സെമികണ്ടക്ടര്‍ ക്ഷാമം ഉല്‍പ്പാദനത്തെ ബാധിച്ചു; Maruti Suzuki-യുടെ വില്‍പ്പന ഇടിഞ്ഞത് 33 ശതമാനം

2020 ഒക്ടോബറില്‍ 1,63,656 യൂണിറ്റുകള്‍ വിറ്റഴിച്ചതോടെ, വാര്‍ഷികാടിസ്ഥാനത്തിലുള്ള വില്‍പ്പനയില്‍ ഏകദേശം 34 ശതമാനം ഇടിവാണ് രേഖപ്പെടുത്തിയിരിക്കുന്നത്. 2021 സെപ്റ്റംബറില്‍, മാരുതി സുസുക്കിയുടെ വില്‍പ്പന 63,111 യൂണിറ്റായിരുന്നു.

ഇത് പ്രതിമാസ വില്‍പ്പനയുടെ അടിസ്ഥാനത്തില്‍ താരതമ്യം ചെയ്താല്‍ കഴിഞ്ഞ മാസം 73 ശതമാനം വളര്‍ച്ചയാണ് വില്‍പ്പനയില്‍ ഉണ്ടായിരിക്കുന്നതെന്ന് വേണം പറയാന്‍. ഇന്തോ-ജാപ്പനീസ് നിര്‍മാതാവിന് അതിന്റെ വിപണി വിഹിതത്തിലും ഗണ്യമായ ഒരു ഇടിവാണ് ഉണ്ടായിരിക്കുന്നത്.

ആഗോള സെമികണ്ടക്ടര്‍ ചിപ്പുകളുടെ ക്ഷാമമാണ് വില്‍പ്പന കുറയാനുള്ള ഏറ്റവും വലിയ കാരണങ്ങളിലൊന്ന്, അതിനാല്‍ മാരുതി സുസുക്കിക്ക് വാഹനങ്ങളുടെ ഉത്പാദനം പരിമിതപ്പെടുത്തേണ്ടി വന്നു.

ഇന്തോ-ജാപ്പനീസ് കാര്‍ നിര്‍മാതാവിന് ഈ മാസവും അതിന്റെ പ്രതിസന്ധി തുടരുമെന്നാണ് പ്രതീക്ഷിക്കുന്നത്. ഇന്ത്യയില്‍ മാത്രമല്ല, ലോകമെമ്പാടുമുള്ള നിര്‍മാതാക്കളും മറ്റ് വാഹന നിര്‍മാതാക്കളും ഇതേ പ്രശ്‌നം നേരിടുന്നുവെന്ന് വേണം പറയാന്‍.

സെഗ്മെന്റ് തിരിച്ചുള്ള വില്‍പ്പന കണക്കിലെടുത്താല്‍, യുവി സെഗ്മെന്റ് ഒഴികെയുള്ള എല്ലാ സെഗ്മെന്റുകളിലും വില്‍പ്പന കുറഞ്ഞുവെന്നാണ് കാണിക്കുന്നത്. ആള്‍ട്ടോയും എസ്-പ്രസ്സോയും ഉള്‍പ്പെടുന്ന മിനി സെഗ്മെന്റ് 2021 ഒക്ടോബറില്‍ 21,831 യൂണിറ്റുകളുടെ വില്‍പ്പനയാണ് കൊണ്ടുവന്നത്. 2020 ഒക്ടോബറില്‍ വിറ്റ 28,462 യൂണിറ്റില്‍ നിന്ന് വലിയ ഇടിവാണ് ഇവിടെ കാണാന്‍ സാധിക്കുന്നത്.

ബലേനോ, സെലെരിയോ, ഡിസയര്‍, സ്വിഫ്റ്റ്, ടൂര്‍സ്, വാഗണ്‍ആര്‍ തുടങ്ങിയ കോംപാക്ട് സെഗ്മെന്റില്‍, 2020 ഒക്ടോബറില്‍ വിറ്റ 95,067 യൂണിറ്റുകളില്‍ നിന്ന് കഴിഞ്ഞ മാസത്തെ വില്‍പ്പന 48,690 യൂണിറ്റായി കുറഞ്ഞു.

YTD വില്‍പ്പന 3,46,9336 യൂണിറ്റായി ഉയര്‍ന്നു. 2020 ഏപ്രില്‍-ഒക്ടോബര്‍ കാലയളവില്‍ 25,723 യൂണിറ്റുകള്‍ വിറ്റു. മാരുതി സുസുക്കി സിയാസിന്റെ മിഡ് സൈസ് സെഗ്മെന്റില്‍, 2020 ഒക്ടോബറില്‍ വിറ്റ 1,422 യൂണിറ്റില്‍ നിന്ന് കഴിഞ്ഞ മാസം 1,069 യൂണിറ്റായി വില്‍പന കുറഞ്ഞു. YTD വില്‍പ്പന കഴിഞ്ഞ വര്‍ഷം ഇതേ 7 മാസ കാലയളവില്‍ വിറ്റ 6,227 യൂണിറ്റില്‍ നിന്ന് 8,164 യൂണിറ്റായി ഉയരുകയും ചെയ്തു.

2020 ഒക്ടോബറില്‍ വിറ്റ 1,24,951 യൂണിറ്റില്‍ നിന്ന് 2021 ഒക്ടോബറില്‍ മൊത്തം പാസഞ്ചര്‍ വാഹന വില്‍പ്പന 71,590 യൂണിറ്റായി കുറഞ്ഞു. YTD വില്‍പ്പന 2020 കാലയളവില്‍ വിറ്റ 4,37,078 യൂണിറ്റില്‍ നിന്ന് 4,79,253 യൂണിറ്റായി ഉയരുകയും ചെയ്തിട്ടുണ്ട്.

യൂട്ടിലിറ്റി വെഹിക്കിള്‍ വില്‍പ്പന YoY, YTD അടിസ്ഥാനത്തില്‍ വര്‍ധിച്ചു. എര്‍ട്ടിഗ, ജിപ്സി, എസ്-ക്രോസ്, ബ്രെസ, XL6 എന്നിവ ഉള്‍പ്പെടുന്ന ഈ സെഗ്മെന്റില്‍ 2020 ഒക്ടോബറില്‍ 25,396 യൂണിറ്റുകള്‍ വിറ്റഴിച്ചതില്‍ നിന്ന് 27,081 യൂണിറ്റുകളായി വര്‍ധിച്ചു.

ഈക്കോ വാനിന്റെ വില്‍പ്പന 2020 ഒക്ടോബറില്‍ വിറ്റ 13,309 യൂണിറ്റില്‍ നിന്ന് 10,320 യൂണിറ്റായി കുറഞ്ഞു. ഇത് 2021 ഒക്ടോബര്‍ 1 മുതല്‍ മൊത്തം ആഭ്യന്തര പാസഞ്ചര്‍ വാഹന വില്‍പ്പന 1,08,991 യൂണിറ്റായി. 2020 ഒക്ടോബറില്‍ 63,656 യൂണിറ്റുകള്‍ കമ്പനി വിറ്റിരുന്നു.

സൂപ്പര്‍ ക്യാരിയുടെ, LCV വിഭാഗത്തില്‍, 2020 ഒക്ടോബറില്‍ വിറ്റ 3,169 യൂണിറ്റുകളില്‍ നിന്ന് കഴിഞ്ഞ മാസം 3,797 യൂണിറ്റുകളായി വര്‍ധിച്ചു. മാരുതി സുസുക്കിയും തങ്ങളുടെ വാഹനങ്ങള്‍ ടൊയോട്ടയ്ക്ക് വില്‍ക്കുന്നുണ്ട്. നിലവില്‍, ടൊയോട്ടയ്ക്ക് വിതരണം ചെയ്യുന്ന ബലേനോ, വിറ്റാര ബ്രെസ എന്നിവ ഇതില്‍ ഉള്‍പ്പെടുന്നു, അവ യഥാക്രമം ഗ്ലാന്‍സ, അര്‍ബന്‍ ക്രൂയിസര്‍ എന്നീ പേരിലാണ് ജാപ്പനീസ് ബ്രാന്‍ഡ് വില്‍ക്കുന്നത്.

2020 ഒക്ടോബറില്‍ വിറ്റ 6,037 യൂണിറ്റുകളില്‍ നിന്ന് കഴിഞ്ഞ മാസത്തെ വില്‍പ്പന 4,225 യൂണിറ്റായി കുറഞ്ഞു. YTD വില്‍പ്പന 2020 ലെ അതേ 7 മാസ കാലയളവില്‍ വിറ്റ 12,153 യൂണിറ്റില്‍ നിന്ന് 26,645 യൂണിറ്റായി ഉയര്‍ന്നു. മറുവശത്ത് കയറ്റുമതി ഗണ്യമായി വര്‍ദ്ധിച്ചുവെന്നും പറയുന്നു.

2020 ഒക്ടോബറില്‍ 9,586 യൂണിറ്റായിരുന്ന കയറ്റുമതി കഴിഞ്ഞ മാസം 21,322 യൂണിറ്റായി ഉയര്‍ന്നു. YTD കയറ്റുമതി 2021 ഏപ്രില്‍ മുതല്‍ ഒക്ടോബര്‍ വരെയുള്ള കാലയളവില്‍ 1,26,249 യൂണിറ്റായിരുന്നു, 2020 ലെ അതേ കാലയളവില്‍ കയറ്റുമതി ചെയ്ത 41,669 യൂണിറ്റുകളില്‍ നിന്ന് ഇത് വര്‍ധിച്ചു.

ഇത് കമ്പനിയുടെ മൊത്തം ആഭ്യന്തര വില്‍പ്പനയും കയറ്റുമതിയും 2021 ഒക്ടോബറില്‍ 1,38,335 യൂണിറ്റുകളായി ഉയര്‍ത്തി. 2020 ഒക്ടോബറില്‍ 1,82,448 യൂണിറ്റുകള്‍ വിറ്റഴിച്ചു. എന്നിരുന്നാലും YTD മൊത്തം വില്‍പ്പന 2020 കാലയളവില്‍ വിറ്റ 6,52,177 യൂണിറ്റുകളില്‍ നിന്ന് 8,71,490 യൂണിറ്റായി ഉയര്‍ന്നു.