പുതുതലമുറ ഫോക്‌സ്‌വാഗണ്‍ ടിഗുവാൻ ഓൾസ്പേസിന്റെ പ്രധാന മാറ്റങ്ങൾ

ഈ മിഡ്-ലൈഫ് അപ്‌ഡേറ്റ് ഉപയോഗിച്ച്, മികച്ച ഉപകരണങ്ങളോടൊപ്പം ഇന്റീരിയറിലേയും എക്സ്റ്റീരിയർ ഡിസൈനിലേയും മാറ്റങ്ങൾ ഉൾപ്പെടെ വിപണിയിൽ നിന്ന് പിൻവാങ്ങുന്ന മോഡലിനേക്കാൾ ഫോക്‌സ്‌വാഗണ്‍ എസ്‌യുവി ഇപ്പോൾ ധാരാളം മാറ്റങ്ങൾ അവതരിപ്പിക്കുന്നു.

ടിഗുവാൻ ഓൾസ്‌പേസ് ഫെയ്‌സ്‌ലിഫ്റ്റ് അടുത്ത വർഷം ഇന്ത്യൻ വിപണിയിലും എത്തിച്ചേരുമെന്ന് പ്രതീക്ഷിക്കുന്നു. ഇവിടെ, 2022 ഫോക്‌സ്‌വാഗണ്‍ ടിഗുവാൻ ഓൾസ്‌പേസിന്റെ മികച്ച അഞ്ച് മാറ്റങ്ങൾ നമുക്ക് പരിശോധിക്കാം.

1. എക്സ്റ്റീരിയർ സ്റ്റൈലിംഗ്

ടിഗുവാൻ ഓൾസ്‌പേസ് ഫെയ്‌സ്‌ലിഫ്റ്റിൽ ഒരു പുതിയ ജോഡി എൽഇഡി ഹെഡ്‌ലാമ്പുകളും (എൽഇഡി ഡിആർഎല്ലുകളും), സംയോജിത എൽഇഡി സ്ട്രിപ്പുള്ള പുനക്രമീകരിച്ച ഗ്രില്ലും ഒരു പുതിയ ബമ്പറും അടങ്ങുന്ന ഒരു പുനർരൂപകൽപ്പന ചെയ്ത ഫ്രണ്ട് ഫാസിയ ഉൾക്കൊള്ളുന്നു.

വേരിയന്റിനെ ആശ്രയിച്ച്, എസ്‌യുവിക്ക് 17 ഇഞ്ച് മുതൽ 20 ഇഞ്ച് വരെ വലുപ്പമുള്ള അലോയി വീലുകൾ ലഭിക്കും. പിൻഭാഗത്ത്, വാഹനം ഇപ്പോൾ ടെയിൽ‌ഗേറ്റിൽ ഒരു 'ടിഗുവാൻ' ബാഡ്‌ജും പുനർ‌നിർമ്മിച്ച ടൈൽ‌ലൈറ്റുകളും ഉൾക്കൊള്ളുന്നു. 2022 ടിഗുവാൻ ഓൾസ്‌പെയ്‌സിൽ കിംഗ്സ് റെഡ് മെറ്റാലിക്, ഫീനിക്സ് വൈറ്റ് എന്നീ രണ്ട് പുതിയ എക്സ്റ്റീരിയർ പെയിന്റ് ഓപ്ഷനുകൾ കമ്പനി ചേർത്തു.

2. അല്പം വലിയ അളവുകൾ

പുനർ‌നിർമ്മിച്ച എക്സ്റ്റീരിയർ കാരണം, പുതിയ ടിഗുവാൻ ഓൾ‌സ്പേസിന് ഇപ്പോൾ ഔട്ട്‌ഗോയിംഗ് മോഡലിനെക്കാൾ 20 mm നീളം കൂടുതലാണ്. എന്നിരുന്നാലും, വാഹനത്തിൽ കാര്യമായ യാന്ത്രിക മാറ്റങ്ങളൊന്നും സംഭവിച്ചിട്ടില്ലാത്തതിനാൽ ഇന്റീരിയർ സ്പെയ്സ് മാറ്റമില്ലാതെ തുടരുന്നു.

3. ആന്തരിക മാറ്റങ്ങൾ

2022 ടിഗുവാൻ ഓൾസ്‌പെയ്‌സിന്റെ ക്യാബിൻ സൂക്ഷ്മമായ മാറ്റങ്ങൾ മാത്രമാണ് അവതരിപ്പിക്കുന്നത്. എസ്‌യുവിക്ക് ഇപ്പോൾ 8.0 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്റർ സ്റ്റാൻഡേർഡായി ലഭിക്കുന്നു, ഇത് 10 ഇഞ്ച് ഡിജിറ്റൽ കോക്ക്പിറ്റ് പ്രോ യൂണിറ്റിലേക്ക് അപ്‌ഗ്രേഡുചെയ്യാനാകും.

ബേസ് ട്രിം ഒഴികെയുള്ള എല്ലാ വേരിയന്റുകളിലും MIB3 ഇൻഫോടെയ്ൻമെന്റ് സിസ്റ്റം ലഭ്യമാണ്, കൂടാതെ ഇതിന് വയർലെസ് ആപ്പ്-കണക്റ്റ് സംവിധാനവും ലഭിക്കുന്നു. കൂടാതെ, ക്ലൈമറ്റ് കൺട്രോൾ സംവിധാനത്തിന് അടിസ്ഥാന ട്രിമ്മിൽ ഒഴികെ ടച്ച് നിയന്ത്രണങ്ങൾ ലഭിക്കുന്നു.

4. സുഖസൗകര്യങ്ങൾ

ഹീറ്റഡ് ഫ്രണ്ട് സീറ്റുകൾ, വയർലെസ് സ്മാർട്ട്‌ഫോൺ ചാർജർ, പനോരമിക് സൺറൂഫ്, ആംബിയന്റ് ക്യാബിൻ ലൈറ്റിംഗ്, പ്രീമിയം ഹാർമാൻ കാർഡൺ സൗണ്ട് സിസ്റ്റം എന്നിവ പോലെ 2022 ടിഗുവാൻ ഓൾസ്‌പെയ്‌സിൽ ധാരാളം ഉപകരണങ്ങൾ ലഭ്യമാണ്. ഫോക്‌സ്‌വാഗണ്‍ എസ്‌യുവിയിൽ ഹീറ്റഡ് സ്റ്റിയറിംഗ് വീലും വെന്റിലേറ്റഡ് ഫ്രണ്ട് സീറ്റുകളും ഉപഭോക്താക്കൾക്ക് തെരഞ്ഞെടുക്കാം.

5. സുരക്ഷ

ഫോർവേഡ് കൊളീഷൻ വാർണിംഗ്, പെഡസ്ട്രിയൻ ഡിറ്റക്ഷൻ ഓട്ടോണോമസ് എമർജൻസി ബ്രേക്കിംഗ്, റിയർ ട്രാഫിക് അലേർട്ട്, ബ്ലൈൻഡ്-സ്പോട്ട് മോണിറ്ററിംഗ്, ലെയിൻ-കീപ്പ് അസിസ്റ്റ്, അഡാപ്റ്റീവ് ക്രൂയിസ് കൺട്രോൾ, പാർക്കിംഗ് അസിസ്റ്റ്, റോഡ് സൈൻ റെക്കഗ്നിഷൻ എന്നിവ ഉൾപ്പെടുന്ന 2022 ടിഗുവാൻ ഓൾസ്‌പെയ്‌സിൽ ഫോക്‌സ്‌വാഗണ്‍ IQ ഡ്രൈവ് സ്യൂട്ട് വാഗ്ദാനം ചെയ്യുന്നു.