കാത്തിരിപ്പിന് വിരാമമാകുന്നു; ടൈഗൂണിന്റെ അവതരണ തീയതി പങ്കുവെച്ച് ഫോക്‌സ്‌വാഗണ്‍

ഇതിന്റെ ഭാഗമായി മോഡലിനായുള്ള ബുക്കിംഗ് കമ്പനി ഇതിനോടകം തന്നെ ആരംഭിച്ചിരുന്നു. ബ്രാന്‍ഡിന്റെ ഇന്ത്യ 2.0 പദ്ധതിക്ക് കീഴിലാണ് മോഡലിനെ അവതരിപ്പിക്കുന്നത്. ഈ പദ്ധതിയുടെ കീഴില്‍ ചെക്ക് റിപബ്ലിക്കാന്‍ നിര്‍മാതാക്കളായ സ്‌കോഡ അടുത്തിടെ കുഷാഖിനെ രാജ്യത്ത് അവതരിപ്പിച്ചിരുന്നു.

വലിയ സ്വീകാര്യതയാണ് ശ്രേണിയില്‍ വാഹനത്തിന് ലഭിക്കുന്നതെന്ന് പോയ മാസം പുറത്തുവന്ന വില്‍പ്പന കണക്കുകള്‍ വെളിപ്പെടുത്തുന്നു. 2021 മാര്‍ച്ച് മാസത്തിലാണ് ടൈഗൂണിനെ കമ്പനി അവതരിപ്പിക്കുന്നത്.

അന്ന് മുതല്‍ വാഹനത്തിന്റെ അവതരണത്തിനായി കാത്തിരിക്കുകയാണ് വാഹന വിപണി. അടുത്തിടെ വാഹനത്തെ കമ്പനി വെളിപ്പെടുത്തിയിരുന്നെങ്കിലും വില്‍പ്പനയ്ക്ക് എത്തുന്നത് താമസിക്കുമെന്ന് അറിയിച്ചിരുന്നു.

എന്നാല്‍ ഇനി അധികം വൈകില്ലെന്ന് വ്യക്തമാക്കുന്നതാണ് പുറത്തുവന്നിരിക്കുന്ന പുതിയ റിപ്പോര്‍ട്ടുകള്‍. ബ്രാന്‍ഡില്‍ നിന്നുള്ള ഈ മോഡല്‍ സെപ്റ്റംബര്‍ മൂന്നാം വാരത്തോടെ ഇന്ത്യയില്‍ അവതരിപ്പിക്കുമെന്നാണ് കമ്പനി വക്താവ് ട്വിറ്ററില്‍ വെളിപ്പെടുത്തിയിരിക്കുന്നത്.

അതേ സമയം ടൈഗൂണിന്റെ വില വിവരങ്ങള്‍ ഒന്നും തന്നെ കമ്പനി വെളിപ്പെടുത്തിയിട്ടില്ല. വില പിടിച്ച് നിര്‍ത്തുക എന്ന ലക്ഷ്യത്തോടെ ടൈഗൂണ്‍ വളരെ പ്രാദേശികവല്‍ക്കരിച്ച MQB A0 IN ആര്‍ക്കിടെക്ചറിനെ അടിസ്ഥാനമാക്കിയാണ് ഒരുങ്ങുന്നത്.

ഇതേ പ്ലാറ്റ്‌ഫോം തന്നെയാണ് കുഷാഖിനും ലഭിക്കുന്നത്. കൂടാതെ ഭാവിയില്‍ ഇന്ത്യ 2.0 പ്രോഗ്രാമിന് കീഴില്‍ വികസിപ്പിച്ചെടുത്ത സ്‌കോഡയില്‍ നിന്നും ഫോക്‌സ്‌വാഗണില്‍ നിന്നുള്ള എല്ലാ ഭാവി മോഡലുകള്‍ക്കും ഇതേ പ്ലാറ്റഫോം തന്നെയാകും കമ്പനി നല്‍കുക.

സ്‌കോഡ കുഷാഖില്‍ കണ്ട അതേ എഞ്ചിനുകളും ഗിയര്‍ബോക്‌സ് ഓപ്ഷനുകളും ടൈഗൂണിനും ലഭിക്കും. 1.0 ലിറ്റര്‍ TSI ത്രീ സിലിണ്ടര്‍ ടര്‍ബോ പെട്രോള്‍ യൂണിറ്റ് 114 bhp കരുത്തും 178 Nm പീക്ക് ടോര്‍ക്കും ഉത്പാദിപ്പിക്കുന്നു.

1.5 ലിറ്റര്‍ TSI ഫോര്‍ സിലിണ്ടര്‍ ടര്‍ബോ പെട്രോള്‍ മോട്ടോര്‍ 148 bhp കരുത്തും 250 Nm പരമാവധി ടോര്‍ക്കും പുറപ്പെടുവിക്കും. 6-സ്പീഡ് മാനുവല്‍ ഗിയര്‍ബോക്‌സ് നിരയിലുടനീളം സ്റ്റാന്‍ഡേര്‍ഡായി കമ്പനി നല്‍കും.

ഓട്ടോമാറ്റിക് ഓപ്ഷനുകളില്‍ 1.0 ലിറ്റര്‍ യൂണിറ്റിന് 6 സ്പീഡ് ടോര്‍ക്ക് കണ്‍വെര്‍ട്ടറും 1.5 ലിറ്റര്‍ യൂണിറ്റിന് 7 സ്പീഡ് DSG-യും ഉള്‍പ്പെടും. ഫോക്‌സ്‌വാഗണ്‍ രണ്ട് വ്യത്യസ്ത ലൈനപ്പുകളില്‍ ടൈഗൂണ്‍ വാഗ്ദാനം ചെയ്യും.

ഇതില്‍ ഒരു സ്റ്റാന്‍ഡേര്‍ഡ് ശ്രേണിയും, GT ശ്രേണിയും ഉള്‍പ്പെടാം. ഒരു മാനുവല്‍ അല്ലെങ്കില്‍ ഓട്ടോമാറ്റിക് ഗിയര്‍ബോക്‌സ് ഓപ്ഷന്‍ ഉപയോഗിച്ച് 1.5 ലിറ്റര്‍ മോട്ടോര്‍ ഉപയോഗിച്ച് മാത്രമേ പിന്നീടത് ലഭിക്കുകയുള്ളു.

എന്നിരുന്നാലും, GT മാനുവല്‍ അതിന്റെ സമാന ഓട്ടോമാറ്റിക് വേരിയന്റുമായി താരതമ്യപ്പെടുത്തുമ്പോള്‍ സവിശേഷതകളുടെ കാര്യത്തില്‍ പിന്നിലാകും. എഞ്ചിന്‍ സ്റ്റാര്‍ട്ട്/സ്റ്റോപ്പ് ബട്ടണ്‍, ഇലക്ട്രിക് സണ്‍റൂഫ്, ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍ എന്നിവ പോലുള്ള ഫീച്ചറുകള്‍ നഷ്ടപ്പെടുത്തുന്നു.

സ്‌റ്റൈലിംഗിന്റെ കാര്യത്തില്‍ രണ്ട് ഡെറിവേറ്റീവുകള്‍ക്കിടയിലും വ്യത്യാസങ്ങളുണ്ട്, കാരണം റേഞ്ച്-ടോപ്പിംഗ് GT ഓട്ടോമാറ്റിക് വേരിയന്റില്‍ ബോഡിയിലൂടനീളം കൂടുതല്‍ ക്രോമും മൂന്ന് പെഡല്‍ മോഡലില്‍ വാഗ്ദാനം ചെയ്യുന്ന അടിസ്ഥാന 16 ഇഞ്ച് അലോയ്കള്‍ക്ക് പകരം കൂടുതല്‍ പ്രീമിയം 17 ഇഞ്ച് അലോയ് വീലുകളും സ്വന്തമാക്കും.

രണ്ട് GT വേരിയന്റുകളും വെന്റിലേറ്റഡ് സീറ്റുകള്‍ നഷ്ടപ്പെടുത്തുന്നു, അത് പിന്നീടുള്ള ഘട്ടത്തില്‍ ലൈനപ്പില്‍ ചേര്‍ക്കപ്പെട്ടേക്കാമെന്നും സൂചനകളുണ്ട്. ജര്‍മ്മന്‍ കാര്‍ നിര്‍മ്മാതാവ് വരും മാസങ്ങളില്‍ അതിന്റെ പുറംഭാഗത്ത് ഡാര്‍ക്ക് ക്രോം ബിറ്റുകളുള്ള ഒരു പ്രത്യേക പതിപ്പ് GT മോഡല്‍ പുറത്തിറക്കാനുള്ള സാധ്യതയുമുണ്ട്. കുഷാഖിന്റെ അതേ വിലയ്ക്ക് ഫോക്‌സ്‌വാഗണ്‍ ടൈഗൂണും വില്‍പ്പനയ്ക്ക് എത്തുമെന്നാണ് പ്രതീക്ഷിക്കുന്നത്.

എസ്‌യുവിയുടെ പുറംഭാഗത്തെക്കുറിച്ച് പറയുമ്പോള്‍, സംയോജിത എല്‍ഇഡി ഡിആര്‍എല്ലുകളുള്ള എല്‍ഇഡി മാട്രിക്‌സ് ഹെഡ്‌ലാമ്പ് സാങ്കേതികവിദ്യ ഇതില്‍ ഉള്‍പ്പെടുത്തുമെന്ന് പ്രതീക്ഷിക്കുന്നു. എല്‍ഇഡി ഫോഗ് ലാമ്പുകള്‍, എല്‍ഇഡി ടെയില്‍ലാമ്പുകള്‍ എന്നിവയും ഇതിലുണ്ട്.

ലൈറ്റ്ബാറുകളുടെ വര്‍ധിച്ചുവരുന്ന ജനപ്രീതി ടൈഗൂണ്‍ ഡിസൈനില്‍ ബൂട്ട് ലിഡിന്റെ നീളത്തില്‍ ഒരു വലിയ യൂണിറ്റ് സ്ഥാപിച്ചിരിക്കുന്നു. TFT ഡിജിറ്റല്‍ ഇന്‍സ്ട്രുമെന്റ് ക്ലസ്റ്ററോടുകൂടിയ ബ്രാന്‍ഡിന്റെ വെര്‍ച്വല്‍ കോക്ക്പിറ്റ് ഡിസൈന്‍ ടൈഗൂണില്‍ ഉള്‍പ്പെടുത്തും.

10.1 ഇഞ്ച് ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സംവിധാനവും ഇതില്‍ ഉണ്ടാകും. ആപ്പിള്‍ കാര്‍പ്ലേ, ആന്‍ഡ്രോയിഡ് ഓട്ടോ, ബ്രാന്‍ഡിന്റെ ഏറ്റവും പുതിയ കണക്റ്റുചെയ്ത സാങ്കേതികവിദ്യ തുടങ്ങിയ വയര്‍ലെസ് സ്മാര്‍ട്ട്ഫോണ്‍ കണക്റ്റിവിറ്റിയെയും ഇത് പിന്തുണയ്ക്കും.

8.0 ഇഞ്ച് ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍, വയര്‍ലെസ് സ്മാര്‍ട്ട്‌ഫോണ്‍ ചാര്‍ജര്‍, റിയര്‍ എസി വെന്റുകള്‍, ഫ്രണ്ട് & റിയര്‍ ചാര്‍ജിംഗ് പോര്‍ട്ടുകള്‍, കപ്പ് ഹോള്‍ഡറുകളുള്ള സെന്‍ട്രല്‍ ആംസ്‌ട്രെസ്റ്റ്, ക്ലൈമറ്റ് കണ്‍ട്രോള്‍ തുടങ്ങിയവയാണ് മറ്റ് സവിശേഷതകള്‍.

ഏറ്റവും ഉയര്‍ന്ന മോഡലുകളില്‍ 6 എയര്‍ബാഗുകള്‍ ഉള്‍പ്പെടെ 40-ലധികം സുരക്ഷ സവിശേഷതകളോടെ ഫോക്‌സ്‌വാഗണ്‍, ടൈഗൂണ്‍ വാഗ്ദാനം ചെയ്യുന്നത്. ഹ്യുണ്ടായി ക്രെറ്റ, കിയ സെല്‍റ്റോസ്, സ്‌കോഡ കുഷാഖ് എന്നിവയ്‌ക്കെതിരെയാകും വിപണിയില്‍ ടൈഗൂണ്‍ മത്സരിക്കുക.