കൈഗർ ഇനി നേപ്പാളിന്റെ നിരത്തുകളിലും വിലസും; എസ്‌യുവിയുടെ കയറ്റുമതി ആരംഭിച്ച് റെനോ

15 റീട്ടെയിൽ ഔട്ട്‌ലെറ്റുകളുള്ള ഹിമാലയൻ രാജ്യത്തേക്ക് ഫ്രഞ്ച് വാഹന നിർമാതാക്കൾ 122 യൂണിറ്റ് കൈഗറുകൾ അയച്ചു. കയറ്റുമതി ശൃംഖല മറ്റ് SAARC രാജ്യങ്ങളിലേക്കും വ്യാപിപ്പിക്കാൻ പദ്ധതിയിട്ടിട്ടുണ്ടെന്നും റെനോ പറഞ്ഞു.

B-സെഗ്മെന്റ് റെനോ കോംപാക്ട് എസ്‌യുവി റെനോ ക്വിഡിനെ അടിസ്ഥാനമാക്കിയുള്ളതാണ്. ഫ്രഞ്ച് വാഹന നിർമാതാക്കളുടെ, ഇന്ത്യൻ എഞ്ചിനീയറിംഗ് ടീമുകളാണ് കൈഗർ വികസിപ്പിച്ചെടുത്തത്.

ഇന്ത്യ പോലുള്ള വികസ്വര വിപണികളെ കേന്ദ്രീകരിച്ചാണ് ഈ കാർ പ്രത്യേകമായി വികസിപ്പിച്ചെടുത്തിട്ടുള്ളത്. ഇത് പ്രാദേശികമായിട്ടാണ് നിർമ്മിക്കപ്പെടുന്നത്.

കോംപാക്ട് എസ്‌യുവിക്ക് പ്യുവർ വിഷൻ എൽ‌ഇഡി ഡി‌ആർ‌എല്ലുകൾ, C-ആകൃതിയിലുള്ള എൽ‌ഇഡി ടെയിൽ ‌ലൈറ്റുകൾ, ഡയമണ്ട് കട്ട് അലോയി വീലുകൾ, ഷാർക്ക് ഫിൻ ആന്റിന തുടങ്ങിയവ ലഭിക്കുന്നു.

ക്യാബിനുള്ളിൽ 8.0 ഇഞ്ച് ഫ്ലോട്ടിംഗ് ഇൻഫർട്ടെയിൻമെന്റ് സംവിധാനം, ആർക്കമീസ് ഓഡിയോ സിസ്റ്റം, വയർലെസ്സ് ചാർജിംഗ് സാങ്കേതികവിദ്യ മുതലായവ ഉൾക്കൊള്ളുന്നു.

RXE, RXL, RXT, RXZ എന്നിങ്ങനെ നാല് വ്യത്യസ്ത ട്രിം ഓപ്ഷനുകളിൽ റെനോ കൈഗർ ലഭ്യമാണ്. ഇതിന് 1.0 ലിറ്റർ ടർബോചാർജ്ഡ് പെട്രോൾ എഞ്ചിൻ ലഭിക്കുന്നു. ഒരു മാനുവൽ ഗിയർബോക്സ്, ഒരു ഈസി-R AMT, X-ട്രോണിക് CVT എന്നിങ്ങനെ മൂന്ന് വ്യത്യസ്ത ട്രാൻസ്മിഷൻ ഓപ്ഷനുകളിൽ എഞ്ചിൻ ലഭ്യമാണ്.

കാർ ഇതിനകം തന്നെ ഒരു ബ്രേക്ക്ത്രൂ ഉൽപ്പന്നമായി തന്നെത്താൻ സ്ഥാപിച്ചിട്ടുണ്ട് കാർ ഉപഭോക്താക്കളുടെ വിശാലമായ നിരയിൽ വമ്പിച്ച സ്വീകാര്യത നേടിയതായി നേപ്പാളിലേക്കുള്ള കയറ്റുമതിയെക്കുറിച്ച് സംസാരിച്ച റെനോ ഇന്ത്യ ഓപ്പറേഷൻസ് സിഇഒ മാനേജിങ് ഡയറക്ടർ വെങ്കട്ട്റാം മാമില്ലപാല്ലെ പറഞ്ഞു.

അതേസമയം, ഉൽപ്പന്ന പോർട്ട്‌ഫോളിയോ വിപുലീകരണത്തിൽ ശ്രദ്ധ കേന്ദ്രീകരിക്കുന്നതിനൊപ്പം കൂടുതൽ ഉപഭോക്താക്കളിലേക്ക് എത്താൻ നെറ്റ്‌വർക്ക് കവറേജ് വർധിപ്പിക്കുകയാണെന്നും ഫ്രഞ്ച് വാഹന നിർമാതാക്കൾ പറഞ്ഞു.

200 ഓളം സേവന കേന്ദ്രങ്ങൾ ഉൾപ്പെടെ നിലവിൽ ഇന്ത്യയിൽ 500 ലധികം വിൽപ്പന, സർവ്വീസ് ടച്ച് പോയിൻറുകൾ ഉണ്ടെന്ന് വാഹന നിർമാതാക്കൾ അവകാശപ്പെടുന്നു.