാഗങ്ങളായി തിരിച്ചിരിക്കുന്നു, താഴ്ന്ന ഭാഗത്ത് ഫോഗ് ലൈറ്റ് ഘടിപ്പിക്കുകയും ചെയ്തിട്ടുണ്ട്.
വാഹനത്തിന്റെ ബോണറ്റില് ലൈനുകളും ക്രീസുകളും കാണാന് സാധിക്കും. അത് മുന്നില് നിന്ന് വാഹനത്തിന് ശക്തമായ രൂപം നല്കുകയും ചെയ്യുന്നു. വലിയ അലോയ് വീലുകള് അതിന്റെ വശത്ത് കാണപ്പെടുന്നു, ഈ എസ്യുവിയുടെ വലുപ്പത്തിന് അനുയോജ്യമെന്ന് വേണം പറയാന്. അതിന്റെ സൈഡ് സ്റ്റെപ്പുകള് പഴയതിലും വലുതായിരിക്കുന്നു. ഇത് യാത്രക്കാര്ക്ക് കയറാനും ഇറങ്ങാനും വളരെ ഉപകാരപ്രദവുമാണ്. പിന്ഭാഗത്ത് ടെയില്ഗേറ്റും അത് തുറക്കാന് വശത്ത് ഡോര് ഹാന്ഡിലുമാണ്. എല്ഇഡി ടെയില് ലൈറ്റാണ് ചിത്രത്തില് കാണാന് സാധിക്കുന്നത്.
ചിത്രങ്ങളില് നിന്ന് പിന്നെ മനസ്സിലാക്കാന് സാധിക്കുന്നത്, പിന്ഭാഗത്ത് നല്കിയിരിക്കുന്ന സ്റ്റോപ്പ് ലൈറ്റും വലിയ വൈപ്പറും ഷാര്ക്ക് ഫിന് ആന്റിനയുമാണ്. കാര് പുറകില് നിന്ന് വിശാലവും വലുതുമായി തോന്നുന്നു, പഴയ മോഡലിനെക്കാള് വലിയ വാഹനമായി ഇത് കാണപ്പെടുകയും ചെയ്യുന്നു. XUV700 ഉപയോഗിച്ച് കമ്പനി ഉപഭോക്താക്കളെ അത്ഭുതപ്പെടുത്തിയ രീതിയില്, പുതിയ സ്കോര്പിയോയിലൂടെ ഉപഭോക്താക്കള്ക്ക് ഒരു വലിയ സമ്മാനം നല്കാനും കമ്പനി ആഗ്രഹിക്കുന്നതെന്നും റിപ്പോര്ട്ടില് പറയുന്നു.
ടെയില്ലൈറ്റ് ഡിസൈന് നിലവിലെ മോഡലില് നിന്ന് തികച്ചും വ്യത്യസ്തമാണ്. വോള്വോയുടെ എസ്യുവി ശ്രേണിയില് നിന്ന് പ്രചോദനം ഉള്ക്കൊണ്ട് D-പില്ലറിനൊപ്പം പുതിയവ, റൂഫ് വരെ നീണ്ടുകിടക്കുന്നതായി തോന്നും. വരാനിരിക്കുന്ന മിഡ്-സൈസ് എസ്യുവിയുടെ രൂപകല്പ്പന മുന് അവസരങ്ങളില് വിശദമായി ചര്ച്ച ചെയ്തിട്ടുണ്ട്.
സ്കോര്പിയോയുടെ മൊത്തത്തിലുള്ള സില്ഹൗറ്റ് ബോക്സിയായി തുടരുമ്പോള്, അതിന്റെ ബാഹ്യ രൂപകല്പ്പന പൂര്ണ്ണമായും മാറ്റിമറിച്ചകും മോഡല് എത്തുകയെന്നാണ് സൂചന. കുത്തനെയുള്ള B,C പില്ലറുകളും പരന്ന മേല്ക്കൂരയും ഉള്ള പ്രൊഫൈല് ബോക്സിയായി തുടരാന് വാഹനത്തെ സഹായിക്കുന്നു. പൂര്ണ്ണമായും ഫ്ലാറ്റ് ടെയില്ഗേറ്റ് ലഭിക്കുന്ന നിലവിലെ മോഡലുമായി താരതമ്യപ്പെടുത്തുമ്പോള് പിന് വിന്ഡ്സ്ക്രീനിന് ഇപ്പോള് ചെറിയ റേക്ക് ലഭിക്കുന്നു.
സ്കോര്പിയോ നെയിംപ്ലേറ്റിന് പരുക്കന് ഫീല് നല്കുന്ന ലാഡര്-ഓണ്-ഫ്രെയിം ചേസിസ് ഇതിന് അടിവരയിടുന്നത് തുടരും. പുത്തന് തലമുറ സ്കോര്പിയോയുടെ പുറംഭാഗം മാത്രമല്ല, അകത്തളങ്ങളും തികച്ചും വ്യത്യസ്തമായ രൂപമായിരിക്കും.
ഡാഷ്ബോര്ഡ് ലേഔട്ട് പരിഷ്ക്കരിച്ചിരിക്കുന്നു, അതില് പുതിയ 8.0-ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് ഡിസ്പ്ലേ, ഇരുവശത്തും ലംബമായി ഓറിയന്റഡ് എസി വെന്റുകളാല് ചുറ്റപ്പെട്ടിരിക്കുന്നു. എയര്-കോണ് വെന്റുകള്ക്ക് ചുറ്റും പിയാനോ-ബ്ലാക്ക് ഫിനിഷ് ഉണ്ട്, അത് പ്രീമിയം ആകര്ഷണം നല്കുകയും ചെയ്യുന്നു.
ഏറ്റവും പ്രധാനമായി, സ്കോര്പിയോയുടെ ഏറ്റവും പുതിയ ആവര്ത്തനം നിലവിലെ മോഡലില് സൈഡ് ഫേസിംഗ് ജമ്പ് സീറ്റുകള്ക്ക് പകരം ശരിയായ ഫോര്വേഡ് ഫേസിംഗ് മൂന്നാം നിര ബെഞ്ച് സീറ്റുകള് വാഗ്ദാനം ചെയ്യും എന്നതാണ്. 7 സീറ്റര് ഓപ്ഷനോടൊപ്പം, 5 സീറ്റ് കോണ്ഫിഗറേഷനിലും ഇത് വാഗ്ദാനം ചെയ്യുമെന്ന് പ്രതീക്ഷിക്കുന്നു.
ഡിജിറ്റല് MID-യുള്ള അനലോഗ് ഇന്സ്ട്രുമെന്റ് കണ്സോള്, ഇലക്ട്രിക് സണ്റൂഫ്, മൈക്രോ-ഹൈബ്രിഡ് ഫംഗ്ഷന് എഞ്ചിന് സ്റ്റാര്ട്ട്/സ്റ്റോപ്പ് ഫംഗ്ഷണാലിറ്റി, ഡ്യുവല് സോണ് ക്ലൈമറ്റ് കണ്ട്രോള് എന്നിവയും മറ്റുമാണ് പുതിയ സ്കോര്പിയോയില് ഉള്പ്പെടുമെന്ന് പ്രതീക്ഷിക്കുന്ന മറ്റ് ശ്രദ്ധേയമായ സവിശേഷതകള്.
എഞ്ചിന് സവിശേഷതകളുടെ കാര്യത്തില്, XUV700-ന്റെ അതേ സെറ്റ് എഞ്ചിന് ഓപ്ഷനുകള് തന്നെയാകും സ്കോര്പിയോയില് കമ്പനി വാഗ്ദാനം ചെയ്യുമെന്നാണ് പ്രതീക്ഷിക്കുന്നത്. 2.2 ലിറ്റര് mHawk ഡീസല് എഞ്ചിനും 2.0 ലിറ്റര് mStallion ടര്ബോ പെട്രോള് എഞ്ചിനും ഇതില് ഉള്പ്പെടുന്നു.
ഈ സാഹചര്യത്തില്, രണ്ട് എഞ്ചിനുകളും താഴ്ന്ന നിലയിലാണ് വാഗ്ദാനം ചെയ്യുന്നത്. രണ്ട് പവര്ട്രെയിനുകളിലും 6-സ്പീഡ് മാനുവല് ട്രാന്സ്മിഷന് അല്ലെങ്കില് 6-സ്പീഡ് ഓട്ടോമാറ്റിക് ഗിയര്ബോക്സ് ലഭിക്കും. 4WD എന്ന ഓപ്ഷനും ഉയര്ന്ന വേരിയന്റുകളില് ലഭ്യമാക്കും. വില സംബന്ധിച്ച് നിലവില് സൂചനകള് ഒന്നും തന്നെ ലഭ്യമല്ല. ഇത്തരത്തിൽ നിരവധി മോഡലുകളാണ് മഹീന്ദ്രയിൽ നിന്നും വരും വർഷങ്ങളിൽ വിപണിയിൽ എത്താനൊരുങ്ങുന്നത്.
Source: Facebook