ഇൻഷുറൻസ് മെയിന്റനൻസ് ചെലവുകളില്ലാതെ കാറുകൾ സ്വന്തമാക്കാം; സബ്സ്ക്രിപ്ഷൻ ഓപ്ഷൻ അവരിപ്പിച്ച് നിസാൻ

സബ്‌സ്‌ക്രിപ്‌ഷൻ പദ്ധതിയുടെ തുടക്കത്തിൽ തന്നെ ഉപഭോക്താക്കൾക്ക് നാമമാത്രമായ റീഫണ്ട് ചെയ്യുന്ന സെക്ക്യൂരിറ്റി ഡിപ്പോസിറ്റ് മാത്രമേ നൽകേണ്ടതെന്നും തുടർന്ന് മുൻകൂട്ടി തെരഞ്ഞെടുത്ത കാലാവധിയുടെ നിശ്ചിത പ്രതിമാസ ഫീസ് നിരക്ക് നൽകണമെന്നും നിസാൻ ഇന്ത്യ പറഞ്ഞു.

പ്ലാൻ അനുസരിച്ച്, നിസാൻ കാറുകളിൽ ഏറ്റവും താങ്ങാനാവുന്ന വാഹനമായിരിക്കും മാഗ്നൈറ്റ് XV മാനുവൽ വേരിയൻറ്. ഈ വേരിയന്റിനായി നിസാൻ പ്രതിമാസം, 17,999 ഫീസ് നിശ്ചയിച്ചിട്ടുണ്ട്.

നിസാൻ മാഗ്നൈറ്റ് XV മാനുവൽ 7.15 ലക്ഷം രൂപ എക്സ്-ഷോറൂം വിലയ്ക്ക് വരുന്നു. 9.90 ലക്ഷം രൂപ എക്സ്-ഷോറൂം വിലയുമായി വരുന്ന ടോപ്പ് എൻഡ് സ്പെക്ക് മാഗ്നൈറ്റ് ടർബോ CVT XV പ്രീമിയം മോഡലിന് പ്രതിമാസം 25,299 രൂപ നിരക്കിലാണ് സബ്‌സ്‌ക്രിപ്‌ഷൻ വാഗ്ദാനം ചെയ്യും.

XV 1.5 ലിറ്റർ വേരിയന്റായിരിക്കും സബ്സ്ക്രിപ്ഷൻ പ്ലാൻ അനുസരിച്ച് ഏറ്റവും താങ്ങാനാവുന്ന നിസാൻ കിക്ക്സ് മോഡൽ. ഇത് പ്രതിമാസം, 23,999 രൂപ നിരക്കിൽ വരും. ഈ നിർദ്ദിഷ്ട വേരിയന്റിന്റെ എക്‌സ്‌ഷോറൂം വില 9.99 ലക്ഷം രൂപയാണ്. 14.19 ലക്ഷം രൂപ എക്സ്-ഷോറൂം വിലയിൽ വരുന്ന കിക്സ് XV പ്രീമിയം (O) ഡ്യുവൽടോൺ 1.3 ടർബോ വേരിയൻറ് പ്രതിമാസം 30,499 രൂപ നിരക്കിൽ കമ്പനി വാഗ്ദാനം ചെയ്യും.

ഡാറ്റ്സൺ റെഡി-ഗോ വേരിയന്റുകളും 8,999 രൂപ മുതൽ, 10,999 രൂപ വരെ പ്രതിമാസ ഫീസുമായി വാഗ്ദാനം ചെയ്യും.

വിവിധ ഉടമസ്ഥാവകാശ അനുഭവങ്ങൾക്കിടയിൽ കൈകാര്യം ചെയ്യാനുള്ള സൗകര്യം തേടുന്ന നവയുഗ ഇന്ത്യൻ ഉപഭോക്താക്കളുടെ ഡൈനാമിക് ജീവിതശൈലി ഉപഭോക്തൃ കേന്ദ്രീകൃത ബ്രാൻഡായ നിസാൻ മനസിലാക്കുന്നുവെന്ന് നിസാൻ മോട്ടോർ ഇന്ത്യ മാനേജിംഗ് ഡയറക്ടർ രാകേഷ് ശ്രീവാസ്തവ പറഞ്ഞു.

ഈ രംഗത്തെ പ്രമുഖരായ ഒറിക്സുമായി തങ്ങൾ പങ്കാളികളായി. ഏറ്റവും താങ്ങാവുന്നതും സൗകര്യപ്രദവും ആസ്വാദ്യകരവുമായ കാർ ഉടമസ്ഥാവകാശ അനുഭവം സൃഷ്ടിക്കുന്നതിനായി സബ്സ്ക്രിപ്ഷൻ സ്പെയിസിൽ ബ്രാൻഡ് ചെയ്യുക എന്നതാണ് കമ്പനിയുടെ ലക്ഷ്യം.

പുതിയ നിസാൻ മാഗ്നൈറ്റ്, നിസാൻ കിക്ക്സ്, ഡാറ്റ്സൺ റെഡി-ഗോ എന്നിവ സബ്സ്ക്രിപ്ഷൻ പ്ലാനിലൂടെ നൽകാനുള്ള പുതിയ മാർഗം വിഭാവനം ചെയ്യുക എന്ന ലക്ഷ്യത്തോടെയാണ് കമ്പനിയുടെ ഈ നീക്കം.

ഇന്ത്യയിലെ കാർ ഉടമസ്ഥാവകാശ രീതികൾ അതിവേഗം മാറിക്കൊണ്ടിരിക്കുകയാണ്, കഴിഞ്ഞ ഏതാനും മാസങ്ങളായി, പൊതുഗതാഗത ഉപയോഗത്തിന് വിരുദ്ധമായി വ്യക്തിഗത ഗതാഗതത്തോടുള്ള വ്യക്തമായ പക്ഷപാതത്തിന് നാം സാക്ഷ്യം വഹിച്ചു എന്ന് ഒറിക്സ് ഇന്ത്യ മാനേജിംഗ് ഡയറക്ടറും സിഇഒയുമായ സന്ദീപ് ഗംഭീർ പറഞ്ഞു.

നിർദ്ദിഷ്ട സബ്സ്ക്രിപ്ഷൻ പ്രോഗ്രാം ലക്ഷ്യമിടുന്നു ഒറിക്‌സിന്റെ സാമ്പത്തിക, പ്രവർത്തന ശേഷികളെ നിസാന്റെ സമാനതകളില്ലാത്ത ഉൽപ്പന്ന രൂപകൽപ്പനയും സാങ്കേതികവിദ്യയുമായി സംയോജിപ്പിക്കുന്നതിനാണ്.

കോൺ‌ടാക്റ്റ്ലെസ് കാർ പർച്ചേസ് അനുഭവത്തിനായി ഒരു പ്രത്യേക ഡിജിറ്റൽ പ്ലാറ്റ്‌ഫോമും നിസാൻ വിപണിയിലെത്തിക്കും. വെർച്വൽ ടെസ്റ്റ് ഡ്രൈവ് വാഗ്ദാനം ചെയ്യുന്നതിനൊപ്പം, ഒരു കാറിന്റെ കസ്റ്റമൈസ് ചെയ്യാനും നിലവിലുള്ള കാറിന്റെ വിനിമയ മൂല്യം വിലയിരുത്താനും EMI -കൾ താരതമ്യം ചെയ്യാനും, ബുക്കിംഗിന് മുമ്പ് ഫിനാൻസിനായി അപേക്ഷിക്കാനും പ്ലാറ്റ്ഫോം ഓപ്ഷനുകൾ നൽകും.